Ein góð, breið og fjølbroytt konsert, halda ummælararnir.

Hesaferð ummæltu vit nýggjárskonsertina hjá Føroya Symfoniorkestri, kóri og solistum, sum var um vikuskiftið. Eirikur Skála og Bjarni Berg vóru í útvarpsstovuna.

Framsýningin "Burðardyggir stólar" lat upp í Norðurlandahúsinum í gjár. Vit vóru og vitjaðu saman við Heina Weihe, møblasniðgeva.

Og Ludvík á Brekku, sum situr í úrvalsnevndini, segði okkum eitt sindur um komandi Várframsýningina hjá felagnum Føroysk Myndlistafólk, sum verður skipað heldur øðrvísi í ár.

Hoyrið sendingina her

Øll munnu kenna, hvussu tónleikur kann skapa eina kenslu av sælu, fáa hárini at reisast ella festa í onkur gomul minni.

Kann tónleikur veruliga skapa eydnu. Og hvat er tað, sum hendir í heilanum, tá ið vit hoyra tónleik.

Hesa vikuna hava vit viðgjørt eydnu sum hugtak.

Hoyr samrøðuna við Sunleif Rasmussen

Í hesi samrøðu tosar Theodor Eli Dam Olsen, prestur, millum annað um læruna hjá heimsspekinginum K.E. Løgstrup, sum eitt nú tekur støði í interdependensi - áliti á onnur, sum eina fortreyt fyri at kunna liva eitt gott lív.

Eydnan, og tað at liva lukkuliga, hevur verið evnið í Nón alla hesa vikuna, og í dag vóru tað teologurin og tónleikarin, ið komu til orðanna.

Theodor Eli Dam Olsen prestur tosaði um eydnuna út frá einum andaligum sjónarhorni.

Og vit spurdu Sunleif Rasmussen, tónasmið, um tónleikur kann geva eina kenslu av sælu ella sorg.

Ber til at vera lukkuligur fyri tað mesta - ella er eydnan bara onkur góð løta?

Í dag tosa vit við Tóra við Keldu og Magnus Juel Petersen um, hvat tey halda vera eydnan, og nær tey eru eydnusom.

Og hvat siga heimspekingar um eydnusemi. Tað tosa vit við Pætur Dahl, heimspeking, um.

50 lívsreglur um eitt toluligt lív. Tað er høvuðstátturin í leikinum "Kynstrið at vera eydnusamur", sum setir sjøtul á leikárið 2020 á Tjóðpallinum.

Nón setir sjóneykuna á leikin.

Leikararnir Annfinnur Heinesen, sum eisini leikstjórnar, Gunnvá Zachariassen og Birita Adela Davidsen greiða frá leikinum og seta orð á, hvat eydna kann vera.

Listamaðurin Edvard Fuglø, sum hevur tilevnað alla pallmyndina úr endurnýtsluvørum, tosar um samspælið millum pall og leik.

Og Gulla Øregaard sigur okkum, hvussu hon upplivdi leikin.

Í Nón greiddi Rolf Guttesen frá, hvussu hann hevur arbeitt við bókini seinnu árini. Bæði nýtt og gloymt kemur undan kavi. Millum annað kemur fram, at Nólsoyar Páll ikki var sjónligur í føroyska samfelagnum frá fyrst í 1800 til umleið 1880, tá brúk var fyri hetjum í føroyska studentaumhvørvinum í Keypmannahavn.

Hoyrið samrøðuna við Rolf Guttesen her.

Mynd: Nólsoyar Páll/Facebook

- Eg brúki altíð nógva tíð at kanna og fylgja við í tí aktuella, sum gongur fyri seg í samfelagnum, so eg kann brúka tað í mínum krimisøgum, sigur Jógvan Isaksen, sum enn einaferð er aktuellur við eini krimiskaldsøgu.

Og hesa ferð er bakgrundin brandaktuell. Í nýggju krimisøguni "Arktis" eftir Jógvan Isaksen eru loyniligar samráðingar millum Kina og landsstýrið ein kjarnin. Ein annar kjarni er, at Føroyar aftur eru vorðnar áhugaverdar í hernaðarligum høpi.

– Hetta starvið er í samsvari við tey virði, eg havi sum menniskja.

Tað sigur Ann-Britt Fríðheim Mortensen, sum hevur tikið yvir sum leiðari í Kvinnuhúsinum eftir Elin Reinert Planck, ið hevur røkt starvið seinastu 25 árini.

Ann-Britt var hósdagsgestur í Nón, har vit tosa um hennara fortíð, virði og áhugamál.