2021ean bete ditu 10 urte Belako taldeak eta hamarkada ospatzeko taldekide guztiak gonbidatu ditugu "Orbitan" podcastera. Lore eta Josu Billelabeitia, Lander Zalakain eta Cris Lizarragaren testigantzak bilduta eta Belakoren kantu handienekin osatu dugu ibilbidearen errepasoa.4 disko: 4 partaide. Kide bakoitzarekin disko bana aipatu dugu.Play zerrenda:."Beautiful World"."Molly and Pete"."Sea of Confusion"."Nomad"."Crime"."Monster Arinau"."Maskenfreihet"."Lungs"."Something to Adore"."Truth"."The Craft"."Tie me up"."Profile Anxiety"

Euskal emakume sortzaileez osatutako bigarren katea da hau. Musikariek elkarri lekukoa ematen diote podcast honetan, gu, entzuleak horren testigu garen bitartean.Bigarren atal honetan, Maren, Kai Nakai, Elena Setien, Huntza taldeko Josune Arakistain, Ianire Aranzabe "Esanezin", Liher taldeko Lide Hernando, Olaia Inziarte, Idoia Asurmendi, Esti Markezen lekukotzak entzungo dituzu.

Atal honetan musikariek elkarri lekukoa ematen diote zu, entzule, horren testigu zarelarik.Euskal emakume sortzaileekin osatu dugu katea, hain zuzen ere. Lehen atalean, Sara Zozaya, Izaro Andres, Eneritz Furyak, Olatz Salvador, Sua taldeko Ane Barrenetxea, Zea Mays taldeko Aiora Renteria, Anari, Arimako Paule Bilbao, Belako taldeko Lore Nekane Billelabeitia eta Nogeneko Eider Saez gonbidatu ditugu.

Mutrikuko Delirium Tremens taldeak 1991an eskaini zituen bere azken kontzertuak. Horien artean bada bat berezia, diskoan jasota utzi zutelako, maiatzaren 24an Bilboko Plaza Barrian eskaini zutena. 30 urte osatzen direnez podcastean gogoratu nahi izan du Ainhoa Urretabizkaiak.Hirukote gisara hasi zuen bidea Delirium Tremensek, eta sei urte eta estudioko bi diskoren ondoren esan zuen agur. Desegin aurretik zuzeneko disko bat grabatu zuten, Andoni Basterretxea, taldeko ahots eta gitarra jolearekin oroitu dugun diskoa "Boga-Boga", "Ikusi" edo eta "Laino ilunak" entzuten ditugun bitartean.

30 urte dira euskal heavyaren sorreratik. Eibarren erditu zen euskaraz sortutako aurreneko disko heavya. 1991ko martxoan musika egitera elkartu ziren lau gazte izan ziren, ustekabean, euskaraz sortutako lehen disko heavya atera zutenak. Areago, euskal heavy metalaren oinarria jarri zuten sloganak “Jaiotze Basatia” diskoan daude.Su Ta Garren abeslaria, Aitor Gorosabel, urteurrenaren aitzakian elkarrizketatu du Ainhoa Urretabizkaiak, podcasterako.

Duela 30 urte REM taldearen "Out of time" eta "Automatic for the people" diskoak argitaratu ziren. Garai hura gogoratzeko, Fermin Etxegoien, Marijo Oria, Txuma Murugarren eta Edurne Ormazabalen testigantzak bildu ditu Ainhoa Urretabizkaiak podcastean REMek izan zuen eztanda komertziala aztertzeko.Playlista:"Loosing my religion""Shynny happy people""Drive""The sidewinder sleeps tonight""Man on the moon""Everybody Hurts""Let me in""Circus envy""What's the frequency, Kenneth?""Departure""It's the end of the world""Orbitan" podcastean nazioarteko eta euskal musikarien ibilbidea azaltzen da; argi eta ilunekin.

Taylor Swift iraganarekin adiskidetu egin da nonbait. Orain arte bere buruarekin borrokan antzematen zen, bizitzan lekua topatu ezinda. Perfekzioaren obsesioa lausotu egin zaio urteak bete ahala. Kritikak saihestu ditu eta talentua nagusitu zaio; konfiantza hartu du artista amerikarrak. "Folklore" eta "Evermore" diskoak dira horren seinale. Hamarkadako artista izendatu dute Swift eta 2020ko diskorik onena berea izan dela aitortu zaio.