என் மீறுதல்களைக் கர்த்தருக்கு அறிக்கையிடுவேன் என்றேன்; தேவரீர் என் பாவத்தின் தோஷத்தை மன்னித்தீர்.  சங்கீதம் 32:5

தகப்பனே, என் பாவத்தைக் குறித்த குற்றமனசாட்சியிலிருந்து என்னை விடுதலையாக்கிய உம்முடைய மன்னிப்பிற்காய் நன்றி. மற்றவர்களுடைய பாவத்தை விமர்சிப்பதற்கு முன்பாக, என்னுடைய பாவத்தைப் பார்க்க எனக்கு உதவிசெய்யும்.

ஆவியின் கனியோ, அன்பு, சந்தோஷம், சமாதானம், நீடியபொறுமை, தயவு, நற்குணம், விசுவாசம், சாந்தம், இச்சையடக்கம்.  கலாத்தியர் 5:22-23

பரிசுத்த ஆவியானவரே, இன்று என்னை நிரப்பி, கனியுள்ள ஒரு மனிதனாய் என்னை மாற்றும்.

ஒவ்வொன்றிற்கும் ஒவ்வொரு காலமுண்டு... மவுனமாயிருக்க ஒரு காலமுண்டு, பேச ஒரு காலமுண்டு.  பிரசங்கி 3:1,7

அன்பான தேவனே, என் சத்துருக்களின் பிடியிலிருந்து என் நாவையும் இருதயத்தையும் விடுவியும். இனப் பாகுபாட்டின் தீங்கை உணர என்னை பெலப்படுத்தும். அந்த பாவத்தினால் பாதிக்கப்பட்டவர்களுக்காய் பேச எனக்கு உதவிசெய்யும்.

சத்திய ஆவியாகிய அவர் வரும்போது, சகல சத்தியத்திற்குள்ளும் உங்களை நடத்துவார்.  யோவான் 16:13

சத்தியத்தின் தேவனே, உம்முடைய ஞானத்தை நான் சரியாய் விளங்கிக்கொள்ளும்பொருட்டு சத்திய ஆவியானவரை சார்ந்துகொள்ள எனக்கு உதவிசெய்யும்.

இதிலே எல்லா மனுஷரின் முடிவும் காணப்படும்;உயிரோடிருக்கிறவன் இதைத் தன் மனதிலே சிந்திப்பான்.  பிரசங்கி 7:2

அன்பான தேவனே, வாழ்க்கையின் சொற்ப தன்மையை நினைவுகூரவும், இன்று என் வாழ்க்கையை நேர்த்தியாய் வாழவும் உதவிசெய்யும்.

கர்த்தரிடத்தில் மனமகிழ்ச்சியாயிரு; அவர் உன் இருதயத்தின் வேண்டுதல்களை உனக்கு அருள்செய்வார்.  சங்கீதம் 37:4

சிருஷ்டி கர்த்தாவே, நீர் என்னை உம்முடைய சாயலாக சிருஷ்டித்துள்ளீர். உம்மை இன்னும் அதிகமாய் நேசிக்கவும், உமக்கு ஊழியம் செய்யும்படியாகவும் என் அழைப்பை உறுதியாய் பற்றிக்கொள்ள எனக்கு உதவிசெய்யும்.

பாவத்தின் சம்பளம் மரணம்; தேவனுடைய கிருபைவரமோ நம்முடைய கர்த்தராகிய இயேசுகிறிஸ்துவினால் உண்டான நித்தியஜீவன்.  ரோமர் 6:23

இயேசுவே, என்னை நேசித்ததற்காகவும் மன்னித்ததற்காகவும் உமக்கு நன்றி. என்னால் செலுத்தமுடியாத விலைக்கிரயத்தை நீர் செலுத்தினீர்; என்னால் வாங்கமுடியாத ஒன்றை நீர் எனக்கு பரிசாகக் கொடுத்தீர்.

கர்த்தரால் எரேமியாவுக்கு உண்டான வார்த்தை...  எரேமியா 36:1

தகப்பனே, உம்முடைய வார்த்தைகளைக் கேட்பது கடினமாய் தோன்றினாலும் அதை இருதயத்தில் ஏற்றுக்கொள்ள உதவிசெய்யும். மீறுதலின் இருதயத்தை அல்ல, மனந்திரும்புதலின் இருதயத்தைத் தாரும்.

தமக்கு ஞானத்தைக் கற்றுக்கொடுக்க... அவர் யாரோடே ஆலோசனைப் பண்ணினார்?  ஏசாயா 40:14

இயேசுவே, நீர் எல்லாம் அறிந்தவராயிருப்பதால் உம்மை துதிக்கிறேன். நான் என்ன கற்றுக்கொள்ளவேண்டும் என்று விரும்புகிறீரோ அதை எனக்குக் கற்றுத்தாரும். முழு இருதயத்தோடும் உம்மை நேசிக்க எனக்கு உதவிசெய்யும்.

ராஜ குமாரரில் ஒருவனைப்போல, மேவிபோசேத் என் பந்தியிலே அசனம்பண்ணுவான் என்று ராஜா சொன்னான்.  2 சாமுவேல் 9:11

அன்பான இயேசுவே, என்னை இரட்சித்து உம்முடைய பந்தியில் நித்தியமாய் சேர்ந்துக்கொண்டதற்காய் நன்றி. நான் உமக்கு அன்பான பிள்ளை என்பதை நினைவுபடுத்தி, உம்மை துதித்து, உம்மையே நம்பியிருக்க எனக்கு உதவிசெய்யும்.