Key Verse: Mateo 11:28-29, Magandang Balita Biblia (MBBTAG)⁠

“Lumapit kayo sa Akin, kayong lahat na nahihirapan at lubhang nabibigatan sa inyong pasanin, at kayo'y bibigyan Ko ng kapahingahan. Pasanin ninyo ang Aking pamatok at matuto kayo sa Akin sapagkat Ako'y maamo at may mababang loob. Makakatagpo kayo sa Akin ng kapahingahan.

Key Verse: Jeremias 29:11, Magandang Balita Biblia (MBBTAG)⁠

Sapagkat batid Kong lubos ang mga plano Ko para sa inyo; mga planong hindi ninyo ikakasama kundi para sa inyong ikabubuti. Ito'y mga planong magdudulot sa inyo ng kinabukasang punung-puno ng pag-asa.

Key Verse: Roma 15:13, Magandang Balita Biblia (MBBTAG)⁠

Puspusin nawa kayo ng Diyos na siyang bukal ng pag-asa, at nawa ay pagkalooban niya kayo ng kagalakan at kapayapaan sa pamamagitan ng inyong pananampalataya, upang mag-umapaw ang inyong pag-asa sa pamamagitan ng kapangyarihan ng Espiritu Santo.

Key Verse: 2 Corinto 6:2, Magandang Balita Biblia (MBBTAG)⁠

Sapagkat sinasabi Niya,

“Sa kaukulang panahon ay pinakinggan Kita, sa araw ng pagliligtas, sinaklolohan Kita.” Ngayon na ang kaukulang panahon! Ito na ang araw ng pagliligtas!

Key Verse: 1 Pedro 5:7, Magandang Balita Biblia (MBBTAG)⁠

Ipagkatiwala ninyo sa Kanya ang inyong mga alalahanin sa buhay sapagkat Siya ay nagmamalasakit sa inyo.

Key Verse: Galacia 1:10, Magandang Balita Biblia (MBBTAG)⁠

Bakit ko sinasabi ito, dahil ba sa nais kong mapuri ng tao? Hindi! Ang papuri lamang ng Diyos ang tangi kong hinahangad. Sinisikap ko bang magbigay-lugod sa tao? Hindi! Kung iyan ang talagang hangad ko, hindi na sana ako naging alipin ni Kristo.

Key Verse: Roma 8:28, Magandang Balita Biblia (MBBTAG)⁠

Alam nating sa lahat ng bagay ay gumagawa ang Diyos para sa mabuti kasama ang mga nagmamahal sa Kanya, silang mga tinawag ayon sa Kanyang layunin.

Key Verse: Ezekiel 36:26, Magandang Balita Biblia (MBBTAG)⁠

Bibigyan Ko kayo ng bagong puso at bagong espiritu. Ang masuwayin ninyong puso ay gagawin Kong pusong masunurin.

Key Verse: Hebreo 1:1-2, Magandang Balita Biblia (MBBTAG)⁠

Noong una, nagsalita ang Diyos sa ating mga ninuno sa iba't ibang panahon at sa iba't ibang paraan sa pamamagitan ng mga propeta. Ngunit sa mga huling araw na ito, Siya'y nagsalita sa atin sa pamamagitan ng Kanyang Anak. Sa pamamagitan ng Anak ay nilikha ng Diyos ang sanlibutan, at Siya ang piniling tagapagmana ng lahat ng bagay.

Key Verse: Santiago 1:2, Magandang Balita Biblia (MBBTAG)⁠

Mga kapatid, magalak kayo kapag kayo'y dumaranas ng iba't ibang uri ng pagsubok.