Níos túisce inniu i gceann cheathrú Chumann Lúthchleas Gael i bPairc an Chrócaigh seoladh babhtaí ceannais Chomórtas Peile na Gaeltachta a bheidh ar siúl i Rath Chairn na Mí ag an deireadh seachtaine seo chugainn.

Clár iomlán Nuacht a hAon 23/05/2025.

An nuacht náisiúnta agus idirnáisiúnta.

Nuacht an Iarthair.

Nuacht an Deiscirt.

Nuacht an Tuaiscirt.

Deir Bernard Gloster, Príomhfheidhmeannach an HSE inniu gur ábhar buartha dó cuid de thorthaí an iniúchadh a déanadh ar obráidí corróg in Ospidéal na Leanaí, Sráid an Teampaill agus in Ospidéal Náisiúnta Ortaipéideach na Ceapaí.

‘Baothchaint’ atá tugtha ag an Teachta Dála Pa Daly ar an bplean gnímh a sheol an tÚdarás um Shábháilteacht ar Bhóithre inné chun an moill atá sa gcóras tástála tiomána a laghdú. Faoi láthair, tá moill 27 seachtain sa gcóras tástála, faoin bplean nua tá sé sin le laghdú go 10 seachtainí.

Is athbhreithniú seachas binse fiosrúcháin atá i gceist leis an measúnú atá le déanamh ar an tslí ar láimhseáil na h-údaráis an Covid sa tír seo. Inné, thug an tOllamh Anne Scott cathaoirleach nua-cheaptha an Fhiosrúcháin léargas ar an leagan amach a bheidh aicí.

Tá cosc curtha ag rialtas Donald Trump ar Ollscoil Harvard glacadh le scoláirí idirnáisiúnta. Dúirt Údarás Ollscoil Harvard go bhfuil cinneadh an rialtais mídhleathach.