Tá sé dá thuairisciú ag an nuacht áisíneacht ‘Bloomberg News’ go bhfuil an comhlacht Intel le h-aghaidh 20% dá gcuid oibrithe a scaoileadh chun bealaigh. Is ábhar imní an scéal i gContae Chill Dara, áit a bhfuil 4,900 oibrí fostaithe ag an gcomhlacht i Léim an Bhradáin.

Ó mhaidin inniu, tá corp an Phápa Proinsias ina luí faoi ghradam i mBaisleach Naomh Peadar sa Bhatacáin. As seo go Dé hAoine, meastar go léireoidh na céadta míle duine ómós don iar-Phápa, ina measc tá lánúin as Cill Chiaráin i gConamara.

Nuacht Náisiúnta & Idirnáisiúnta Cáit de Bhailís Nuacht an Iarthair Maidhc Ó Feinnaeadha Nuacht an Deiscirt Aoife Ní Shúilleabháin Nuacht an Tuaiscirt Maighréad Uí Annluain.

Léiríonn anailís atá déanta ag an Roinn Fiontraíochta go bé réigiún Bhaile Átha Cliath is measa a bheadh buailte mar thoradh aon táillí breise trádála a ghearrfaí. Comhlachtaí ón iasacht a fhostaíonn 14% d’fhórsa oibre Bhaile Átha Cliath, an sciar is airde sa tír.

Caithfear bhóta ag comhdháil bhliantúil Aontas Múinteoirí Éireann i Loch Gorman inniu faoi ar chóir ballóid a eagrú faoi aighneas tionsclaíoch, mura dtagann aon reíteach as na cainteanna leis an Roinn Oideachais faoin athchóiriú atá le déanamh ar scrúdú na h-Ardteiste.

An barr is deireanaí nuachta.

An barr is deireanaí nuachta náisiúnta, idirnáisiúnta agus áitiúla.

Ar maidin, dúirt an tAire Oideachais go mbeadh sí ag bunú ‘Comhdháil Náisiúnta Oideachais’, le n-éisteacht le éilimh na h-earnála. An bhfáiltíonn Cumann Múinteoirí Éireann roimh a leithid?

Deir an tAire nach bhfuil Roinn na Gaeltachta ag cuir aon bhac ar an Údarás aon tuairisc atá acu faoi chúrsaí tithíochta sa nGaeltacht a fhoilsiú. Tá an tAire Calleary ag lorg cruinniú láithreach leis an Aire Tithíochta James Brown le ceist na dtreoir línte pleanála Gaeltachta agus Tuaithe a phlé leis.

Tá sé deimhnithe ag Údaráis na Vatacáine gur ar an Satharn seo chugainn ag an 9 a chlog ar maidin, am na Róimhe a léifear Aifreann sochraide an Phápa Proinsias. Eisíodh ar maidin na treoracha a thug an Pápa dá chuid socraithe sochraide, é ag iarraidh cinntiú go mbeadh siad coinnithe simplí.