Oíches?

O pasado 8 de abril participamos no CIP Carballo #Interplay2022. Neste programa traemos un resumo das cousas que alí pasaron e se falaron.

Grazas á organización e a todas as persoas que participaron e aportaron na produción deste episodio.

Presentan: Cris Terceiro (Viaxantas), Fran da Lobeira (As Conversas da Lobeira) e Uxío Broullón (areias sonoras).

Créditos:

Foto: @leolopezfoto

Moitas veces, estando migrantes, xurde en nós a necesidade de tender unha ponte coa terra e un xeito de facelo é producir un podcast en galego.

Para contarnos a súa experiencia están hoxe connosco: Silvio Falcón (@carallobueno), María Sabarís (@ForadeMapa), Carlos Barros (@LondonMadrina) e tamén a nosa querida compañeira Cristina Terceiro (@viaxantas). Están lonxe, espallados pola Europa, mais ao mesmo tempo moi preto.

00:00 Anteriormente en...

Presentan: Cris Terceiro (Viaxantas, Fran da Lobeira (As Conversas da Lobeira) e Uxío Broullón (areias sonoras).

Aviso: Obviamente, non publicamos a "cousa secreta" que María nos contou off the record, é todo unha montaxe para facer risa.

Créditos:

Unha das cousas que interesa a algunha da xente que fai podcásts é como facer cartos con iso.

Para resolver esta cuestión falamos con Duarte Romero (@TeConGotas), Carme D. Prol (@cafederby21) e Sergio Pascual (@labderadio) para que nos contasen dos seus "modelos de negocio". Mais non conformes con iso, tamén quixemos consultar cun experto en márketing dixital para que nos explicase que xeitos hai de monetizar e que nos dese algún bo consello: Rubén Bastón (@rubenbaston).

00:16 Inicio

Presentan: Cris Terceiro (Viaxantas, Fran da Lobeira (As Conversas da Lobeira) e Uxío Broullón (areias sonoras).

Que facemos mal? Pois demorar máis do debido en publicar...

Circunstancias alleas a nosa vontade fixeron que este programa, previsto para fin de ano, saia aínda agora :'( Sentímolo moito, non vai volver pasar.

Analizamos a sondaxe que fixemos o mes pasado e presentamos unha nova sección: un consultorio técnico para resolver as vosas dúbidas, que chega da voz de Jorge Lama (https://twitter.com/raivenra).

Presentan: Cris Terceiro (Viaxantas, Fran da Lobeira (As Conversas da Lobeira) e Uxío Broullón (areias sonoras).

O podcasting en galego xa non é só independente. Algúns medios do país tamén apostan por este formato non tan novo que colleu azos durante a pandemia. Hoxe falamos con algúns dos que na Galiza están a apostar polo podcasting, producindo o seu propio contido, como Praza, ou apoiando ós creadores e creadoras da terra, como Vinte, a revista Luzes ou a recente aposta da Radio Galega polos podcásts.

Convidados:  Ana González Liste (@prazapublica), María Yáñez (@vintenapraza), Ghanito (@RevistaLuzes) e Tania Fdez. Lombao (@RadioGalega)

00:38 Presentación

36:42 Entrevista a Tania Fdez. Lombao (Radio Galega Podcast)

56:36 Conclusións

1:12:05 Cuestionario do bolseiro

Presentan: Cris Terceiro (Viaxantas, Fran da Lobeira (As Conversas da Lobeira) e Uxío Broullón (areias sonoras).

Se sodes seguidores fieis do Oíches? xa saberedes que a pandemia tivo un impacto positivo tanto no consumo de podcast como na creación de contidos en galego neste formato. No último ano a entrada de podcasts no directorio multiplicouse por máis de 3 e xa somos 190!

Por iso, neste cuarto episodio queremos darlle voz á canteira, a algunha desas novas voces que nos fan gozar coas súas propostas: Cecilia Pose (@vagon91), David Sobrino (@AteneoRadio, @dsobrinoplatas) e Iago Blanco e Mateo Cao (@os_dousdesempre)

Presentan: Cris Terceiro (Viaxantas) e Fran da Lobeira (As Conversas da Lobeira).

Celebramos os 15 anos de Podgalego.

Naceu en 2006 como reacción a unha pregunta con algo de xenio: por que non haberá máis podcast en galego? E pronto se converteu nun punto de encontro para os creadores de contido neste formato.

Para falar das orixes, presente e futuro do directorio temos con nós a Uxío Broullón e a Isaac González, ambos "culpables" da creación de Podgalego.

Presentan: Cris Terceiro (Viaxantas) e Fran da Lobeira (As Conversas da Lobeira).

Neste segundo programa debatemos sobre o papel das mulleres no podcasting en galego. Os inicios, os "silencios", e as novas voces que entran con xiria. Mulleres opinando forte, crema de avelás caseira, "muteos" accidentais e moito máis con: Sara Martínez (As Womansplainers), Miriam Couceiro (A ollada violeta), Raquel Besteiro (A Lareira).

Presentan: Cris Terceiro (Viaxantas), Uxío Broullón (areias:sonoras e C'mmons baby!) e o "bolseiro" Fran da Lobeira (As Conversas da Lobeira).

Fe de erros:

#podgalego #podcasting #mulleres #opodcastédelas

Primeira edición de Oíches?, o podcast oficial de Podgalego. Neste programa falamos con Pepe Cunha (@abretedeorellas) e Mariano Fernández (@CuacFM) sobre as radios libres comunitarias e a súa simbiose co podcasting.

Fixemos a gravación nun spaces de Twitter que, vista a cantidade de problemas técnicos e de son que tivemos (pedimos desculpas), é un método que non imos empregar máis. O que si imos seguir facendo é falar coa chea de bos podcasts en galego que hai no noso directorio.