Кіраўніцтва Рускай праваслаўнай царкы вырашыла нагадаць сваім беларускім падначаленым, хто ў праваслаўным храме гаспадар. У якасці такой дэманстрацыі Сінод РПЦ выдаў пастанову, у якой запатрабаваў, каб усе структуры БПЦ ўнеслі змены ў свае назвы, якія “должны содержать словосочетания “Русская Православная Церковь” или “Московский Патриархат”. І гэта ў дадатак да той ідэалагізацыі царквы, якую праз рэпрэсіі супраць святароў і вернікаў насаджае лукашэнкаўскі рэжым.

Што стала нагодай для таго, каб Сінод РПЦ стаў у позу гаспадара датычна Беларускай праваслаўнай царквы і ці можа БПЦ на падпарадкавацца загадам з Масквы? Чаму святары асобных прыходаў не проста выконваюць патрабаванні рэжымных ідэолагаў і карнікаў, але і самі праяўляюць ініцыятву ў сваім прыслужванні рэжыму? Ці варта разлічваць, што новы прадстаўнік Ватыкана ў Беларусі дасягне паляпшэння адносінаў паміж Мінскам і Ватыканам? Пра гэта і шмат што іншае мы і разважаем у жывым эфіры Еўрарадыё з тэалагіняй, эксперткай у галіне рэлігіі, палітыкі і абароны правоў Наталляй Васілевіч