PALLPLASS - ein metalpodkast

Øyvind er på spa- og hårsekkbehandling i Øystese og i hans fråvêr har vi lånt ut mikrofonen til sjølvaste Marius Haugaløkken, drivar av Gjendesheim og festivalvert for den nye, kolossale metalfestivalen Tons til fjells - ein avart av Tons of rock-festivalen.

Korleis blei festivalen til frå idè til realisering? Kva har stått i spelaren til Marius i det siste? Kva har festivalverten til felles med Jesus? Kva er dei beste låtane til Ghost?

Dette og meir til får du i denne spesialepisoda med Pallplass der Tons til fjells er hovudtema!

Kva plater kjem på pallplassen når Motörhead, med legendariske Lemmy i spissen er tema i episode 6 med Pallplass? For å finne ut av dette må Ola, Øyvind og Bjarte ha med seg førstemanuensis i Motörhead - Kåre Plassen. Nyt!

I episode 5 av Pallplass er det forfedrane av heavy- og doom metal som skal på pallen. Kva era av Sabbath er best? Er Ian Gillan den beste Sabbath-vokalisten? Kva har Black Sabbath med italiensk skrekkfilm å gjera? Kva album snik seg på topp 3 hjå Ola, Øyvind og Bjarte? Dette og meir får du svaret på i episode 5 med Pallplass!

Judas Priest. Sjølve opphavet og definisjonen på Heavy Metal. Ein sjangerinstitusjon utan like. Eller er dei? Er Live Vengeance ´82 oppskrytt? Er Dave Holland ein undervurdert trommis? Er musikken eller omslaget best på Point of Entry? Kva er topp 3 plater av britane? Dette og mykje meir får du med deg i episode 4 av Pallplass!

Kva er topp 3 plater av Iron Maiden? Er Blaze Bayley eigentleg ein god vokalist? Er bassintroane til Steve Harris eigentleg bra vals? Korleis gjekk det med symjekarriera til Øyvind? Dette og mykje meir får du svaret på i episode 3 av Pallplass!

Kolossale Megadeth med sin 17 platers store diskografi, blir dissekert av trioen RossMoe. Klarar dei å finne kva plater som får pallplass?

Legendariske Death med sin uslåelege diskografi er tema i episode 1 av PALLPLASS.