Sunnudagin 8. mai í 1983 læt Norðurlandahúsið upp. Fyrsta konsertin í Norðurlandahúsinum var við Anniku Hoydal, sum spældi saman við Lars Trier á gittara.

Í dag, á 40 ára føðingardegnum, fer Annika Hoydal aftur á pallin saman við sínum nýggja føroyska bólki.

Pallurin er tann sami, men nógv er broytt hesi fjøruti árini, og Norðurlandahúsið hevur verið karmur um nógv ymisk tiltøk.

Gunn Hernes, stjóri í Norðurlandahúsinum, heldur, at húsið hevur stóran týdning í føroyska samfelagnum.