– Vit hava skyldu til at njóta sex!

Okkara mentan er sexualiserað sum ongantíð áður. Erotikkur er at finna allstaðni. Men nógv bendir á, at vit eru ikki vorðin so nógv fríari kortini.

Hoyr áhugavert kjak um kyn og kynslív í dagsins samfelag.

Luttakararnir eru Turið Hermannsdóttir, antropologur, Suni Poulsen, sálarfrøðingur, og Marjun í Kálvalíð, prestur.

Tað vísir seg, at tað er ein greiður samanhangur millum at hava eitt gott sexlív og eina góða sálarheilsu. Hevur tú hinvegin eitt vánaligt kynslív, kann tað ávirka tína sálarheilsu skeivan vegin.

Tað sigur Björt Lind, sálarfrøðingur og sexolog-lesandi.

Kanningin, sum Nón hevur latið gjørt, vísir, at føroyingar sum heild eru nøgdir við sítt kynslív. Bæði kvinnur og menn. Men menninir sýnast eitt sindur nøgdari.

– Tað kann hanga saman við, at hvørki kvinnur ella menn kenna kvinnukroppin nóg væl, heldur Björt Lind.

- Erotikkur hevur altíð verið ein drívmegi í føroyskum skaldskapi, sigur Jógvan Isaksen, bókmentafrøðingur.

Kvæði, tættir, vísur, skaldsøgur og yrkingar. Longu frá skaldskapi av mannamunni og heilt fram í nútíðina. Áður vóru erotisku lýsingarnar meira sniðfyndugar, men seinni komu eisini rithøvundar, sum hava skrivað bart út.

Hoyr samrøðuna her.

Tey eldru eru væl nøgd við sítt kynslív. Í lítlu kanningini, sum Nón hevur gjørt av kynslívinum hjá føroyingum, er enntá líkt til, at tey millum 60 og 80 ár eru best nøgd við sítt kynslív.

– Hetta er tað sama, sum vit sóu í einari stórari kanning, vit gjørdu fyri nøkrum árum síðan, sigur Pál Weihe, yvirlækni og táverandi leiðari í Fólkaheilsuráðnum.

Um tað er ov torført, so set tað í eina fasta skipan, sigur Margret Mortensen, kenslufokuseraður parterapeutur, sum eisini heldur, at føroyskar kvinnur í nógvum førum eru alt ov hjálpsamar, tá tað til dømis snýr seg um at hjálpa við onkrum fjarum føðingardegi.

– Tað er í lagi at siga nei, tá onkur biður teg baka, serliga um tann tíðin so verður brúkt til nærveru og kærleika saman við makanum, sigur hon.

Tað siga Signhild Johannessen og Sunnva Mikkelsen, sum hava tikið stig til rørsluna @kropsfatanistar, ið byrjaði á Instagram, og síðani hevur havt við sær, at tær millum annað fara út á skúlar at siga frá.

Myndin er av Meghan Trainors, sangarinnu, sum eisini arbeiðir við at kunna fólk um kropsfatan (mynd: Vivo)

Perspektivering og parterapi mynda síðstu Nón-sendingina í Viku sex.

Hvønn týdning og hvønn status hava seksualitetur og kynslív í dagsins samfelag? Orðaskifti millum Marjuna í Kálvalíð, prest, Suna Poulsen, sálarfrøðing, og Turid Hermansdóttir, antropolog.

Hvussu kunnu pør finna javnvág millum sexlív og samlív, spyrja vit Margreth Mortensen, parterapeut.

Øll sendingin kann hoyrast her.

Eydnan er at hava kynsligt samband hampuliga ofta - og helst eina ferð um vikuna. Tað kundi verið ein tulking av kanningini, sum Spyr.fo hevur gjørt fyri Kringvarpið.

...

Helvtin av føroyingum siga seg vera væl ella sera væl nøgd við sítt kynslív. Tað vísir kanning, sum Spyr.fo hevur gjørt fyri Nón.

22 prosent siga seg vera sera væl nøgd við sítt kynslív, og 28 prosent siga seg vera væl nøgd. Tað vil siga, at 50 prosent eru nøgd við sítt kynslív.

Farna vikuskiftið skipaði Tórshavnar Big Band fyri stórari sangkapping. Vinnarin Magnus Johannessen vitjaði í Nón týsdagin, har hann millum annað greiddi frá, at vinnaralagið bleiv fiskað úr aftur einum harðdiski, har tað hevði ligið órørt í langa tíð. Hoyrið samrøðuna her

Mynd: magnusjohannessen.com

Hvat eru kropsfatanistar?

Og hvussu vísir erotikkur seg í føroyskum skaldskapi?

Nú vit eru í viku "sex", viðgera vit í Nón millum annað kyn og kynslív í einum mentanarligum og samfelagsligum samanhangi.

Seinnu árini er ein altjóða rørsla byrjað, har fólk, sum eru eitt sindur hyldligari ella tjúkkri enn miðal, gera vart við, at tað eisini skal vera pláss fyri teimum.

Signhild Johannessen og Sunnva Mikkelsen, sum rópa seg kropsfatanistar, vitjaðu í útvarpsstovuni.