Key Verse: 2 Timoteo 3:16, Magandang Balita Biblia (MBBTAG)⁠

Ang lahat ng Kasulatan ay kinasihan ng Diyos, at kapaki-pakinabang sa pagtuturo ng katotohanan, sa pagsaway sa kamalian, sa pagtutuwid sa likong gawain at sa pagsasanay para sa matuwid na pamumuhay.

Key Verse: Filipos 2:14-15, Magandang Balita Biblia (MBBTAG)⁠

Gawin ninyo ang lahat ng bagay nang walang reklamo at pagtatalo, upang kayo'y maging mga ulirang anak ng Diyos, matuwid at walang kapintasan sa gitna ng sanlibutang baluktot at masama. Sa gayon, magsisilbi kayong mga ilaw sa kanila, tulad ng mga bituing nagniningning sa kalangitan.

Key Verse: Mga Kawikaan 15:13, Magandang Balita Biblia (MBBTAG)⁠

Ang taong masayahin ay laging nakangiti, ngunit ang may lumbay ay wari bang nakangiwi.

Key Verse: Roma 5:5, Magandang Balita Biblia (MBBTAG)⁠

At hindi tayo binibigo ng pag-asang ito sapagkat ang pag-ibig ng Diyos ay ibinuhos na sa ating mga puso sa pamamagitan ng Espiritu Santo na ipinagkaloob sa atin.

Key Verse: Roma 3:22, Magandang Balita Biblia (MBBTAG)⁠

Ginagawang matuwid ng Diyos ang lahat sa pamamagitan ng kanilang pananampalataya kay Jesu-Cristo. Walang pagkakaiba ang mga tao.

Key Verse: 1 Juan 1:7, Magandang Balita Biblia (MBBTAG)⁠

Ngunit kung namumuhay tayo sa liwanag, gaya Niya na nasa liwanag, tayo'y nagkakaisa at ang lahat ng ating kasalanan ay nililinis ng dugo ni Hesus na Kanyang Anak.

Key Verse: Jeremias 9:23-24, Magandang Balita Biblia (MBBTAG)⁠

Ang sabi ni Yahweh:

“Huwag ipagmayabang ng matatalino ang kanyang karunungan o ng malakas ang lakas na kanyang taglay ni ng mayaman ang kanyang kayamanan. Kung may nais magmalaki, ang ipagmalaki niya'y ang pagkakilala't pagkaunawa sa Akin, sapagkat ang Aking pag-ibig ay hindi nagbabago, makatarungan at matuwid ang mga ginagawa Ko. Ito ang mga bagay na nais Ko. Ako, si Yahweh, ang nagsasabi nito.”

Key Verse: Juan 14:6, Magandang Balita Biblia (MBBTAG)⁠

Sumagot si Jesus, “Ako ang daan, ang katotohanan, at ang buhay. Walang makakapunta sa Ama kundi sa pamamagitan Ko.

Key Verse: Roma 5:8, Magandang Balita Biblia (MBBTAG)⁠

Ngunit pinatunayan ng Diyos ang Kanyang pag-ibig sa atin nang mamatay si Kristo para sa atin noong tayo'y makasalanan pa.

Key Verse: Mga Awit 55:22, Magandang Balita Biblia (MBBTAG)⁠

Ilagak kay Yahweh iyong suliranin,

aalalayan ka't ipagtatanggol rin;

ang taong matuwid, di Niya bibiguin.