A Deputación de Pontevedra sí realizará as obras para converter a explanada do Hospital do Salnés nun aparcamento provisional mentres non comecen as obras de ampliación do centro hospitalario.

O presidente da Mancomunidade do Salnés, Gonzalo Durán, confirmábao esta mañá asegurando que a información recollida nos medios na que o presidente da Deputación Rafael Louzán decía que non enviaría as máquinas a explanar unha parcela que terá outros usos detallados no proxecto de ampliación, debeuse únicamente a un malentendido.

Tras unha conversa con Louzán, Gonzalo Durán asegura que as obras comezarán en breve.

O presidente da Mancomunidade do Salnés comparecía esta mañá en rolda de prensa para detallar os temas abordados no seu encontro co Conselleiro de Medio Ambiente, Territorio e Infraestructuras, Agustín Hernández, en Santiago.

Entre eles, proxectos de mellora de saneamento no bombeo de Tragove, a posta en marcha en probas da depuradora de Ribadumia e a prolongación das sendas do Umia e do Terrón.

Os traballadores despedidos da residencia Valle Inclán de Vilanova reuniranse o vindeiro luns en asemblea para adoptar novas medidas na busca dunha solución ó conflicto laboral que veñen mantendo dende principios de ano coa dirección do xeriátrico.

Os afectados concentráronse esta mañá diante do edificio administrativo da Xunta en Santiago para tentar conseguir unha entrevista con algún representante da Consellería de Traballo.. Algo que, finalmente non puido ser.

Así nolo decía esta mañá en AROUSA PONTEVEDRA DIA A DIA Xoan Xosé Bouzas, secretario comarcal da CIG en conversa con Alba Piñeiro.

Unha ducia de locais hosteleiros de Vilagarcía participan dende esta fin de semana e ata o 27 de outubro na Ruta do Gin, unha iniciativa de animación da hostelería local a través da combinación da xenebra, que foi presentada esta mañá no Pazo Castriño de Vilagarcía, coa presencia do presidente de Ahituvi, Roberto Gerpe, e o alcalde Tomás Fole.

A idea é dinamizar tanto o día como a noite vilagarciá buscando conceptos de maridaxe de xenebra, lonxe do típico cubata.

Así nolo decía en AROUSA PONTEVEDRA DIA A DIA o xerente do Bar Derby, Sito Dieste, participante na Ruta nesta conversa con Alba Piñeiro.

O alcalde, Tomás Fole, a a concelleira responsable de Mercados, Rocío Llovo, recibiron esta mañá a unha representación da asociación de comerciantes Zona Aberta que foron a expoñer a súa opinión en contra da apertura da Praza de Abastos e a celebración do mercado o vindeiro sábado, 12 de outubro, festividade do Pilar. Os edís do goberno explicáronlles que a solicitude realizada pola Asociación de praceiros cumpre coa lexislación vixente polo que o Concello ten que autorizala. O goberno fixo un chamamento ao diálogo entre os dous colectivos de comerciantes para acadar a unión que precisa o sector para aproveitar sinerxias e avanzar da man.

Unha circunstancia que dende Zona Aberta, a presidenta do colectivo, Rocío Louzan, ve sen sentido toda vez que a decisión adoptouse sen diálogo previo cos comerciantes.

Ademáis, seguen na idea de non abrir os comercios o 12 de outubro, día do Pilar.

Así nolo decía en AROUSA PONTEVEDRA DIA A DIA a presidenta de Zona Aberta, Rocío Louzán.

A Illa de Arousa terá por fin o agardado edificio de usos náuticos que dará servicio o Club de Piraguismo e ó Club A Dorna.

O presidente da Deputación Rafael Louzan comprometeu unha partida da institución provincial, ainda sen importe concreto, a facer realidade a tan demandada infraestructura.

O acordo selouse durante o encontro entre o presidente provincial e o alcalde de A Illa, Xosé Manuel Vázquez, celebrado esta mañá na casa consitorial.

Para o rexedor era necesario dotar á Illa dunhas novas instalacións , posto que as actuais presentan múltiples deficiencias. As barreiras arquitectónicas, que impiden o acceso a persoas con discapacidade; a mala localización e o pequeno tamaño dos vestiarios; a falta de conexión dos aseos coa rede de saneamento; as filtracións de auga no ximnasio; as humidades; ou un hangar totalmente insuficiente, que obriga a deixar as piraguas nun colector no exterior do edificio, son algúns dos problemas das instalacións do Bao, ademais da falta doutros equipamentos básicos, como sala de reunións, almacén de complementos, taller de reparación ou unha oficina ampla.

Tanto o alcalde como o presidente da Deputación amosaban esta mañá a súa satisfacción por ver cumprido unha demanda tan agardada..

Así nolo decían en AROUSA PONTEVEDRA DIA A DIA en conversa con Alba Piñeiro.

A portavoz do goberno local e concelleira de Mercados, Rocío Llovo, fai un chamamento á unión do sector comercial e hosteleiro de Vilagarcía, ante o descontento xurdido dende Zona Aberta pola apertura da Praza de Abastos e a celebración do mercadillo o festivo 12 de outubro.

Rocío Llovo asegura que o concello respaldou no seu momento a petición do colectivo de placeros para abrir o 12 de outubro e manter o mercadillo porque consideraron que sería unha boa forma de dinamizar a praza e o resto da economía local.

Dende Zona aberta puntualizan que non están en contra da apertura dos postos da praza pero que sí lles afecta a celebración do mercadillo, especialmente no sector textil e do calzado.

Neste sentido, a concelleira de Mercados considera que o ser festivo pode beneficiar a presencia de máis xente en Vilagarcía que un sábado normal, o que xenera actividade e riqueza.

Dí, ademáis, que se os comerciantes de Zona Aberta quiseran abrir, - que están no seu dereito de facelo ou non- tamén poderían sumarse a estas sinerxias.

Insiste, Rocío Llovo en que o ideal é sumar esforzos, non dividir, e ainda menos enfrontarse.

Por eso, fai un chamamento á unión do sector, e a sacar o mellor rendimento a todas as posibilidades, xa que non están os tempos para perder oportunidades.

Nolo contaba en AROUSA PONTEVEDRA DIA A DIA, Rocío Llovo, concelleira de Mercados e portavoz do goberno local.

Comezan as obras de ampliación dos accesos do polígono de Baión para facilitar a entrada de camións de gran tamaño ás empresas ubicadas na área industrial

Un polígono que, por certo, segue tendo ubicadas moi poucas firmas, así que o goberno local analiza se o prezo do metro cadrado, que se mantén en valores de antes da crise, é o adecuado.

Por tal motivo, o executivo de Gonzalo Durán levará ante o Ministerio de Fomento a tasación actual do terreo para que o prezo do terro industrial se adecue ós tempos de crise.

Nolo contaba en AROUSA PONTEVEDRA DIA A DIA o alcalde de Vilanova, Gonzalo Durán, en conversa con Alba Piñeiro.

A Fundación Galega contra o narcotráfico pon en marcha un novo programa de prevención do consumo de drogas no ámbito escolar.

A través deste programa, alumnos de 1ºe 2º da ESO da provincia, así como pais, docentes e tutores, recibirán información de cómo decir non as drogas mediante o asesoramento de profesionais.

As charlas impartiranse nos centros educativos pero, nesta ocasión, tamén a través da rede.

A Deputación Provincial de Pontevedra aproia este programa, que se pon en marcha baixo o nome de “Na Liña”, a través de diversas accións entre as que destaca a edición dos Manuais do Programa.

“Na Liña” aportará información ós mozos e mozas dos primeiros cursos da ESO a través de internet con contidos que xa están dispoñibles de xeito gratuito na web da Fundación.

Ademáis tamén se apoia en recursos coma vídeos ou comics, que facilitan a transmisión de contidos e mensaxes.

A iniciativa, foi presentada esta mañá, en Vilagarcía, na sede da entidade, coa presencia do presidente da Deputación, Rafael Louzán, e o alcalde Tomás Fole.

Escoitamos o que ambos decían na rolda de prensa na que estiveron acompañados polo presidente da Fundación, José Manuel Siso Bartomé.

O Diario Oficial De Galicia, o DOG, publica mañá a licitación das obras de saneamento do saco de Fefiñáns, por un importe de 1 millón 200 mil euros.

Os traballos permitirán a eliminación de todolos verquidos de augas residuais que proveñen dun conxunto de vivendas non conectadas á rede de saneamento municipal que verten directamente resíduos ó banco marisqueiro e ó río Corvillón.

Unha agardada obra que se licitará a partir de mañá, segundo o anunciaban esta mañá en Cambados o delegado territorial da Xunta en Pontevedra, Xose Manuel Cores Tourís, e o alcalde Luis Aragunde.

O delegado territorial destacaba a importante inversión da Xunta en actuacións en Cambados neste exercicio: preto de 4 millóns de euros contando os traballos de ampliación do porto de Tragove.

Tamén o alcalde de Cambados, Luis Aragunde, amosábase satisfeito por estas actuacións, así como pola sentencia favorable ó Concello dictada polo Tribunal Superior de Xusticia de Galicia no recurso de casación interposto por un herdeiro de Juan Prego Trigo polo estanque de A Seca.

Con Cores Tourís e Luis Aragunde falaba en AROUSA PONTEVEDRA DIA A DIA a nosa compañeira Alba Piñeiro.

O conflicto laboral que padece a Residencia Valle-Inclán, en Vilanova de Arousa, tivo hoxe un novo episodio. Os traballadores despedidos, delegados dos tres sindicatos (CC.OO, CIG e UGT) e militantes de formacions manifestáronse esta mañá dende o Concello ata o xeriátrico demandando unha solución ó conflicto e exixindo a implicación directa da Consellería de Traballo.

E tras esta mobilización, o colectivo de despedidos ten previsto remitir un escrito á titular de Traballo, Beatriz Mato, solicitándolle unha entrevista urxente na que lles explique se o seu departamento dectectou as irregulariedades na xestión que veñen denunciando os sindicatos.

De non obter unha resposta no prazo dunha semana, os traballadores despedidos volverán a mobilizarse en San Caetano, ante as portas da Xunta en Santiago.

E ademáis, a vindeira semana tamén é clave para eles, xa que comezan os xuicios polos despidos que se veñen rexistrando dende o comezo deste ano.

De todo elo nos falaba en AROUSA PONTEVEDRA DIA A DIA, Xoan Xosé Bouzas, secretario comarcal da CIG nesta entrevista con Alba Piñeiro a pé de manifestación.