Föstudagsgestur í þetta sinn er potturinn og pannan í endurreisn Bæjarbíós í Hafnarfirði sem nú er orðið vinsæll tónleikastaður. Páll Eyjólfsson tónlistarmaður, oftast kallaður Palli Papi, var föstudagsgestur Mannlega þáttarins í dag.

Í gær sendum við út dagskrá í tilefni af Degi íslenskrar tónlistar. Við héldum áfram á þeim nótunum í dag og heyrðum í Pétri Grétarssyni dagskrárgerðarmanni og tónlistarmanni sem hlaut Litla fuglinn, helstu viðurkenningu dagsins í gær.

Við heyrðum líka í Jakobi Frímanni sem er stjórnarformaður Samtóns og Gísla Marteini Baldurssyni, en þátturinn hans Vikan hlaut viðurkenningu í gær.

Og auðvitað var Sigurlaug Margrét, besti vinur bragðlaukanna, með matarspjallið á sínum stað. Í dag talaði hún um brauð og Guðrún Kristjánsdóttir frá Systrasamlaginu var á línunni, en hún er mikil áhugamanneskja um brauðbakstur.

Umsjón Guðrún Gunnarsdóttir og Gunnar Hansson