Die Hamas-bestuurde gesondheidministerie in Gaza het Woensdag vyf nuwe sterftes as gevolg van wanvoeding aangemeld. Dit bring die totaal op 193 te staan sedert die begin van die oorlog, insluitend 96 kinders. Die Israeliese weermag weier om verantwoordelikheid te aanvaar dat Gaza op die rand van hongersnood is, en beskuldig die Verenigde Nasies daarvan dat hy nie sy deel doen nie. Die weermag se woordvoerder, luitenant-kolonel Nadav Shoshani, beweer ook in 'n onderhoud met Britse media dat ooggetuieverslae oor dodelike skietvoorvalle by hulpterreine “vals nuus” is.

Reaksie word ontvang op die regering se plan om 51 persent plaaslike besit in nuwe mynbedrywighede. Daar is vrae oor hoe dit sal werk – is dit gratis, die regering of privaat beleggers en indien dan, wie omdat miljoene benodig word. Nietemin die regering werk nog aan die beleid en intussen sê Unam-ekonoom dr. Omu Kakujaha-Matundu as dit vir De Beers kan werk, hoekom nie?

Stygende koste en stagnante lone veroorsaak dat 28 persent van Namibiërs nou staatmaak op verskeie inkomstestrome om te oorleef. Hierdie tendens, bekend as "poly-jobbing", bied buigsaamheid, maar bring ook risiko's soos uitbranding. Om suksesvol te wees, benodig sogenaamde sy-besighede behoorlike beplanning, beskerming en struktuur, want veerkragtigheid moet stabiliteit bou, nie tot uitputting lei nie. Ashante Manetti, stigting- en kleinhandelbemarkingsbestuurder by Old Mutual Namibia, het meer.

Die Padverkeersoortredingsagentskap sal vanaf 1 Desember begin met die inwerkingstelling van die langverwagte strafpuntestelsel, met die aanvanklike inwerkingtreding by 69 munisipaliteite. Die woordvoerder, Monde Mkalipi, het aan Newzroom Afrika gesê 'n verdere 144 munisipaliteite sal vanaf 1 April 2026 volg. Die stelsel teiken ernstige padoortredings wat met hoë padsterftes verband hou. Hy beklemtoon herhaalde oortreders kan hul lisensies verloor maar 'n 50-persent boetekorting en geskilbeslegtingsmeganisme sal beskikbaar wees:

Die minister van Handel van Lesotho, Mokhethi Shelile, waarsku dat die vermindering van Amerikaanse tariewe van 50-persent na 15-persent moontlik te laat is om die land se sukkelende tekstielbedryf te red. Maande van onsekerheid het fabrieksluitings en werksverliese tot gevolg gehad. Dié sektor, Lesotho se hoofuitvoerder en grootste privaatwerkgewer, het staatgemaak op die voordele van die Wet op Groei en Geleenthede vir Afrika. Shelile het aan Reuters bevestig dat 12 000 werksgeleenthede op die spel is met aankopers wat na lande met laer tariewe, soos Eswatini en Kenia, skuif:

Kry die nuus soos dit breek.

Namport se maatskaplike besteding is in die nuus. Die maatskappy het reeds 58,2 miljoen Namibiese dollar van sy 78 miljoen dollar maatskaplike beleggingsfonds landwyd bestee. Kosmos 94.1 Nuus het met Cliff Shikuambi, Namport se woordvoerder gepraat.

Burgerlike organisasies en kusgemeenskappe het amptelik appèl aangeteken teen die regering se omstrede besluit om goedkeuring te gee vir Shell se Ultra Deep olie- en gasprojek aan die Weskus. Die gebied waar Shell wil ontgin, is tussen Port Nolloth in die Noord-Kaap en Lambertsbaai in die Wes-Kaap. Green Connection se woordvoerder, Neville van Rooy, sê dit blyk Shell se verslag oor maatskaplike en omgewings-uitwerking is gebrekkig en vol foute, wat goedkeuring roekeloos en moontlik onwettig maak:

Die Namibiese Akkerbouraad het met produsente en handelaars in die Zambezi-streek vergader om sy vyfjaarplan te bespreek, in lyn met NDP6. Die plan is daarop gemik om plaaslike voedselproduksie van 60 persent van totale vraag tot 80 persent te verhoog. President Netumbo Nandi-Ndaitwah het landbou ook een van haar sleutelprioriteite gemaak. Die raad se uitvoerende hoof, dr. Fidelis Mwazi, het die behoefte aan klimaatslim boerdery beklemtoon om die impak van droogte teen te werk. Mwazi het meer.

Nog reaksie word ontvang op die opdrag deur die minister van stedelike ontwikkeling, James Sankwasa, dat alle plaaslike owerhede nie kontrakte met RedForce Debt Management moet hernu of toeken nie. Kosmos 94.1 Nuus het nog reaksie gekry by Immanuel Festus van Walvisbaai se Backyard Tenants-groep.