Ávirkanin uttaneftir er øgiliga stór. Eg haldi man spakuliga er farin at hoyra tað ymsastaðni. Eg haldi tíðin er komin, at føroyingar seta seg niður at hyggja eftir, hvussu málið hevur tað í dag.

Soleiðis sigur Tórbjørn Jacobsen, borgarstjóri í Runavíkar kommunu, sum millum mangt annað hevur ein málfund á skránni mentanarvikuna.

Hetta við málinum er ein reyður tráður gjøgnum alla mentanarvikuna, sigur Marjun Niclasen, leiðari fyri Visit Runavík, ið samskipar mentanarvikuna.

Hoyr samrøðuna við tey bæði.

Í kvøld byrjar ein røð av kunningarfundum kring landið við heitinum "Saman basa vit einsemi". Vit tosa við Bjørk Berg Wiggins, sum er verkætlanarstarvsfólk hjá Reyða Krossi. Bjørk, sum hevur mann úr Barbados, sigur eisini sína søgu í mun til at skula integrera seg í Føroyum við manni úr útlandinum.

Leygardagin varð nýggi dokumentarfilmurin "Skál" frumsýndur á stóra, danska filmsfestivalinum CPH:DOX.

"Skál" hevur longu fingið viðurkenning, tí hann er í uppskotið til tvær heiðurslønir á filmsfestivalinum: høvuðsheiðurlønina Dox:award, har 15 filmar úr øllum heiminum eru útvaldir, og heiðurslønina Politiken danish dok:award, sum er kapping fyri danskar filmar burturav. Filmurin hevur eisini verið umrøddur í føroyskum og donskum miðlum.

Mentanarvika er í Runavík hesa vikuna. Hon varð sett flaggdagin, og hon heldur fram til sunnudagin. Vit tosa við borgarstjóran í Runavíkar kommunu Torbjørn Jacobsen og Marjuna Niclasen, leiðara á kunningarstovuni í Runavík.

Nýggi dokumentarfilmurin "Skál" varð frumsýndur á CPH:DOX í gjár. Filmurin snýr seg um ungu listakvinnuna Daniu Tausen, og tvístøðuna hon kennir seg í, tí hon bæði er partur av einum andaligum umhvørvi í heimbygdini og einum meira verðsligum ungdómsumhvørvi í Havn. Vit umrøða og ummæla filmin saman við Hermanni Eliassen.

Glansbílætasamlararnir eftir Jóanes Nielsen kom tann 8. apríl út í franskari týðing. Vit hitta rithøvundin Jóanes Nielsen og Maluna Marnersdóttir, bókmentafrøðing, sum hevur verið bindilið millum tað franska og tað føroyska.

50 kømur og eitt dekk afturat. Vit hava vitjað umborð á Norrönu, har vit tosa við skipara, høvuðskokk og maritma stjóran um stóru umbyggingina.

Í kvøld verður føroyskt filmskvøld í Mentanarhúsinum í Fuglafirði. Vit fregnast, hvat er skránni.

Hoyr sætta høgnatátt her.

- Nú hevur hon potentielt 100 milliónir lesarar.

Jóanes Nielsen er vorðin franskur, og tað letur upp fyri einum stórum lesaraskara, sum kann lesa um glansbílætasamlararnar í Nonnuskúlanum.

Hetta er ein av bókunum, sum Jóanes sjálvur er væl foreintur við. Hann gekk sjálvur í nonnuskúla og hugsaði ofta um, hvussu harða lagnu nakrir av dreingjunum fingu. Í bókini fylgir hann søguni hjá seks dreingjum.

Malan Marnersdóttir, bókmentafrøðingur, hevur verið brúgv millum tað franska og tað føroyska. Tað er Inés Jørgensen, sum hevur týtt til franskt.

Maria Winther Olsen hevur fingist við film stóran part av sínum lívið - bæði sum ritstjóri, leikstjóri og samskipari av ymsum filmsverkætlanum.

Og nú sleppur hon at fylgja dreymi sínum í góðum kørmum, tí í síðstu viku slapp hon, sum fyrsti føroyingur, inn á Danska Filmskúlan, sum dokmuentarleikstjóri.

Í dag snýr Nón seg burturav um film, tí vit tosa við tveir føroyskar filmsskaparar.

Stuttfilmurin Trøllabeiggi gongur sína sigursgongd frá festivali til festival úti í heimi, og vit hitta Gudmund Helmsdal Nielsen til eitt prát um filmin, sum vann áskoðaravirðislønina til Geytan í fjør.

India, Bhutan, Italia og USA eru millum londini, ið hýsa filmsfestivalum, ið hava tikið væl ímóti stuttfilminum Trøllabeiggi. Orsakað av koronastøðuni, so ferðast Trøllabeiggi einsamallur, men Gudmund Helmsdal Nielsen vónar, at hann sleppur at vitja filmsfestivalarnar í heyst.

- Sjálvt um tað er stuttligt, at Trøllabeiggi klárar seg so væl har hann kemur, so snýr hetta við luttøku á festivalum seg í stóran mun um sambond við fólk í filmsvinnuni.