OSEMSAMO LIMPHOSA EMNYANGO

Maye uBadanile ngathana uyazi bengeze ahleke kamnandi kangaka. Usebumnyameni mbala! Indaba kaMpitori no Nesta iyavela kancani kancani. UMasilela uyatlhuwisa nokho, uDumako akamlibalele.

UStapura uhlela ukuvikela uyise njani  asejele? Kanti uNamalobola wembethe njani uDumako nakakhuza kangaka nje? Maye uToploss nokuthanda iindaba zabantu!

Awa uBikwaphi lo ngasuthi uthuwelele nje khona! UTjhudu naye kubayini amsiza ukuleyela unina amala? Maye uBadanile akana mkhozi nofana isokana, uzihlalele akhuzi!

UBikwaphi uzokuphuma njani kilo umraro anayo nonina? Nangu uStapura akatelela boke abantu bona bazombona. Heee uMpitori kubayini ahlangahlanganiswa mtato ovela e N Supermarket?

UNamalobola utlhale uToploss,kodwana nangu umsele emuva. UMpitori lo mhlapha nje bekabhayiza, afundiswa nguBadanile izinto kodwana nje ujikile. Ngasuthi ithomile imiraro kaBikwaphi yokusebenza noGumbas.

Heee wajika uNesta madoda!! UBadanile naye akalise ukutjela uNesta iindaba zakhe noMpitori. UBikwaphi lo uthemba uGumbagumba khulu. Nangu uPangela afuna ukuzithathela umthetho awubeke ezandleni zakhe.

Ngendlela uDumako ukwate ngakhona akuzwakali njengomuntu ozokulibalela uSibanyoni. Kazi indaba kaBadanile yokuhlala noMpitori izokuphasa njangombana kuno Nesta nje?

Buza godu babethu, yindoda enjani efuna ukubulala umntwana? UBadanile ngathana uyazi bona isokana lakhe ngilo elenza uNesta aphazime. Kazi uPangela uzokwenzani uMasilela nakangavula umnyango.

Uqinisile uNamalobola, uToplos lo unina abantu ngasuthi umrhatjho lo ngewakhe. UBadanile ngathana uyazi bona kwenzekani bengeze azibethe isifuba ngoMpitori. Nango uDumako aphosa ipama.