Hvussu nøgdir eru føroyingar við sítt kynslív? Tað er millum spurningarnar, vit hava sett í einari spurnarkanning.

Nón setir kynslívið í fokus hesa vikuna, nú vit eru komin inn í Viku Sex.

Í dag fer Bjørt Lind, sálarfrøðingur og sexolog-lesandi, at greina spurnarkanningina, og vit skifta orð um kynslív sum heild.

Men alt verður ikki sex. Um vikuskiftið skipaði Tórshavnar Big Band fyri stórari sangkapping - vinnarin Magnus Johannesen kemur í útvarpsstovuna eftir klokkan hálvgum.

Øll sendingin kann hoyrast her.

Olvheðin Jacobsen lesur tónleik á Listaháskóla Íslands. Og Ernst Remmel gongur á klassiska musikkkonservatiorium í Århus. Leygarkvøldið spæla teir saman við 18 øðrum í Tórshavnar Big Band í Norðurlandshúsinum.

Olvheðin syngur fýra av teimum átta løgunum, sum komu inn til sangkappingina, sum Tórshavnar Big Band skrivaði út í heyst.

- Tað er gott at koma heim til hetta. Eg havi fyrireikað meg væl, so hóast tíðin er stutt, so eri eg klárur til leygarkvøldið, sigur Olvheðin.

Hann er kanska best kendur fyri at hava tikið stig til eitt framkomið upptøkustudio her heima. Seinastu trý árini hevur hann tó arbeitt sum leiðari á mentanarhúsi. Jónas Bloch Danielsen vitjaði í Nón.

Vetrarjazzurin leikar á í hesum døgum. Vit frættu um tvær spennandi konsertir. Tórshavnar Bigband skal framføra nýskrivað føroysk løg, og so er stór útgávukonsert í kvøld við Plúmm.

Hann er kanska best kendur fyri at hava tikið stig til eitt framkomið upptøkustudio her heima. Seinastu trý árini hevur hann tó arbeitt sum leiðari á mentanarhúsi. Jónas Bloch Danielsen vitjaði í Nón.

Vetrarjazzurin leikar á í hesum døgum. Vit frættu um tvær spennandi konsertir. Tórshavnar Bigband skal framføra nýskrivað føroysk løg, og so er stór útgávukonsert í kvøld við Plúmm.

Tvær krimiskaldsøgur komu út í 2019, onnur eftir Steintór Rasmussen og hin eftir Jógvan Isaksen. Malan Marnersdóttir, bókmentafrøðingur, ummælti báðar í Nón hesaferð.

Sjey hóskvøld á rað í februar og mars verður skýmingarløta á loftinum hjá Katrinum Christiansen, har sjónleikarar fara at lesa framhaldssøguna "Móðir sjeystjørnu" eftir William Heinesen. Vit tosaðu við Gunnvá Zachariassen, sum skipar fyri.

Í Nón týsdagin ummæltu og umrøddu vit leikin Cabarét, sum verður framførdur á Glasi. Gunnvá Zachariassen og Eyð Matras, sjónleikarar og leikstjórar, numu millum annað við aktualitetin í leikritinum.

Hvussu bar holocaust til menniskjaliga? Hvussu kann menniskjan gerast so ónd? Og kundu tú og eg blivið fangavørðir í Auswitch?

Tað eru millum spurningarnar, sum Róland í Skorini, lærari í religión, og Georges Rouah, sum er jødi, skifta orð um.

Altjóða minningardagur fyri Holocaust og onnur hópdráp hevur verið, og teir eru fullsamdir um, at tað hevur stóran týdning at minna á, hvat hendi og tosa um, hví tað hendi.

Vit ummæltu og umrøddu leikin Cabarét, sum verður framførdur á Glasi. Gunnvá Zachariassen og Eyð Matras, sjónleikarar og leikstjórar, vitjaðu. Og vit spurdu millum annað, hvussu tað menniskjaliga var møguligt, at vanlig fólk luttóku í Holocaust. Kundu tú og eg tað sama verið fangavørðir í Auswitch? Róland í Skorini og Georges Rouah, sum er jødi, góvu síni boð.

Eftir professarafyrilesturin hittu vit Firouz Gaiini til eitt prát um gransking hansara, og eitt sindur um hvat tað merkir at vera professari á einum lærdum háskúla.

Hoyrið samrøðuna her

– Kanska er ein reyður tráður, at ein er vorðin eldri, heldur Rani.

Á fløguni eru lívgandi løtur, kærleiki til fosturlandið, onkrar nemandi persónssøgur, nakað um lívið, um at missa og enntá rokkut sjómanslív á Flemish Cap.

– Lívsins málningur fær fleiri litir, og man upplivir miss og mótgongd. So tá tú lendir á báðum beinum sum 60 ára gamal og gevur tína fyrstu solofløgu út, so hevur tú upplivað ymiskt, sum ger at lívið hevur fingið fleiri brigdi, enn tá tú vart ungur. Kanska tað hoyrist.