Xiana non pode rexeitar o convite de Ramón para tomar algo sen desvelar que debaixo do posto de filloas están os maletíns, así que accede a ir con el. Sen saber como desperta soa nun banco á beira do mar, aínda é de noite.

Carlos non pode coller o sono na súa primeira noite no piso de solteiro e decide chamar ó sogro para contarlle que sospeita que Alicia ten unha aventura. O sogro accede a quedar con el, sen decatarse de que as súas facultades están mermadas pola súa visita ó Venus, e acáballe confesando que se vai facer co famoso tesouro da lenda.

O negocio das filloas recheas ten tanto éxito que non lles dou tempo, nin sequera pensar, en como ocultar os maletíns. Ademais, Ramón non se separa do mostrador nin un momento e Xiana, que non cre na casualidade da súa repentina aparición, trata de manter a tapadeira ate as últimas consecuencias.

A idea que tiveran Xiana e Salva para subir as mesas non funciona, as mesas pesan de máis para o motor de arrastre, aínda que Xiana tarda en decatarse porque Alicia a entretén pedíndolle, case esixíndolle que lle atope un sitio para durmir.

Xiana, Sandra e Salva deciden sacar os maletíns empregando como soporte as mesas que tanto lle gustaron a Xiana. Non foi complicado, a complicación veu cando remataron e foron conscientes do volume e do peso dos paquetes que fixeron, e aínda se complicou máis cando chegaron á casa de Xiana.

Alicia, ante as fotos que lle mostra Andrés, decide deixar a Carlos. Este sorpréndese pola nova pero, tras pensalo uns minutos, resolve que é o mellor, e afronta con moita naturalidade a liberade que lle ofrece o seu novo estado civil.

Alicia decide contarlle a súa nai que retomou o contacto con Andrés, pero a presenza de Carlos impídello e só lle queda agardar con paciencia a chamada de Andrés cos resultados da investigación que lle encargou.

Este capítulo relata como Xiana consigue abrir a gran cámara acorazada da antiga sede da Caixa Universal e o sorprendente contido que atopa dentro, e o que pensan, ela, Salva e Sandra facer con el.

Este capítulo relata como Xiana, Sandra e Salva volven a internarse na antiga sede da Caixa Universal, ca intención de comprobar se o seu sistema funciona ca tarxeta que acaban de conseguir.

Este capítulo relata como Sandra e Xiana se achegan á actual sede central da Caixa Universal para averiguar cando vai ser a vindeira conferencia, co obxectivo de conseguir unha tarxeta e intentar abrir a caixa forte de novo.