Што стала прычынай трагедыі на прадпрыемстве «Гродна Азот»? Што адбываецца цяпер на прадпрыемстве? Як уплывае на бясьпеку і працоўную атмасфэру адсутнасьць незалежных прафсаюзаў? Пра абставіны сьмерці намесьніка начальніка цэха на прадпрыемстве «Гродна Азот» у «ПіКу Свабоды» гаворым з прадстаўніком«Рабочага руху» Юрыем Рававым, які раней быў лідэрам страйку на «Гродна Азот».

Пра якую «спэцыфічную актыўнасьць» на мяжы з Беларусьсю гаворыць прэзыдэнт Зяленскі? Ці выйшаў з комы 23-гадовы беларус, які спрабаваў учыніць самагубства праз адмову ў прытулку ў Чэхіі і пагрозу дэпартацыі. Што пра праблемы з легалізацыяй гаварылі на 5-й канфэрэнцыі беларусаў сьвету? Найважнейшыя падзеі і камэнтары ў ПіКу Свабоды разам зь вядучай Ганнай Соўсь.

У вялікім інтэрвію Свабодзе былы палітвязень, палітык Павал Севярынец гаворыць пра тое, як можна падштурхнуць Марыю Калесьнікаву пачаць гаварыць па-беларуску ў публічнай прасторы, тлумачыць, чаму адмовіўся балятавацца ў Каардынацыйную Раду. Севярынец расказвае як сучасныя тэхналёгіі дапамаглі яму алічбоўваць напісанае за кратамі і чаму мае плён пазытыўны погляд на людзей, а ня сваркі.

Пасьля 5 гадоў зьняволеньня вызвалілі палітвязьня Анджэя Пачобута, журналіста і актывіста польскай меншасьці ў Беларусі. Абмен у фармаце «пяць на пяць» адбыўся на польска-беларускай мяжы. Польскі бок перадаў афіцыйнаму Менску людзей, якія працавалі для спэцслужбаў Беларусі і Расеі. Госьці “ПіКа Свабоды” – галоўная рэдактарка праекту Plan B Вольга Лойка і палітычны аглядальнік Радыё Свабода Валер Карбалевіч.

Хто хоча сыходу Лукашэнкі? Ці паспрабуе Пуцін анэксаваць Беларусь? Чаму Лукашэнка вызваліў Бабарыку? На гэтыя пытаньні ў праграме «Палітыка зь Юрыем Дракахрустам» адказвае палітоляг Кацярына Шульман.

Ці ўцягне Пуцін Беларусь у вайну? Ці стварае Лукашэнка свой корпус вартавых ягонай спадчыны на ўзор іранскага? Якія радыенукліды засталіся ў Беларусі праз 40 гадоў пасьля Чарнобыля? У якую пастку зацягнула беларусаў Астравецкая АЭС? Чаму ў 20-ы пакет санкцый ЭЗ супраць Беларусі ўключаны турызм? У выніковым «ПіКу Свабоды» зь вядучай Ганнай Соўсь – палітоляг і гісторык Роза Турарбекава, украінскі палітоляг Ўладзімер Фясенка, экспэрт Інстутуту вывучэньня вайны Джордж Бэрас, радыяцыйны хімік Сяргей Бесараб і эколяг Ганна Скрыган, а таксама эканамічны аглядальнік Андрэй Махоўскі.

У вялікім інтэрвію для Свабоды нобэлеўская ляўрэатка Сьвятлана Алексіевіч згадвае свой дзень 16 красавіка 1986 году, расказвае пра працу над кнігай «Чарнобыльская малітва», аналізуе фэномэн брытанска-амэрыканскага сэрыялу «Чарнобыль» па матывах яе твору. Пісьменьніца праводзіць паралелі паміж чарнобыльскай катастрофай і пандэміяй COVID-19, гаворыць пра рызыкі Астравецкай АЭС, зьвязвае нявывучаныя ўрокі Чарнобыля з тым, што стала магчымая вайна Расеі супраць Украіны. Алексіевіч называе Беларусь чарнобыльскай лябараторыяй, камэнтуе папярэджаньні былога палітвязьня Міколы Статкевіча, што Расея можа нанесьці ядзерны ўдар з тэрыторыі Беларусі

Чым «чорны рыцар» небясьпечны для пратэстаў? Калі здраджваюць сілавікі? У чым памыліўся Лукашэнка ў 2020 годзе? На гэтыя пытаньні ў праграме «Палітыка зь Юрыем Дракахрустам» адказвае прафэсарка ўнівэрсытэту Паўднёвай Флорыды, дасьледніца аўтарытарызмаў Тацяна Кулакевіч.

У «ПіКу Cвабоды» Дзьмітры Гурневіч і ягоныя госьці Віталь Цыганкоў і Сяргей Абламейка падсумоўваюць галоўныя падзеі тыдня. Навошта Іван Тэртэль і Сяргей Нарышкін сустракаліся ў Калінінградзе? Там прайшла сустрэча кіраўніцтва КДБ Беларусі і СВР Расеі. 11–17 траўня адбудуцца выбары ў Каардынацыйную Раду чацьвёртага скліканьня. Навошта яна патрэбная і каму? Літоўскі дасьледчык назваў месца, дзе, імаверна, знаходзяцца парэшткі князя Вітаўта. Ці можна параўнаць гэта з выяўленьнем парэшткаў Каліноўскага і хто Вітаўт у беларускай гісторыі?

Улады Беларусі прызналі Эўрапейскі гуманітарны ўнівэрсытэт «экстрэмісцкай арганізацыяй». Што зараз будзе зь цяперашнімі і былымі студэнтамі і выкладчыкамі? Каго з вядомых беларусаў можа закрануць гэтае рашэньне? Ці непазьбежны масавы адток беларускіх студэнтаў і выкладчыкаў з ЭГУ? Сытуацыю з так званым «экстрэмісцкім» статусам Эўрапейскага Гуманітарнага ўнівэрсытэту абмяркоўваем з гісторыкам Паўлам Церашковічам, які быў старшынём сэнату ЭГУ з 2009 па 2012 год, а таксама з юрыстам праваабарончага цэнтру «Вясна» Паўлам Сапелкам.