و دلوقتى هتكلم عن رواية أو قصة حتى لا يطير الدخان و هى للروائي الكبير إحسان عبد القدوس و تم تجسيدها فى فيلم بنفس الاسم سنة 1984 من بطولة: عادل امام- سهير رمزي- سناء شافع- أحمد راتب- يوسف فوزي، ومن اخراج أحمد يحيي  بتدور أحداث الفيلم عن 4 اصداقاء وهما كمال ومدحت ورؤوف و فهمي و بسبب عدم امتلاك فهمى المال اللازم لإجراء عملية جراحية لأمه و عدم مساعد ة اصداقائه له بتموت امه فيقرر الانتقام منهم و بينتهي من دراسته وبيكون ثروة كبيرة بطرق مشبوهة و بينجح فهمي في الانتخابات وبيتسبب بنفوذه في تعطيل صفقه مهمه لمدحت و ده بيعرضه لخسارة كبيره فى شغله و مع خسارة مدحت بتزهق خيرية مراته منه و بتتقرب من فهمي و ال كان بيشجعها على طلب الطلاق و بيوعدها انهم هيتجوزوا ولكنه بيرفض الزواج منها ويقول ان ال قالوا لها مجرد كلام بلا قيمة وبكده بيحقق انتقامه منها لما رفضت عرضه زمان بسبب فقره و في يوم فرحه بجارته القديمة سنية بيموت بسبب مرضه ولما اتعرضت قصة فيلم حتى لا يطير الدخان على الرقابة اترفضت و منتج الفيلم اتخلى عن إنتاج الفيلم، و بعدها بفترة مخرج الفيلم أحمد يحيى عمل استئناف للجنة التظلمات و تمت الموافقة على الفيلم و الرواية عكس الفيلم فى بعض الاحداث زى مثلا وصف شخصية فهمى ومآساته مع الفقر وعلاقاته بشلة الأغنياء وتظاهره وتمسكه بعزة نفسه و بعد كده اكتشف فساد الطبقة دى وعلاقتهم بالمخدرات وتدريجيا أصبح هو صاحب وملك المكان ال كانوا بيتجمعوا و ييتعاطوا المخدرات فيه وتعمق إحسان عبد القدوس فى وصف فساد الطبقة وشخصية سنية فى الفيلم كانت شخصية شريفه مكافحة قاطعت فهمى بعد ان علمت انه اصبح تاجر مخدرات , لكن فى الرواية شخصية سنية العكس تماما و كانت بتساعد فهمى فى ترتيب السهرات وبتشاركه فى راحة معارفه الفاسدين و عدم موت فهمي و زواجه بسنيه فى نهاية القصة على عكس الفيلم  و السيناريست مصطفى محرم كاتب سيناريو  فيلم «حتى لا يطير الدخان» والمأخوذة عن رواية بنفس الاسم للروائى إحسان عبدالقدوس، وبعد الإعلان عن إعادة تقديمها مرة أخرى دراميًا ببطولة للفنان مصطفى شعبان، وسيناريو للكاتب مدحت العدل، قال أنه اتفاجأ بقرار إعادة العمل دون الرجوع له خصوصا أنه عرف أن المسلسل هيكون مأخوذة عن سيناريو الفيلم وليس عن الرواية. وقال إن الفيلم ليس القصة المأخوذة عن الرواية ال كتبها إحسان عبدالقدوس وأن المجتمع لن يهتم بشكل كبير بما تطرحه الرواية فى الوقت الراهن آنذاك، وقرر أن يكتب سيناريو يليق بالفنان الكبير عادل إمام لانه بيملك مواهب تمثيلية قوية فى التراجيديا والكوميديا. وتابع أنه قرر وقتها أن يقدم له دورا كبيرا يعمل نقلة وغير متعلق بالرواية الأصلية، و قال القيام بالمسلسل مأخوذا عن السيناريو هيكون تعدى على حقوق الملكية الفكريه وله حماية قانونية خاصة لأن السيناريو إبداع خاص، مضيفًا أن سيناريو الفيلم له حصانة تخص كاتب السيناريو والحوار والموسيقى التصويرية، وهم من لهم حق الأداء العلنى 

 تقديم و إعداد و تصميم و إخراج 

نهى نصار 

شكراً لحسن إستماعكم

و دلوقتى هتكلم عن رواية أو قصة بين السما و الأرض و هى رواية صاحب نوبل الروائي الكبير نجيب محفوظ و ال تم نشرها أول مرة سنة 1959 و تم تجسيدها فى فيلم بنفس الاسم من بطولة هند رستم و عبد المنعم ابراهيم , و بتدور احداث الروايه عن تعطل مصعد كهربائى فى إحدى عمارات احياء القاهرة بركابه اللذين لا يعرفون بعضهم و بيوضح محفوظ فى روايته اختلاف الناس و طباعهم و اهدافهم , فبرغم من تجمعهم فى نفس المكان و تعرضهم لنفس الحدث الا ان كل منهم له هموم مختلفه عن الاخر فبينهم ممثلة و شخص مجنون و اخرين تعساء و اجتمعوا بين السما و الارض و اتفقوا فى احساسهم باليآس و الندم و الاستسلام للموت , و لكن بمجرد احساسهم ان فى أمل ضعيف فى خروجهم احياء من المصعد بيتعظوا و بيبدأو فى رؤية الحياه بصورة ايجابيه و بينشأ بداخلهم الامل و حب الحياة و التمسك بها و ده بسبب أقترابهم من الموت و ادراكهم أنهم مقدروش الحياة حق تقديرها و فى نفس الوقت بيكون فى شخص خارج المصعد و لكنه تعيس و بيحاول الانتحار بالقفز من سطح المبنى ال فيه المصعد حتى وصول النجدة و انقاذه . و يعاد تجسيد الرواية مرة تانيه فى شهر رمضان 2021 فى مسلسل بنفس اسم الروايه من بطولة هانى سلامة و درة  المسلسل ده هيكون تاني المسلسلات ال بتجسد روايات نجيب محفوظ بعد مسلسل الملك المأخوز عن رواية كفاح طيبة ال اتكلمت عنها فى أول حلقة و كان المفروض هيتعرض فى رمضان 2021 و لكن المتحدة للخدمات الاعلامية و الجهات المعنيه قرروا وقف التصوير و أمروا بتشكيل لجنة عاجلة من مجموعة من المتخصصين فى التاريخ و الاثار و علوم الاجتماع لمشاهدة المسلسل و مراجعة السيناريو بالكامل و ابداء رأيهم بموضوعية و مهنية فيه حتى لو ترتب على ذلك عدم عرضه فى رمضان 2021 .  تقديم و إعداد و تصميم و إخراج 

نهى نصار

 شكراً لحسن إستماعكم

و دلوقتى هتكلم عن رواية أهل الكهف , و هى مسرحية دينيه من أشهر مسرحيات عميد المسرح العربي توفيق الحكيم و تم نشر الروايه اول مرة سنة 1933 , و بتعتبر مسرحية أهل الكهف من أنجح المسرحيات و تم طباعتها مرتين فى عامها الاول و كمان تم ترجمتها للفرنسية و الايطاليه و الانجليزيه و ده أكبر دليل على شهرتها و نجاحها , و هى أول مسرحية بيبتدى بها المسرح القومي نشاطه المسرحي و كانت أول العروض المسرحية المعروضه فيه هى ( أهل الكهف ) سنة 1935 و كان مخرجها الفنان الكبير زكى طليمات و لكن للاسف فشلت و كانت صدمة كبيرة للكل حتى الاستاذ توفيق الحكيم نفسه و ال ارجع سبب فشلها الى انها اكتبت فكريا و مخاطبه للذهن و لا يصلح ان تعرض عمليا و المسرحية دى بتدور حول صراع الانسان مع الزمن و الصراع ده بيتمثل فى ثلاثة من البشر يبعثون الى الحياه بعد نوم يستغرق أكثر من 3 قرون ليجدوا نفسهم فى زمن غير الزمن ال عاشوا من قبل , و كانت لكل منهم علاقات و صلات اجتماعيه تربطهم بالناس و الحياه و كان كا منهم بيشوف فى الصلات و العلاقات معنى حياته و جوهرها و لكن عندما يستيقظون مرة اخرى بيسعى كل منهم ليعيش و يجرد العلاقة الحياتيه و لكنهم بسرعه بيدركوا ان العلاقات و الصلات انتهت بمرور الزمن و ده الى خلاهم يحسوا بالوحده و الغربة فى عالم جديد وصفوه بأنه عالم سام و قرروا الرجوع للكهف مرة تانيه , و رواية أهل الكهف تم معالجتها مرة تانيه بشكل درامي من خلال فيلم تحت نفس الاسم و هيكون من بطولة خالد نبوى و خالد الصاوى و محمد ممدوح و معالجه سينمائيه أيمن بهجت قمر و أخراج عمرو عرفه . 

 تقديم و إعداد و تصميم و إخراج 

نهى نصار

 شكراً لحسن إستماعكم

و دلوقتى هتكلم عن رواية كفاح طيبة , و كفاح طيبة هى رواية تاريخية للروائي المصرى نجيب محفوظ الحائز على جائزة نوبل فى الادب و من أهم كتاب القرن العشرين و تم نشرها أول مرة سنة 1944 و كده بتكون دى تالت روايه تاريخيه له بعد رواية عبث الاقدار و رواية رادوبيس و بتكون الروايه دى تحت تصنيف خيال تاريخي , و بتصور كفاح شعب مصر ضد غزو الهكسوس و بتعتبر اسقاط تاريخي للاحداث على كفاح شعب مصر ضد الاحتلال البريطاني فى اوائل القرن العشرين و بكده بيحاول نجيب محفوظ من خلال سطور الروايه يوصلنا فكرة زى ما نجح الشعب المصري زمان ضد الهكسوس هيقدر ينجح ايضا ضد الانجليز , و بيمزج قصة كفاح أهل طيبه بقصة حب الملك أحمس, وفيه امثلة كتير عن الاثر او الانطباع الى هتشعر بيه بعد قرائتك لكفاح طيبة و منهم رفض الملك احمس لتعرض ابنة ملك الهكسوس لاى اذى برغم من سوء معاملة الهكسوس للاسيرات المصريات و راعة محفوظ فى وصف ملامح ابطال الروايه و دور الام فى حث ابنائها على حب الوطن و التضحيه من أجله و من عبقريه نجيب في روايته هو تكييف الاحداث التاريخيه لتخدم السياق الدرامي في الروايه فتجد علي سبيل المثال احمس يتحول من اخ لكامس وابن لسقننرع الي ابن لكامس وحفيد لسقننرع اشاره الي استمرار الكفاح جيل بعد جيل واشاره الي طول مدته كما حول مصر من مملكتين في الشمال يحكمها الهكسوس ومملكه في الجنوب تحت التاج المصري الي  مصر كامله تحت الاستعمار اشاره و اسقاط منه تجاه وضع مصر مع الانجليز , و فى نهاية سنة 1999 أجرت جريدة إلموند الاسبانيه دراسه اختارت فيها كفاح طيبة كواحده من اهم الاعمال الادبيه العالميه فى القرن العشرين , رواية كفاح طيبة هيتم معالجتها بشكل درامي من خلال مسلسل بأسم ( المللك ) و هيشارك فى الموسم الرمضاني القادم 2021 و هيكون بطولة عدد كبير من النجوم زى عمرو يوسف و صبا مبارك و سوسن بدر و ماجد المصرى و هيكون مسلسل الملك مستوحاه احداثه من رواية كفاح طيبة للاديب العالمى نجيب محفوظ ال اتكلمنا عنها فى اول الحلقة و لكن اكيد مش هتكون زى الرواية بالظبط علشان أكيد المعالجة الدرامية هتختلف شويه فى تناول الاحداث . 

 تقديم و إعداد و تصميم و إخراج 

 نهى نصار

 شكراً لحسن إستماعكم