Le linn dhíospóireacht na gCeannairí sa Dáil déanadh go leor cíoradh ar cheapadh Brendan McDonagh, cathaoirleach na Gníomhaireachta Náisiúnta um Bainistíocht Sócmhainní mar cheannasaí rannóige nua a fhéachas le aghaidh a thabhairt ar an ngéarchéim lóistín atá sa tír.

Nuacht Náisiúnta & Idirnáisiúnta Marion Ní Shúilleabháin Nuacht an Deiscirt Conn Ó Muíneacháín Nuacht an Tuaiscirt Caoimhe Ní Chonchoille Nuacht anIarthair Séamus Ó Scanlaín.

An barr is deireanaí nuachta.

Aréir i Michigan thug Donald Trump aitheasc inar tharraing sé aird ar na 100 lá atá bainte amach aige mar Uachtarán na Stáit Aontaithe, é ag rá nach raibh tús téarma chomh rathúil riamh ag aon Uachtarán de chuid na Stáit Aontaithe. Tá na pobalbhreitheanna ar mhalairt tuairme.

Mar gheall ar pholasaí an Uachtaráin Trump táillí breise trádála a ghearradh ar chomhlachtaí atá ag díol táirgí ar fud Mheiriceá cén tionchar atá ag a théarma oifige ar gheilleagar ní amháin na Stáit Aontaithe ach ar fud na cruinne?

Tá ceapadh Brendan McDonagh, cathaoirleach na Gníomhaireachta Náisiúnta um Bainistíocht Sócmhainní cáinte ag Sinn Fein mar cheannasaí rannóige nua a fhéachas le aghaidh a thabhairt ar an ngéarchéim lóistín atá sa tír. Deir Mairéad nár lorg sí cathaoirleacht Choiste Oireachtais na gCuntas Poiblí.

Tá toil an rialtais faighte ag an Aire Dlí & Cirt Jim O’Callaghan le athbhreithniú a dhéanamh ar chóras tearmainn na tíre. Deir an tAire go bhfuil an córas reatha ró liopasta. Tá an freasúra ag rá go mbeidh leasaithe an Aire i bhfad ró-dhian agus ró-ghéar.

Nuacht Náisiúnta & Idirnáisiúnta Cáit de Bhailís Nuacht an Iarthair Aoife Ní Chonghaile Nuacht an Deiscirt Róisín Ní Chéilleachair Nuacht anTuaiscirt Maighréad Uí Annluain.

An barr is deireanaí nuachta.

I gCeanada, tá an Príomh Aire Mark Carney ag maíomh go bhfuil an t-olltoghchán buaite ag a pháirtí; An Páirtí Liobrálach cé nach mbeidh móramh iomlán acu agus go mbeidh siad ag braith ar thacaíocht páirtithe eile.