Nuacht a hAon

Ar maidin inniu chiontaigh cúirt i bPáras Marine Le Pen as airgead a chúigleáil i bParlaimint na hEorpa. D’ordaigh an chúirt go gcuirfí toirmeasc ar Le Pen ó sheasamh mar iarrthóir toghchánaíochta. Cá bhfágfaidh sé sin a mianta d-uachtaránacht na Fraince i dtoghchán 2027?

Ar maidin i nGaillimh d'fhógair an comhlacht teicneolaíochta faisnéise Datavant, as Meiriceá go bhfuil siad le haghaidh 125 post nua a chruthú i gcathair na Gaillimhe. Déanann Datavant próiseáil ar fhaisnéis cúraim sláinte.

Deir an Taoiseach agus an Tánaiste go mbeadh Éire ag obair go dlúth leis an Aontas Eorpach le dul i ngleic leis na bagairtí atá dá ndéanamh ag Uachtarán Donald Trump na Stáit Aontaithe faoi tháillí breise trádála a thabhairt isteach arú amárach.

Ghabh na Gardaí roinnt daoine a bhí ag léirsiú taobh amuigh de Theach Laighean ar maidin i ndiaidh dóibh an oíche a chaitheamh ag tarraingt airde ar an bhforéigean atá i Gaza.

An barr is deireanaí nuachta.

Nuacht Náisiúnta & Idirnáisiúnta Marion Ní Shúilleabháin Nuacht an Deiscirt Róisín Ní Chéilleachair Nuacht an Tuaiscirt Maighréad Uí Annluain Nuacht an Iarthair Séamus Ó Scanláin.

Nuacht an Iarthair.

Dúirt an tAire Caiteachais Poiblí, Jack Chambers, nach dóigh leis go mbeidh ar an Rialtas gearradh siar ar chaiteachas an Stáit mar fhreagra ar an dochar a d'fhéadfadh na táillí trádála atá dá mbagairt ag an Uachtarán Donald Trump, do gheilleagair na tíre.

Tá sé ráite ag Cumann Ailse na hÉireann nár mhór dhóibh €30 milliún a bhailiú i mbliana mar nach raibh an oiread éileamh ariamh ar a gcuid seirbhísí agus atá faoi láthair. Thug siad an t-eolas agus Lá Lus an Chrom Chinn, an ócáid bhliantúil le airgead a bhailiú don Chumann ar súil inniu.

Clár iomlán Nuacht a hAon 28/03/2028.