OHNI VORWARNIG

It's Cuffing (oder fürd Luana ehner Coughing) Season! Wie fest dörf mer im Herbst date zum nöd müsse allei si? Schwirig, wenn mer anstatt Pumpkin-Spice-Clean-Girl ehner Obdachlose-Händsche Vibe git.

Wo mir uf jede Fall nöd allei gsi sind, isch bi eusne 10 Minute Fame im Exil – danke nomal ah all wo cho sind und eus de Stage (und Backstage) Moment ermöglicht händ.

Zwüsche Winterhass und Openair-Vorwürf redemer hüt vor allem über das, wo eus ide chalte Jahreszit wenigstens bizli d'Luune hebt: Harry Potter, Desperate Housewives, glitzerndi Wiehnachtsdeko, Puff-Zimmer oder Chürbissuppe. Sust chan Chürbis aber verreise, genauso wie de Luana ihri fast halbwarm-chalti Suppe usem Exil.

Ob Recruiting oder Cuffing Season, ungfrögts Sexting findemer immerno scheisse, und deswege setzemer all eusi Pferd ufs Offline Dating Event vo noii. Und sust halt eifach Shaolinkämpfer werde oder in Marokko es Pferd chaufe, hauptsach irgendwie Vitamin D.

Es isch Berlin u nid Bärn, Baby! Sell heisse: d'Luana isch zrugg ide Stadt ihres Mojos und het zwar ned de Berlin-Boy troffe, defür Stadt Land Fluss gspillt und ihres Twenty-Something-Herz repariert. Het sie au verdient, dieses gebrannte Kind, oder.

Zwüsche Frauearzt und türkischem Markt het sie denn endlich au ihres Idol Visa Vie uf de Bühni gseh. Apropos Bühni: vom Podcast Clash verzellemer nächst Wuche, wo d‘Marie au wieder chli meh zu Wort chunnt und ned nur über Autoklau und Lift-Fürz muess nahdenke.

Und bis denn: Trinket kei Tee und gönned euch mal en Shawarma. Es lohnt sich!

Marie isch nöd nur Gast im eigenen Land, sondern au im Podcast. Will ab jetzt übernimmt d’Luana de Bums komplett. Zerst bringt sie aber ihri Mahonkas nach Berlin, wo sie ihres Programm OHNE BERLIN-BOY durezieht. Isch eh besser so. Für sie, ihres Herz und Mutters Schlaf.

Schlaf nachegholt und Beine gebräunt het Working Baddie Marie in Spanie, wo sie zum Glück de Absprung trotz Regenfälle und erneute Abfuckerei seitens Billigairline gschafft het. Geballermannt wurde mit Schäfer Heinrich, defür het sie aber de Menderes verpasst, für de sie sich ide Frontrow normalerwis vo 70-jährige Captains begrapsche laht. Hauptsach kein Eierchopf und keis Spiegelselfie, gelled.

Nachdem mir eus mit Köfte Köfte und Berlin-Ufenthalt erpresset, redemer über d’Kitkat-Doku, hinterfraget eusi Domina-Qualitäte und möchtet mit chli Applaus das Leben oder eher Überleben feiern.

Und in the end, ihr wüsset: die best Droge isch sowieso Liebe – und Pasamesan.

Kuckuck, ich bin am masturbieren!

Verwütsch-Kink bim Vita Parcours und chli drihebe ufem Saunaparkett, Trophäe- und McDonalds-Kondom, Fuessfetisch und Crack-Tattoos: mir startet mit Sex und endet mit Stolz. 

Spass beiseite: hüt redemer über eusi Körper, gstörti Verhältnis zu Esse und Gwicht, de ewig Kampf mit de Waag und Fraueärzt und de sehr individuelle Lösig, wod Luana für sich gwählt het: die umstrittene Abnehmspritze. 

Ide Chindheit hets agfange und sither nüm ufghört: s'Problem mitem eigene Spiegelbild, Schönheitsideal, Gsundheitstheme, Gwichtsverlust, versteckts Esse und Angst, das alles nöd im Griff zha und generell selberschuld z'sii.

Zwüsche Weight Watchers und Asie-Reis teilemer eusi persönliche Gschichte mit eu und hoffet ihr fühlet eu ghört, verstande und wertgschätzt - ganz unabhängig vo euere Chleidergrössi, eune persönliche Issues und Ziel, wo ihr scho erreicht händ und no wänd erreiche. 

So oder so: Mir sind stolz uf eus und no viel stolzer uf eu. Fetti Umarmig und vill Liebi.

Marie und Luana (die Katzenhasserin, weil Arschloch in der Kamera unnötig) made it finally to Bern!

Es war zuckersüss, inklusive guete Begägnige, Freibier-Pass, inbrünstigem Karaoke, Late Night Snack und Gschäftsmanne-Schlaf.

Hebet kei Sorg, mir chömet wieder - und denn grad zwei Nächt! D'Luana villicht bereits als Fitness-Model weil Gym hittet grad hert und d'Marie im Dirndl weil jung, brutal, gutaussehend.

Vorusgsetzt, es staht nöd wieder es Medium us de Zuekunft ih ihrere Wohnig wo will putze, wohlgemerkt. Und sust wird das halt ide Therapie besproche, obwohls det - wer hätte das gedacht - vor allem um Männer gaht, wo es langwiligs Läbe führet.

Meanwhile isch d'Luana zwar nonig in Berlin, defür aber im Delulu-Land wo sie Luftschlösser baut und selber sehr schmerzhaft wieder muess abriisse. Aber mir sind zueversichtlich, dass sie i 3 Wuche e top Me-Time het, trotz missing Marie-Mojo.

Wissi Unterwösch spaltet die Gemüter, Wöschmaschine sein Vater isch ein Huso und Marie sein Urgrossvater vilicht Napoleon - aber eine Frage bleibt: Trägemer sit Jahre die huere Tangas falsch?

Zwüsche Hösli ufem Balkon, Bauarbeiter-Baddie und Quöllfrisch-Fanclub het die lieb Marie ihri süesse 32 Jahr gfiiret und auno grad Fans ufem Konzert troffe (sorry for the tism und die scheiss Sticker, we are working on it).

Trotzdem hämmer jetzt Striit, will Marie het Luana sitze lah und Luana findet Marie nöd mausig und spötistens bide Benjamin Blümchen Torte isch verbi. Aber Management regelt, vo dem her: Luana, good Luck.

Immerhin bliibt eini vo eus jewils Cleangirlig damit s'Glichgwicht stimmt und Gurkensaft wie ein Hurensohn getrunken wird.

Trotzdem wirds wild: Marie het Zölibat ufgeh, Luana het Stalker wo Bäum schicket und mir bruchet Bodybuilderinne mit Butterfly, wo de Personeschutz reglet. Und sust eifach en Babo-Berliner fürd Luana solang texting nöd zu sexting wird und die Nacht mal wieder richtig gegessen wird.

Und jetzt folged de @mausigmarie!

Achtung, Achtung: der Ruhm fliegt hoch! Öpe gnauso wie d'Marie wo nach 5 Wuche Alkoholenzug alles ufgholt het und maybe zur Samariterbitch mutiert isch - aber wenigstens isch de langmännig Seelefriede wieder hergstellt (we will see how long).

D'Luana isch unterdesse süffisant uf Level Brunch am Sunntig und Chueche uf de Josefwiese acho - und mit Ikigai lauft das Ganze fast eso gschmiert wie mitem Miloš, wo ihre e freudigi Zuekunft prophezeit.

Aber bis det ane isch die eint blockiert und die ander dreht im Chreis (und am Rad) UND JA MIR SÖTTET ALL ID THERAPIE.!

Aber hauptsach de Tan sitzt ade Copacabana gnauso wie bim Fotoshooting, weil Hautfarbe Fleischkäse wollen wir nicht.

Jetzt aber erstmal chli Luft is Hirn, bevor eusi Selbstbeschriebig eskaliert, d'Luana zvill rappt und de Orangesaft de Mimosa versaut. Und eigentlich isch sowieso alles ziemlich ok, solang d'Luana am Samstig nöd id Ikea muen und d'Marie nöd Marteria-Gollum muss beglücke. Und d'Kronehalle eus nöd cancelled. Slay!

Übrigens, d'Föteli het die liebe Sabrina gemacht. CHECK HER OUT: https://www.sdphotography.ch/

Crunch it up, Bitches! Euses erste Werbegschenk isch direkt is Wohnzimmer zu eus ufs Sofa gfloge, au wenn d'Nachricht vo Zweifel fast zu Fuckboy-Striit gführt hetti. Aber Marie hatte gute Gründe, wegen Hochzeits-Stalking und selbstverschuldetem Heartbreak.

Apropos Hochziite, bitte de entsprechendi Atrag uf keim Fall so wie bi Robbie Williams, defür lieber mit roter Vespa in Rom oder zwüsche Chicken Nuggets. Zum Glück chasch di bide Hochzit ufd Luana verlah wo eh scho alles (für ihres no bevorstehende vilicht Date) plant het während d'Marie witer im Zölibat oder denn halt doch inere Drüeck Beziehig mit Robbie (oder Harry?) und ihrem Mami lebt.

Zwüsche Michael Jackson und Beatles werdemer eus nöd einig ob de Zuekünftig sött de Poddi lose, defür aber, dass Respekt und Verständnis de Grundstei für zielführendi Diskussione sind.

Fätzet uf jede Fall mal Lieder für de Live-Uftritt übere (UND CHAUFET TICKETS MAN!!!!) - im Zweifel (haha) denn halt Baba Haft, sofern er sich negstmal für en bessere Dönerschuppe entscheidet. Und nöd stinkt.

Tickets für de Podcast Clash: https://www.seetickets.com/ch/event/podcast-clash/exil/3704376

Eure liebsten Hannelores senden live vom Pool aus Schaffhausen, wo d'Marie sich wie en Bazillus ignistet het und sich so wohl fühlt, dass bereits nackt herumgeirrt wird. Das het villicht scho zum eint oder andere Schreckmoment gfüehrt, was aber ned (nur) ade Pferdehaar uf de Brüst liht.

Währenddesse isch gfühlt die halb Schwiz am wandere, usser d'Luana. Will die bewegt sich aktuell zwüsche Perioden- und Weltschmerz, und suhlt sich mit schlechtem Gwüsse im Selbstmitleid.

Immerhin het sie kei Bazilluseier in der Fresse mehr und schlüsst sich de Marie ihrem Pimmel-Detox ah, wo immerno super lauft. Usser de Mexican Bad Boy usem Kartell schlenderet durd Steibi – dann gibts kein Halten, oder bessergseit, kein Atem mehr.

WE DID IT! Und händ die 1000 Follower uf Insta knackt. Was für anderi en chline Win isch, isch für eus en Grund zum ide Kronenhalle fire. Danke für das! <3

So muess sich d'Marie nämlich au nüme ide Cucaracha Bar oder in Casinos ufhalte, sondern sich nur no uf Pooldays fokussiere. Pool sowieso es grosses Thema, will det gseht sie sich au a ihrem 35 Geburtstag. Rauchend und mit flippigem Hut, versteht sich.

Zahle wird das Ganze wahrschinlich d'Luana, wo sich wenigstens um ihres Geld kümmeret und au regelmässig ihri Ohre putzt. So blibt no vill Zit für Schaia Waia und Träum, wo hoffentli ned platzed.

Jetzt git sich d'Luana aber erstmal de Birefigg am Argoviafest und d'Marie üebt sich als Pastorin. Falls sich also öper taufe lah will: d'Marie würds überneh!