ការ​ព្រមាន​ដ៏​គួរ​ឲ្យ​កត់​សម្គាល់​ដ៏​ខ្លាំង​ក្លា​នៅ​ក្នុង​កណ្ឌ​គម្ពីរ វិវរណៈ ១៤:៩-១១ គឺ​មិន​មែន​សរសេរ​ឡើង​សម្រាប់​ពួក​អ្នក​មិន​ជឿ​នោះ​ទេ ពីព្រោះ​សាវ័ក យ៉ូហាន មិន​បាន​សរសេរ​កណ្ឌ​គម្ពីរ​វិវរណៈ​នេះ​សម្រាប់​ពួក​គេ​ទេ។ ការ​ព្រមាន​នេះ គឺ​ជា​ការ​និយាយ​សំដៅ​ទៅ​កាន់​ពួក​អ្នក​ជឿ («ពួក​បរិសុទ្ធ») ក្នុង​គោល​បំណង​ជំរុញ​ឲ្យ​ពួក​បរិសុទ្ធ​តយុទ្ធ​ដល់​ទី​បញ្ចប់។ ប្រសិន​បើ​ពួក​គេ​ផ្ដល់​ភក្ដីភាព​ដល់​សត្វ​នោះ នោះ​ពួក​គេ​នឹង​រង​ទុក្ខ​វេទនា​ជា​រៀង​រហូត។ ដូច្នេះ ការ​ព្រមាន​ក្នុង​កណ្ឌ​គម្ពីរ វិវរណៈ ១៤:៩-១១ និង​សារ​របស់​ទេវតា​ទាំង​ពីរ​ដំបូង (វិវរណៈ ១៤:៦-៨) គឺ​ជា​ការ​ប្រាប់​ឲ្យ​អ្នក​អាន​របស់​សាវ័ក យ៉ូហាន នៅ​តែ​ស៊ូ​ទ្រាំ និង​កាន់​ខ្ជាប់​ជានិច្ច (វិវរណៈ ១២:១០)។ ការ​ស៊ូ​ទ្រាំ ក៏​ទទួល​បាន​ពន្យល់​បន្ថែម​ទៀត​ក្នុង​លក្ខខណ្ឌ​នៃ​ការ​រក្សា​បញ្ញត្តិ​របស់​ព្រះ​ជាម្ចាស់ និង​ការ​បន្ត​ដាក់​សេចក្តី​ជំនឿ​លើ​ព្រះ​អម្ចាស់​យេស៊ូវ (វិវរណៈ ១២:១៧)។ ការ​ពិត​ជាក់​ស្ដែង​នៃ​សេចក្តី​ជំនឿ​របស់​ពួក​គេ​នឹង​បង្ហាញ​ដោយ​ខ្លួន​ឯង​តាម​របៀប​ដែល​អាច​សង្កេត​ឃើញ និង​ភាព​ជាក់​ស្ដែង—ពួក​អ្នក​ដែល​ស៊ូ​ទ្រាំ​ដើរ​តាម​ព្រះ​ជាម្ចាស់​ដោយ​ស្តាប់​បង្គាប់។

Hosted on Acast. See acast.com/privacy for more information.

មនុស្ស​ទទឹង​ច្បាប់​ពូកែ​ក្នុង​ការ​បោក​ប្រាស់​ដល់​ថ្នាក់​ថា​សាវ័ក ប៉ុល បាន​ផ្ដោត​លើ​អត្ថន័យ​ថា ពេល​ដែល​ម្នាក់​នោះ​មក​ដល់ នោះ​គាត់​នឹង​ប្រើ​ប្រាស់ «គ្រប់​ទាំង​ការ​បោក​បញ្ឆោត​ដ៏​អាក្រក់​គ្រប់​បែប​យ៉ាង»។ ទោះ​ជា​យ៉ាង​ណា​ក្ដី សូម្បី​តែ​ក្នុង​ការ​បោក​បញ្ឆោត​បែប​នោះ ក៏​សាវ័ក ប៉ុល បាន​សរសេរ​ដោយ​យក​ចិត្ត​ទុក​ដាក់​ថា មាន​តែ «អស់​អ្នក​ដែល​កំពុង​តែ​វិនាស» ដែល​នឹង​ចាញ់​បោក (សូម​អាន​បន្ថែម​ក្នុង​កណ្ឌ​គម្ពីរ វិវរណៈ ១៣:៨)។ ពាក្យ «កំពុង​តែ​វិនាស» (ភាសា​ក្រិក «អាផូលីមី» “apollymi”) សំដៅ​ទៅ​លើ​ការ​ហិន​វិនាស​ដែល​កំពុង​រង់​ចាំ​ពួក​គេ។ សាវ័ក ប៉ុល ប្រើ​ប្រាស់​ពាក្យ «អាផូលីមី» នៅ​ក្នុង​ខគម្ពីរ​ផ្សេង​ទៀត ដើម្បី​បង្ហាញ​អំពី​អស់​អ្នក​ដែល​បដិសេធ​ដំណឹង​ល្អ​របស់​ព្រះ​គ្រីស្ទ (១កូរិនថូស ១:១៨; ២កូរិនថូស ២:១៥; និង៤:៣)។ ដោយ​សារ​អស់​អ្នក​ដែល​កំពុង​តែ​ដើរ​តាម​អា​ទទឹង​ច្បាប់​បាន​បរាជ័យ​ក្នុង​ការ​ស្រឡាញ់​សេចក្ដី​ពិត​នៃ​ដំណឹង​ល្អ​របស់​ព្រះ​គ្រីស្ទ នោះ​ពួក​គេ​នឹង​វិនាស។ ក្រុម​ជំនុំ​ថែស្សាឡូនីច​មិន​ចាំ​បាច់​បារម្ភ​ត្រង់​ថា មាន​តួ​លេខ​ក្នុង​ចំណោម​អស់​អ្នក​ដែល​នឹង​ចាញ់​បោក​អា​ទទឹង​ច្បាប់​ទេ ដោយ​សារ​ពួក​គេ​បាន​ស្គាល់ ហើយ​ស្រឡាញ់​សេចក្ដី​ពិត​រួច​ស្រេច​ទៅ​ហើយ។

Hosted on Acast. See acast.com/privacy for more information.

ក្នុង​ស្ថាន​ការណ៍​លំបាក​របស់​ស្ដេច សូល (ការ​ដែល​ត្រូវ​បាន​ព្រះ​ជាម្ចាស់ និង​ហោរា​សាំយូអែល បោះ​បង់​ចោល) គឺ​មាន​តែ​គ្រូ​ខាប​ព្រលឹង​ខ្មោច​ប៉ុណ្ណោះ​ដែល​មាន​ចិត្ត​អាណិត​ដល់​ទ្រង់។ ពេល​នាង​មើល​ឃើញ​ស្ដេច​ដួល​ស្រប៉ាប​នៅ​លើ​ដី ស្ត្រី​នោះ​ក៏ «ឃើញ​ថា​ទ្រង់​តក់​ស្លុត​ជា​ខ្លាំង»—ជា​ប្រតិកម្ម​ផ្លូវ​អារម្មណ៍​ដែល​បាន​ចុះ​ខ្សោយ​ដ៏​ខ្លាំង​ក្លា ដែល​គ្រប​ដណ្ដប់​លើ​បុគ្គល​ណា​ម្នាក់ ហើយ​ធ្វើ​ឲ្យ​បុគ្គល​នោះ​មិន​អាច​បំពេញ​មុខ​ងារ​បាន​សម​ស្រប​ឡើយ។ ដោយ​សារ​ស្ត្រី​នោះ​បាន​ប្រថុយ​ជីវិត ដើម្បី​ធ្វើ​តាម​ការ​ទាម​ទារ​របស់​ទ្រង់ ឥឡូវ​នេះ ទ្រង់​គួរ​តែ​ធ្វើ​តាម​ការ​ណែនាំ​របស់​នាង ហើយ​សោយ​អាហារ​ខ្លះ ដើម្បី​មាន​កម្លាំង​ឡើង​វិញ។ អ្វី​ដែល​គ្រូ​ខាប​ព្រលឹង​ខ្មោច​បាន​ធ្វើ​គឺ​ជា​ភាព​ជាក់​ស្ដែង​ក្នុង​នាម​ជា​មនុស្ស ទាក់ទង​នឹង​ការ​ចង់​រក្សា​ជីវិត​ខ្លួន​ឯង៖ តើ​នឹង​មាន​អ្វី​កើត​ឡើង​ចំពោះ​នាង បើ​សិន​ជា​ស្ដេច​សុគត​នៅ​ក្នុង​ផ្ទះ​របស់​នាង? ការ​បដិសេធ​ដំបូង​របស់​ស្ដេច សូល ត្រូវ​បាន​យក​ឈ្នះ​ដោយ​ការ​ទទូច​ពី​អ្នក​បម្រើ​ពីរ​នាក់​របស់​ទ្រង់ និង​ស្ត្រី​នោះ​ដែល​បាន​នៅ «ចេះ​តែ​ទទូច​អង្វរ [ទ្រង់]» («កៀប​សង្កត់​ទ្រង់​ឲ្យ​មាន​ការ​ឆ្លើយ​តប» ២សាំយូអែល ១៣:២៥)។

Hosted on Acast. See acast.com/privacy for more information.

ព្រះគម្ពីរគឺមិនមែនជាស៊េរីនៃរឿងដែលមិនមែនទាក់ទងគ្នានោះទេ។ វាគឺជារឿងតែមួយដែលតួអង្គនីមួយៗចង្អុលទៅមនុស្សម្នាក់ដែលមានភាពអស្ចារ្យជាងគេ។

Hosted on Acast. See acast.com/privacy for more information.

ទេ! ការ​វែក​ញែក​ដូច​នោះ​នឹង​នាំ​ឲ្យ​មាន​ការ​សន្មត​ថា គោល​ដៅ​ចម្បង​នៃ​ការ​ទន្ទេញ​ព្រះ​គម្ពីរ​ឲ្យ​ចាំ​មាត់​គឺ ដើម្បី​ប្រើ​ប្រាស់​នៅ​ក្នុង​បរិបទ​ណា​មួយ។ ទោះ​បី​នោះ​គឺ​ជា​កត្តា​ជំរុញ​ចិត្ត​ដ៏​ល្អ​មួយ​ក៏​ដោយ ក៏​វា​មិន​មែន​ជា​កត្តា​ជំរុញ​ចិត្ត​តែ​មួយ​គត់​ប៉ុណ្ណោះ​ទេ ឬ​ក៏​ថា​ជា​កត្តា​ចម្បង​ដែរ។

Hosted on Acast. See acast.com/privacy for more information.

តើព្រះយេស៊ូវបានធ្វើអ្វីខុស បានជាស្អប់ព្រះអង្គជាងមនុស្សដែលអាក្រក់ដែលបានប្រព្រឹត្តអំពើបាបទៅទៀត?ដ្បិត​គឺ​ដោយ​ព្រះគុណ ដែល​អ្នក​រាល់​គ្នា​បាន​សង្គ្រោះ ដោយសារ​សេចក្តី​ជំនឿ ហើយ​សេចក្តី​នោះ​ក៏​មិន​មែន​កើត​ពី​អ្នក​រាល់​គ្នា​ដែរ គឺ​ជា​អំណោយ​ទាន​របស់​ព្រះ​វិញ ក៏​មិន​មែន​ដោយ​ការ​ប្រព្រឹត្ត​ដែរ ក្រែង​អ្នក​ណា​អួត​ខ្លួន (អេភសូរ ២:៨-៩)។

Hosted on Acast. See acast.com/privacy for more information.

ដំណោះ​ស្រាយ​បន្ទាប់​គឺ​ថា ព្រះ​ជាម្ចាស់​នៅ​តែ​ជា​ព្រះ​ដែល​សុចរិត​ក្នុង​ការ​ចាក់​សេចក្ដី​ក្រោធ​របស់​ទ្រង់ ដូច្នេះ​តើ​ព្រះ​អង្គ​នៅ​ធ្វើ​ដូច្នោះ​បាន​ដោយ​របៀប​ណា? ចម្លើយ​គឺ​ថា៖ ព្រះ​អង្គ​មិន​លាក់ ឬ​ក៏​មើល​រំលង​អំពើ​បាប​ទេ។ ព្រះ​អង្គ​បាន​ដោះ​ស្រាយ​បញ្ហា​នោះ​ក្នុង​ព្រះ​រាជបុត្រា​របស់​ទ្រង់ ហេតុ​ដូច្នេះ​ហើយ​បាន​ជា​ព្រះ​យេស៊ូវ​បង្ហាញ​ភាព​ត្រឹម​ត្រូវ​នៃ​សេចក្ដី​សុចរិត​របស់​ព្រះ​ជាម្ចាស់។ ព្រះ​អង្គ​មិន​គ្រាន់​តែ​ដក​ចេញ​សេចក្ដី​ក្រោធ​របស់​ព្រះ​ជាម្ចាស់​ទេ—តែ​ព្រះ​អង្គ​បាន​បង្ហាញ​ពី​ភាព​គ្មាន​ទោស​នៃ​សេចក្ដី​ក្រោធ​របស់​ព្រះ​ជាម្ចាស់​វិញ។ តាម​ដែល​ខ្ញុំ​ដឹង ខ្ញុំ​មិន​ស្គាល់​ខ​គម្ពីរ​ណា​ផ្សេង​ដែល​និយាយ​យ៉ាង​ច្បាស់​លាស់​ដូច​ខ​គម្ពីរ​មួយ​នេះ​នោះ​ទេ។ ហើយ​នោះ​គឺ​ជា​ឧបសគ្គ​ពីរ​ដ៏​ធំ​បំផុត​ដែល​ត្រូវ​មាន​ដំណោះ​ស្រាយ។

Hosted on Acast. See acast.com/privacy for more information.

សូម្បី​តែ​យើង​ដែល​ជា​អ្នក​ជឿ​ក៏​យើង​មាន​ការ​ពិបាក​ក្នុង​ការ​ស្តាប់​បង្គាប់​ព្រះ​អម្ចាស់​នៃ​យើង​ដែរ។ ទោះ​បី​ជា យើង​កំពុង​ត្រូវ​បាន​ធ្វើ​ឲ្យ​កាន់​តែ​ដូច​ជា​ព្រះ​យេស៊ូវ​ក៏​ដោយ ក៏​យើង​នឹង​មិន​មាន​សេរីភាព​ចេញ​ពី​ការ​ប្រយុទ្ធ​ជា​មួយ​នឹង​សាច់​ឈាម​ដ៏​ពុករលួយ​របស់​យើង​នៅ​លើ​ផែនដី​នោះ​ដែរ។ ប៉ុន្តែ ដូច​អ្វី​ដែល​អ្នក​និពន្ធ​កណ្ឌ​គម្ពីរ​ហេព្រើរ​បាន​រម្លឹក​យើង​ថា «ដ្បិត​សម្ដេច​សង្ឃ​នៃ​យើង ទ្រង់​មិន​មែន​មិន​អាច​នឹង​អាណិតអាសូរ ដល់​សេចក្តី​កម្សោយ​របស់​យើង​រាល់​គ្នា​នោះ​ទេ» (ហេព្រើរ ៤:១៥)។ ព្រះ​ជន្ម​ដ៏​គ្រប់​លក្ខណ៍​របស់​ព្រះ​យេស៊ូវ និង​ការ​ស្តាប់​បង្គាប់​ដ៏​ពេញទី​របស់​ទ្រង់​នៅ​លើ​ឈើ​ឆ្កាង​បាន​អនុញ្ញាត​ឲ្យ​អស់​អ្នក​ដែល​ទុក​ចិត្ត​លើ​ទ្រង់​សម្រាប់​ការ​អត់​ទោស​អំពើ​បាប​របស់​ពួក​គេ​អាច «មក​ដល់​បល្ល័ង្ក​នៃ​ព្រះ​គុណ ដោយ​ក្លាហាន ដើម្បី​នឹង​ទទួល​សេចក្តី​មេត្តា ហើយ​រក​បាន​ព្រះ​គុណ​សម្រាប់​នឹង​ជួយ​ដល់​ពេល​ត្រូវ​ការ​ចុះ» (ហេព្រើរ ៤:១៦)។

Hosted on Acast. See acast.com/privacy for more information.

ការ​បក​ប្រែ​បច្ចុប្បន្ន ឬ​ក៏​ការ​បក​ប្រែ​ថ្មីៗ​នេះ​បាន​ដាក់​ខ្លួន​ធ្វើ​ជា​អ្នក​កាត់​ស្រាយ ឬ​ក៏​សម្រួល​លើ​ឃ្លា​ណា​មួយ ដើម្បី​ឲ្យ​មាន​ភាព​ងាយ​ស្រួល​ក្នុង​ការ​យល់។ ហើយ​ខ្ញុំ​គិត​ថា អ្នក​អាន​ជា​ច្រើន​ដែល​អាន​ព្រះ​គម្ពីរ​ដែល​អ្នក​បក​ប្រែ​បាន​កាត់​ស្រាយ​ឲ្យ​មាន​ការ​ងាយ​ស្រួល​យល់។ ឧទាហរណ៍៖ ប្រសិន​បើ​មាន​ការ​បក​ប្រែ​មួយ​បាន​បក​ប្រែ​កណ្ឌ​គម្ពីរ រ៉ូម ១:៥ ថា «សម្រាប់​ឲ្យ​មាន​មនុស្ស​ចុះ​ចូល តាម​សេចក្ដី​ជំនឿ» (ពគប) ហើយ​មាន​ការ​បក​ប្រែ​មួយ​ទៀត​ថា «ដើម្បី​នាំ​ឲ្យ​មាន​ការ​ស្ដាប់​បង្គាប់​តាម​ជំនឿ» (គកស) អ្វី​ដែល​យើង​ឃើញ​នោះ​គឺថា​ការ​បក​ប្រែ​របស់ គកស គឺ​ជា​ការ​បក​ប្រែ​បែប​កាត់​ស្រាយ ខណៈ​ពេល​ដែល​ការ​បក​ប្រែ​របស់ ពគប បាន​ព្យាយាម​រក្សា​ទម្រង់​ភាសា​ដើម។ ត្រង់​នេះ ការ​បក​ប្រែ​របស់ ពគប មិន​សូវ​មាន​ភាព​ច្បាស់​លាស់ ប៉ុន្តែ​នោះ​ជា​លំនាំ​ដែល​ភាសា​ដើម​មាន។

Hosted on Acast. See acast.com/privacy for more information.

ព្រះ​ជាម្ចាស់​បាន​ប្រទាន​ជីវិត​ដល់​យើង ដើម្បី​ឲ្យ​យើង​អាច​មាន​អំណរ​ជា​មួយ​ជីវិត​មួយ​នេះ។ អាពាហ៍ពិពាហ៍​ថ្មោង​ថ្មី​ជា​រឿយៗ​លឺ​គេ​ប្រាប់​ថា ជីវិត​អាពាហ៍ពិពាហ៍​កើត​ឡើង​សម្រាប់​ភាព​បរិសុទ្ធ មិន​មែន​គ្រាន់​តែ​ដើម្បី​សុភមង្គល​នោះ​ឡើយ តែ​ភាព​ផ្ទុយ​គ្នា​នេះ​ក៏​ជា​ការ​ពិត​ដែរ។ ជីវិត​អាពាហ៍ពិពាហ៍​កើត​មាន​ឡើង​សម្រាប់​សុភមង្គល​ប៉ុណ្ណា នោះ​វា​ក៏​កើត​មាន​ឡើង​សម្រាប់​ភាព​បរិសុទ្ធ​ប៉ុណ្ណោះ​ដែរ។ គន្លឹះ​នោះ​គឺ​ត្រូវ​ចាប់​យក​មួយ ដោយ​មិន​បណ្ដោយ​ឲ្យ​អ្វី​ផ្សេង​ទៀត​របូត​ទៅ​ឡើយ។ ចូរ​ដេញ​តាម​ភាព​បរិសុទ្ធ​ក្នុង​ជីវិត​អាពាហ៍ពិពាហ៍​របស់​លោក​អ្នក​ជា​មួយ​នឹង​កម្លាំង​ដ៏​អស្ចារ្យ ហើយ​ចូរ​ដេញ​តាម​សុភមង្គល​ក្នុង​អាពាហ៍ពិពាហ៍​របស់​លោក​អ្នក​ជា​មួយ​កម្រិត​ដូច​គ្នា​នោះ​ដែរ។ ចូរ​និយាយ​រឿង​កំប្លែង​ផ្សេងៗ ធ្វើ​អ្វី​បែប​ភ្លាវៗ ចូរ​ធ្វើ​ការ​ណាត់​ជួប​ផ្សេងៗ ចូរ​ក្រេប​ឲ្យ​បាន​ជ្រៅ និង​ជញ្ជក់​អ្វី​ដែល​មាន​ក្នុង​ជីវិត។ ដ្បិត​នៅ​ក្នុង​កិច្ចការ​នេះ​យើង​កំពុង​ភ្លក់​ឱ​ជា​រស​មួយ​ពី​ស្ថាន​សួគ៌។

Hosted on Acast. See acast.com/privacy for more information.