Hoyr vikuliga Høgnatáttin, har Høgni Djurhuus tekur saman um hendingar og útsagnir hesa farnu vikuna

Dopplers er á konsertferð í Føroyum. Talan er um ein sangbólk, ið sigur seg bjóða vanligu fatanini av einari konsertstøðu av. Vit hitta føroysku Tóru Vestergaard, sum er partur av sangbólkinum, og kórleiðaran Astrid Vang-Petersen.

Kaj Alstrup, sum í nøkur ár undirvísti í Føroyum, hevur umsett Fuglakvæðið hjá Nólsoyar Pálli til danskt. Fuglakvæðið er komið út í bók, sum Edvard Fuglø hevur myndprýtt. Vit hitta Kaj Alstrup.

Hoyr alla sendingina her.

Leygardagin var nýggi skúlin í Fuglafirði vígdur.

Nýggjur bygningur er bygdur upp í verandi bygning frá 1964, og skúlin hevur sostatt fingið nútímans karmar, sum hava rót í søgu skúlans.

Vit hitta skúlastjóran, Berlys Toftadal, ið greiðir frá nýggja skúlanum og hugsjónum skúlans, ið hevur slagorðið "meira enn ein skúli".

Aftur í ár varð skipað fyri ymsum tiltøkum í sambandi við móðurmálsdagin, ið hvørt ár verður hildin 25. mars - á føðingardegi V. U. Hammershaimbs. Eitt av tiltøkunum varð skipað av felagnum Føroyamál, og har var millum annað sofaprát, sum tey rópa tað, við Marjuna Lómaklett, ið virkar sum integratiónsprestur í Føroyum. Vit fingu orðið á Marjuna, sum millum annað greiddi okkum frá, hvat ein integratiónsprestur arbeiðir við sum heild, og so umrøddu vit eisini aktuellu støðuna, nú kríggj er í Evropa og Føroyar skulu taka ímóti flóttum.

- Tað var trupult at fara avstað aftur, tí vit kendu ikki á okkum, at vit vóru lidnir.

Gestur Janusarson Lómstein og John Johannesen vóru skjótir avstað, tá ið kríggið í Ukraina brast á. Teir vóru okkara eygu og oyru, og teir gjørdu avleiðingarnar av krígnum hjá Putin í Ukraina nærverandi fyri føroyingar.

- Tað er umráðandi at dekka umheimin við føroyskum eygum og føroyskum oyrum, tí annars gerst tað ikki nóg viðkomandi, halda teir.

Hann er vorðin ímyndin av alternativum tónleiki og av tónleikaútgávum av øllum møguligum slagi í Føroyum, og hann tykist vera ótroyttiligur, tá tað snýr seg um at skipa fyri á hesum listaøki. Kristian Blak fylti 75 ár í gjár.

Tað er eindømi, at Føroyar senda journalistar avstað til brennideplar og kríggj. Gestur Lómstein og John Johannesen fóru til Polen og markið við Ukraina, haðani fólk flýggja undan kríggi.

Og so hoyra vit, hvørjar tankar Høgni Djurhuus hevur gjørt sær hesa vikuna.

Hoyrið sendingina her.

Kvinnufelagið í Havn fyllir 70 hósdagin, og í Nón nýta vit høvið at varpa ljós á javnstøðuspurningar.

Vit tosa við fokvinnuna í Kvinnufelagnum í Havn, Katrina Gaard, um virksemið hjá felagnum í dag.

Síðani hava vit orðaskifti og hugleiðingar um javnstøðu við Katrina Gaard, Regin Berg, stjørnmálafrøðing, Kristinu Gry Berg, forkvinnu í Demokratia og Maisól Hentze, ungan feministur.

Kvinnufelagið í Havn fyllir 70 ár hósdagin.

Felagið varð sett á stovn í Havn í 1952, og hevur, saman við øðrum kvinnufeløgum í Føroyum, arbeitt við nógvum kvinnu- og javnstøðumálum gjøgnum tíðirnar, og verið við til at slóðað fyri rættindum, vit hava í dag.

Lurtið eftir samrøðuni við Bergtóru Hanusardóttir, sum gjørdist limur í Kvinnufelagnum síðst í 1970´unum, har hon greiðir frá søguni hjá Kvinnufelagnum í Havn.

Les meira um Kvinnufelagið í Havn á heimasíðuni: kvinnufelag.fo

Prinsurin Tamino, prinsessan Pamina, fuglafangarin Papageno, fuglagentan Papagena, tey trý gátuføru børnini, Náttardrotningin, tær tríggjar damurnar, Monostatos, prestarnir og Høvuðspresturin í Vísdómstemplinum, Sarastro.

Øll hesi verða at síggja í barnaoperu, ið verður frumframførd á Tjóðpallinum 1. apríl.

Talan er um navnframu Gandafloytuna eftir Wolfgang Amadeus Mozart, sum vanliga er hálvan triðja tíma til longdar, men sum í hesi útgávuni er stytt niður í ein tíma.

Kvinnufelagið í Havn fyllir 70 ár hósdagin. Kvinnufelagið hevur, saman við øðrum kvinnufeløgum í Føroyum, arbeitt fyri nógvum av teimum rættindum, vit hava í dag. Tí fara vit í Nón at varpa ljós á virkið hjá felagnum og eisini á javnstøðuspurningar. Í hesi Nón sending kava vit aftur í tíð, og varpa ljós á søguna hjá Kvinnufelagnum í Havn.

1. apríl er frumframførsla á Tjóðpallinum av Gandafloytuna eftir Wolfgang Amadeus Mozart. Operan, sum vanliga er hálvan triðja tíma til longdar, er í hesi útgávuni er skorin niður í ein tíma, og gjørd til barnaopera. Vit vitja á Tjóðpallinum.