Oqalliffik, KNR

Inuusuttut siunissarlu. Tassunga atatillugu partiini ilaasortat inuusuttut nunatsinni nunarsuatsinnilu pisunik naliliisissallutigit aallakatitsivimmi pulaartoraagut. Aaqqissuisoq Thora Monrad Hansen.

Narsarsuaq Kangerlussuarlu piffissami matumani pisarnermit inoqarnerupput. Aamma Narsarsarsuarmi mittarfik amerikkamiut sakkuuinit uuttortaqqissaarlugu ulluni makkunani misissorneqarpoq, tamannalu sumik pissuteqarnersoq nunatsinni innuttaasunut oqaluttuarineqanngilaq. Pissutsit taamaannerini nunaqarfinni taakkunaniilluni qanoq ippa? Aallakaatitami peqataassapput Kangerlussuarmi aamma Narsarsuarmi nunaqarfinni aqutsisuneersut. Aaqqissuisoq: Frederik Lund

Nunarsuaq tamakkerlugu imminut toquttarneq akiorniarlugu WHO-p ullorititaa ippassaq malunnartinneqarpoq. Imminut toqunnissamik akiuiniarneq nunatsinni qanoq pinaveersaartinneqartarnersoq suliniutit assigiinngitsut eqqartuiffigalugit peqataasut oqallitsippavut. Aallakaatitsivimmi: Lis Lindenhann Jokumsen.