འདས་པའི་ཉིན་བཞིའི་རིང་ཨ་རིའི་ནོར་སྲིད་དྲུང་ཆེ་ལྕམ་ཡེ་ལཱན་རྒྱ་ནག་ལ་འཚམས་འདྲིར་ཕེབས་ཏེ་ཕྱོགས་གཉིས་ཀྱི་ཚོང་འབྲེལ་དང་དཔལ་འབྱོར་དཀའ་རྙོག་ཁག་ལ་རྒྱ་ནག་གཞུང་གི་མཐོ་རིམ་དཔོན་རིགས་ཚོར་གྲོས་མོལ་གནང་ཡོད་ཅིང་། དེ་རིང་གི་ང་ཚོའི་བསྐྱར་ཞིབ་ལེ་ཚན་ལ་དེའི་སྐོར་གླེང་སློང་ཁག་ཅིག་ཞུ་རྒྱུ་ཡིན།།

དེ་རིང་གི་མཐོང་ཐོས་བྱུང་བའི་བོད་ཀྱི་གནས་ཚུལ་ལ་དྲན་གསོའི་ལས་རིམ་ནང་འདི་གའི་གསར་འགོད་པ་འཇམ་དབྱངས་རྒྱ་མཚོ་ལགས་ལྷན་དུ་རྒྱ་གར་ལ་སློབ་སྦྱོང་རྗེས་བོད་ལ་ཕྱིར་ལོག་སྐབས་འཛིན་བཟུང་འོག་ཚུད་པའི་སྐོར་གླེང་མོལ་ཞུས་པ་ཞིག་གསན་རོགས་གནང་།

༢༠༢༤ ལོའི་ཕྱི་ཟླ་༤ པའི་ཚེས་༨ ཉིན་ Solar Eclipe ཞེས་པ་ཉི་མར་འཁོར་སྐྱོད་བྱེད་མཁན་སྒྱུར་སྐར་ཁག་གི་ནང་ནས་གཟའ་སྐར་ཟླ་བས་ཉི་མའི་དཀྱིལ་འཁོར་གྱི་ཕྱོགས་གཅིག་སྒྲིབ་ཀྱི་ཡོད་པ་དེའི་སྐོར་ཚེ་བརྟན་ཆོས་སྒྲོན་ལགས་ཀྱིས་འདི་གའི་ལས་བྱེད་བཀྲ་ཤིས་དབང་ཕྱུག་ལགས་སུ་གླེང་མོལ་ཞུས་ཡོད།

དེ་རིང་གི་རྩོམ་སྒྲིག་པའི་གཏམ་ཚོགས་ནང་ས་ཡོམ་དང་དམག་འཁྲུག་སོགས་ཀྱི་ནང་རིན་མེད་ཟས་སྦྱིན་བྱེད་མཁན་འཛམ་གླིང་སྤྱི་ཐབ་ངོ་སྤྲོད་ཞུས་ཡོད་པར་གསན་རོགས་གནང་།

ཨོ་གླིང་གི་རྒུན་ཆང་མངར་མོ་ལ་རྒྱ་ནག་གིས་སྒོ་ཁྲལ་ལྗིད་མོ་འགེལ་རྒྱུ་མཚམས་འཇོག་བྱས་ནས་རྒྱ་ནག་དང་ཨོ་སི་ཀྲོ་ལི་ཡ་གཉིས་ཀྱི་འབྲེལ་ལམ་ཇེ་བཟང་དུ་འགྱུར་བཞིན་ཡོད། དེ་རིང་གི་རྩོམ་སྒྲིག་པའི་གཏམ་ཚོགས་ནང་རྒྱལ་ཁབ་འདི་གཉིས་བར་གྱི་འབྲེལ་ལམ་གྱི་འགྱུར་བ་དང་། དོ་སྣང་བྱེད་ས་གཙོ་བོ་ག་རེ་ཆགས་བཞིན་པའི་ཐད་གླེང་སློང་བྱས་ཡོད།

ས་སྐྱ་པཎ་ཌི་ཏ་ཀུན་དགའ་རྒྱལ་མཚན་མཆོག་གི་སྐུ་ཚེ་རྣམ་དར་སྙིང་བསྡུས་ཤིག་དང་ ཁོང་གིས་མཛད་པའི་བསྟན་ཆོས་ས་སྐྱ་ལེགས་བཤད་ནང་གི་རབ་བྱེད་དང་པོའི་བསླབ་བྱའི་ཁོངས་ནས་ཚིག་བཅད་ཅིག་གི་སྐོར་ལ་རྡ་སྟེང་བོད་ཁྱིམ་སློབ་གྲྭའི་རྒན་མིང་ཆུང་ལགས་ཀྱིས་འགྲེལ་བཤད་གནང་བ་ཞིག་གསན་གྱི་རེད།

༄༅། ཐེངས་འདིའི་ཕལ་སྐད་གླེང་མོལ་པོ་ཌ་ཁ་སེ་ལེ་ཚན་ནང་བོད་སྐད་བཤད་པའི་སྐབས་སུ་གཏམ་དཔེ་དྲངས་པ་ཡིན་ན་ཚིག་ཉུང་ཞིང་དོན་གསལ་བ་སོགས་བྱས་ཏེ་སྐད་ལ་དབྱིངས་དང་དྲོ་བ་ཁྱད་པར་ཅན་ཞིག་ཡོད་པའི་དགེ་མཚན་དང་གནད་འགག་སོགས་ཀྱི་སྐོར་གླེང་མོལ་ཞུས་པ་ཞིག་གསན་རོགས་གནང་།

༄༅། ཨི་མོ་རི་གཙུག་ལག་སློབ་གཉེར་ཁང་གི་སློབ་དཔོན་ཆེན་མོ་དགེ་བཤེས་བློ་བཟང་བསྟན་འཛིན་ལགས་དང་ བརྩོན་འགྲུབ་བསམ་འཕེལ་ལགས་གཉིས་ཀྱིས་ཕྱི་ཟླ་གསུམ་པའི་ཟླ་དཀྱིལ་ཙམ་གྱི་ནང་ཐེ་ཝན་དུ་སཱི་ཤེས་ཡོན་གྱི་ཟབ་སྦྱོང་གནང་བ་དང་ དེ་བཞིན་ཕྱི་ཟླ་བཞི་པའི་ནང་བྱང་ཨ་རིའི་་ནང་གནང་འཆར་ཡོད་པ་ཞིག་གསན་གྱི་རེད།

དེ་རིང་གི་མཐོང་ཐོས་བྱུང་བའི་བོད་ཀྱི་གནས་ཚུལ་ལ་དྲན་གསོའི་ལས་རིམ་ནང་འདི་གའི་གསར་འགོད་པ་བསྟན་འཛིན་དབང་འདུས་ལགས་དང་ལྷན་དུ་ཁོང་གི་གཅེན་མོ་བསོད་ནམས་བདེ་སྐྱིད་བོད་ནས་རྒྱ་གར་ལ་བྲོས་བྱོལ་གྱི་ལམ་བར་དུ་གང་སོང་ཆ་མེད་དུ་གྱུར་ནས་ད་ལྟའང་རྙེད་སོན་བྱུང་མེད་པའི་སྐོར་བགྲོ་གླེང་ཞུས་ཡོད།

ཐེངས་འདིའི་ལེ་ཚན་ལ་རྒྱ་གར་ལྷོ་ཕྱོགས་སུ་ཆགས་ཡོད་པའི་བོད་པ་བཙན་བྱོལ་བའི་གཞིས་ཆགས་ཆེ་ཁག་བྷེ་ལ་ཀོ་ཕིའི་འཕེལ་རྒྱས་དང་མི་འབོར། བོད་པ་བཙན་བྱོལ་བ་རྣམས་རྒྱ་གར་ནས་བྱང་ཨ་རི་དང་ཡུ་རོབ་སོགས་ལ་གནས་སྤོར་བྱས་ནས་གཞིས་ཆགས་རྒྱུན་གནས་དང་སྲ་བརྟན་ཐུབ་མིན་སོགས་ཀྱི་ཐད་རང་གི་མཐོང་ཐོས་ཁག་ཅིག་ངོ་སྤྲོད་ཞུ་རྒྱུ་ཡིན།