Tá an Taoiseach Micheál Martin ag freastal ar chruinniú mullaigh faoin Ucráin i bPáras na Fraince inniu. Pléifear na bealaí ina bhféadfaí maoirseacht a dhéanamh ar chúrsaí slándála san Ucráin dá mbeadh sos cogaidh sa tír.

Nuacht an Iarthair.

Nuacht an Tuaiscirt.

Tá páirtíthe an Rialtais le haghaidh rún muiníne a chur sa gCeann Comhairle Verona Murphy sa Dáil Dé Máirt seo chugainn, le teacht roimh rúin mí-mhuiníne atá bagraithe ag an bhfreasúra.

Tá olltoghchán le bheith i gCeanada ag deireadh an Aibreáin. Ag fógairt an bhóta, dúirt Mark Carney, Príomh Aire nua Cheanada gur theastaigh toil an phobail uaidh chun aghaidh a thabhairt ar na bagairtí atá dá ndéanamh ag Uachtarán Donald Trump na Stáit Aontaithe Mheiriceá, ar Cheanada.

Nuacht an Deiscirt.

Aréir sa Dáil, le linn díospóireachta ag Céim an Choiste, tugadh trí uair a chloig le leasaithe a dhéanamh ar Bhille Údarás na Gaeltachta. Bhain an chuid is mó den phlé le toghcháin do bhord an Údaráis. Tá an rialtas ag iarraidh go mbeadh sé chomhalta déag ar an mBord nua, Sinn Féin ag iarraidh Bord 26 comhalta.

An nuacht náisiúnta agus idirnáisiúnta.

Clár iomlán Nuacht a hAon 27/03/2025.

Anocht ar an gclár 7 LÁ, léireofar go raibh múinteoirí neamhcháilithe fostaithe i 98% de bhunscoileanna na tíre anuraidh. Faoi eolas a fuair an clár ón Roinn Oideachais, faoin Acht um Shaoráil Faisnéise léirítear go raibh 13,540 duine neamhcháilithe fostaithe i mbun múinteoireachta i scoileanna na hÉireann i 2024.