Nólsoyar Páll varð føddur í 1766. Um sama mundið stovnaði danski ríkmaðurin Niels Ryberg sín handil í Vágsbotni, og hann hevði við loyvi frá danakongi smuglingarmiðstøð í Havn í nøkur ár.

Skjótt komu stór skip úr Eysturindia og Vesturindia við vørum, sum vórðu seldar í Bretlandi. Nólsoyar Páll fór ungur at sigla við skipum hjá Ryberg og lærdi siglingarfrøði.

Hann sigldi víða, til hann kom heim aftur og setti seg niður á Biskupsstøð norðuri í Vági. Saman við øðrum bygdi hann Royndina Fríðu og kom nú skjótt til ilnar við danska embætisverkið.