OSEMSAMO LIMPHOSA EMNYANGO

Maye uyawa umrhatjho womphakathi!! Kuhle ukuzwa bona icala lika Smangele lisuliwe. Kazi uGumbagumba uyithola kuphi ifuyo ayithengisako le? UDzubhana lo, uZimu nabezimu bekhabo banaye akhuzi na.

Kubayini uDumako afuna bona uDlambili agade uGumbas? Kanti akasamthembi na? UKanabo uyezwakala bona uzwe ubuhlungu. Mbala uMandla uyifuna yoke imali ka Kanabo. UDzubhana akaphaphame azokuqalana nomonakalo awenzileko lo.

UNamalobola kanti ufuna uToploss enzeni uKanabo nakaphilako nje? Maye uMandla lo akakalungi. Wadlala uDzubhana kabuhlungu kangaka. Kanti kubayini uDumako afihlela umndeni ngokunyamalala kwakhe?

UMandla ngasuthi liyamtjhingela nje. UDumako ngasuthi ufuna omunye umuntu bona abelibambela. Akazwakali akhuluma ngoMtshweni. Wayenza indaba uNcema!!

UNcema uzokudobha iindaba kwaMasango na? UDumako ngathana uyazi ukuthi uGumbagumba amfunako lo, akakalungi. UToploss naye ngasuthi uphikisana namano ka Namalobola woke ngasuthi uthanda ukuba ngumahlalela nje.

Mbala uKanabo iimphethe kumbi indaba ka Dzubhana no Mandla. Nangu nje uzinikelele netjwaleni. Kazi ithengwa ngemali kabani indlu ekulu leyo. Maye kumnandi ukuzwa bona uDumako ubuyile begodu uphephile.

Belafika ilanga lokubekwa kwebambela leKosi. UMasilela kuba yini angafuni bona kubekwe uMtshweni? Maye uNamalobola no Toploss bathanda ukunghwarana. Kazi kwenzanjani eMtjhade nasele kulilwa nje?

Kazi uDumako ululama nje, bekalinyazwe bobani? Ngasuthi ubab's Mtshweni uzokuba libambela elibeka umphakathi weNyabela phambili. Kuhle ukuzwa uNcema no Tjhudu bakhulumisana kamnandi kangaka.

Umma wesitjhaba uthemba uGumbagumba khulu akhuzi na. UFrieda naye uthi "batjho" kodwana ngasuthi zibuya kuye iindabezi. Maye uDzubhana usemathandweni!!

UNamalobola walila kabuhlungu kangaka nje, kanti sisono na ukuzwana nodade okudlula umlingani wakhe ngeminyaka na? Mbala uKanabo ubalekela imiraro yakhe. Maye uDzubhana ngathana uyazi bona uyadlalwa la, akathandwa.