130 actuacións contra incendios realizaron as 8 brigadas forestais creadas na Mancomunidade Ulla-Umia para a loita contra o lume este verán.

Segundo os datos feitos públicos esta mañá polo delegado da Xunta en Pontevedra, José Manuel Cores Tourís, a meirande parte das actuacións foron en municipios alleos ós 4 concellos que a integran: Caldas, Cuntis, Moraña e Portas.

As 8 brigadas aintiincendios estiveron integradas por 40 persoas, desempregados de longa duración, que ademáis da loita contra o lume e a patrulla polos montes, tamén limparon os márxenes dos ríos, o Camiño Portugués e os sendeiros, e procederon a paertura de novos cortafogos para tratar de evitar a propagación dos lumes.

Traballos todos eles que merecen unha valoración positiva tanto por parte do delegado da Xunta en Pontevedra, Cores Tourís, como por parte do alcalde de Portas, Roberto Vázquez, onde esta mañá se precedeu a clausura da campaña contra incendios na Mancomunidade Ulla Umia.

Con ambos falabamos en AROUSA PONTEVEDRA DIA A DIA nunha entrevista de Alba Piñeiro.

As actuacións do Grupo de Acción Costeira-Ría de Arousa en Cambados, realizadas con fondos europeos, están a servir de modelo para Estonia.

O alcalde, Luis Aragunde, e a xerente do Grupo de Acción Costeira (GAC), Rosa Carballo, recibiron esta mañá a unha delegación integrada por 22 cidadáns de Estonia que acudiron a Cambados para coñecer de primeira man aspectos da situación económica e social do municipio, sobre todo no sector do mar.

Os visitantes estonios pertencen a un GAC do ámbito marítimo e pretenden coñecer a experiencia da pesca e do marisqueo en Galicia para aplicar na república báltica algunhas ideas xa postas en marcha aquí con anterioridade.

Unha das instalacións visitadas por esta delegación foi o salón José Peña, cuxos equipamentos foron xestionados a través do Grupo de Acción Costeira.

Durante a visita o alcalde explicoulles as características da economía da comarca, salientando os sectores da horta e viño, pesca e marisqueo, xunto co turismo e comercio, como as principais fontes de riqueza de Cambados e o Salnés.

Nesta estadía, tamén percorreron o porto de Tragove, a lonxa do peixe e unha nave de evisceración da vieira, así como a praza de Fefiñáns e boa parte do conxunto histórico. Tamén teñen previsto visitar a Mancomunidade do Salnés, así como zonas pesqueiras, bancos marisqueiros e viveiros flotantes característicos das rías galegas.

Todo elo nolo contaba en AROUSA PONTEVEDRA DIA A DIA o alcalde Luis Aragunde, en conversa con Alba Piñeiro.

Esta es la cuña de ANA ANGUEIRA que se está emitiendo en AROUSA SI RADIO, no 107.9 e no 89.9 de FM

Un grupo de empresarios procedente de México, concretamente da cidade de Aguas Calientes, de 1 millón de habitantes, visitará a comarca do Salnés a vindeira semana coa intención de coñecer as potencialidades turísticas e empresariais da zona.

A visita foi promovida pola Mancomunidade do Salnés, continuando coa liña iniciada hai un ano de abrir o mercado local nos ámbitos turístico e comercial a nivel internacional.

A primeira experiencia levouse a cabo co mercado ruso, con resultados satisfactorios.

Segundo o presidente da Mancomunidade do Salnés, Gonzalo Durán, durante o verán puido constatarse a presencia de cidadáns rusos nos diferentes municipios da comarca ainda que as cifras son difíciles de cuantificar.

Son os datos que ofrecía esta mañá Gonzalo Durán nunha rolda de prensa na que comparecía xunto co xerente da entidade, Ramón Ginarte.

Con Gonzalo Durán falabamos en AROUSA PONTEVEDRA DIA A DIA

A folga do ensino convocada contra a política do goberno do estado chegou hoxe ó seu terceiro e último día.

Centos de personas, na súa maioría estudiantes de secundaria e universitarios, desafiaron á intensa chuvia desta mañá e sairon ás rúas de Vilagarcía e Pontevedra para amosar , unha vez máis, o seu rexeitamento á Lei Orgánica de Mellora da Calidade Educativa (Lomce) e á política de ensino do goberno do estado.

En Vilagarcía a marcha, convocada pola Plataforma Galega en Defensa do Ensino Público -un colectivo formado por CIG, , Liga Estudantil Galega, BNG, Galiza Nova e varias federacións de asociacións de pais de alumnos- congregou ás 11 e media na Praza de Galicia ós manifestantes que se viron condicionados pola chuvia no percorrido ata Ravella.

Trala mobilización, leuse un comunicado que puxo fin á protesta. Dende a CIG-Ensino, o portavoz Duarte Correa cifraba en case o 100% o seguimento da folga por parte do alumnado e nun 70% por parte dos docentes.

Así nolo decía en AROUSA PONTEVEDRA DIA A DIA nesta entrevista de Alba Piñeiro.

El conflicto laboral en el seno de la Residencia Valle-Inclán continúa dando pasos. O Xulgado do Social nº3 de Pontevedra acolleu esta mañá dous novos xuízos polos 39 despidos decretados pola xerencia do xeriátrico dende principios de ano.

Dende os sindicatos confían en que as sentencias que se vaian coñecendo se pronuncien ó favor dos traballadores despedidos.

As defensas argumentan que os 39 ceses obrigados estaban motivados por algún tipo de “represión sindical” e por tal motivo agardan que os xuices os declaren nulos ou improcedentes e obriguen á restitución dos traballadores nos seus postos.

E paralelamente á vía xudicial, o colectivo de ex-empregados contínuan a semana que ven coas accións de protesta cunha nova concentración ante a Consellería de Traballo en Santiago.

Todos os detalles sabiámolos esta mañá en conversa con Ester Campoamor, do sindicato CIG.

No prazo de un mes a praza de abastos de Portonovo contará con cristaleiras con cores especiais para evitar a entrada de altas temperaturas durante o verán.

Para esta reforma investiranse arredor de 40.000 euros, cofinanciados entre Xunta e Concello nun 75% e 25% respectivamente.

Asimesmo na actuación tamén se habilita un pequeno almacén para que os praceiros poidan depositar os seus utensilios.

Os traballos de reforma eran anunciados esta mañá en Portonovo polo delegado territorial da Xunta en Pontevedra, Xosé Manuel Cores Tourís, acompañado pola alcaldesa Catalina González.

Ademáis desta actuación, o delegado da Xunta en Pontevedra tamén anunciou a concesión de axudas para as asociacións de praceiros e comerciantes de Sanxenxo: 9.000 euros para cada unha das prazas de abastos de Sanxenxo e Portonovo e 40.000 para a asociación de comerciantes Entretendas.

Todo elo nolo contaban en AROUSA PONTEVEDRA DIA A DIA o delegado da Xunta, Cores Tourís, e a alcaldesa de Sanxenxo, Catalina González, nesta conversa con Alba Piñeiro.

O BNG califica de “irrelevantes” os 10 millóns de euros que os orzamentos da Xunta contemplan para a comarca do Salnés no exercicio 2014.

A formación nacionalista reprocha que non existan partidas para a creación dos centros de saúde que demanda a comarca, a ausencia de orzamentos para centros de ensino, como o proxectado para Vilalonga, o de Magariños en Cambados, ou o de A Torre na Illa, e que tampouco se inclua ningunha partida para a loita contra o desemprego.

Asimesmo, o BNG considera insuficiente a partida de algo máis de 4 millóns de euros para a ampliación do hospital do Salnés ó entender que non vai responder as necesidades que a comarca necesita.

Por todo elo, o BNG presentará enmendas ós orzamentos da Xunta para o ano que ven, e así nolo decía en AROUSA PONTEVEDRA DIA A DIA a deputada nacionalista no Parlamento Montse Prado, en conversa con Alba Piñeiro.

A Banda Unión Musical de Meaño ten xa novo director. Trátase de Diego Javier Lorente, un valenciano que concursou pola praza e que dirixiu durante seis anos á banda do Rosal, considerada unha da formacións de referencia en Galicia.

Diego Javier Lorente concursou con outros catorce candidatos por conseguir a praza . Deles, catro eran valencianos, tres italianos e un zamorano. O resto eran galegos.

Durante todo o proceso de selección, Diego Javier Lorente estivo sempre á cabeza dos candidatos..

Sobre os detalles do proceso falabamos esta mañá en AROUSA PONTEVEDRA DIA A DIA con Manuel Arosa, presidente da Banda Unión Musical de Meaño.

A decisión da Consellería de Educación de abrirlle expediente ao director do instituto da Illa, Alfonso Malvido, está a provocar un novo malestar na comunidade educativa do centro.. A directiva da ANPA decidiu convocar unha asemblea para mañá martes ás 7 da tarde no salón de plenos do Concello para analizar a situación.

A ela están convidados non só os pais senón tamén profesores, alumnos e veciños en xeral. O obxectivo é aunar criterios á hora de deseñar as medidas de apoio ao director do centro, moi querido pola comunidade escolar da Illa, que se enfronta agora a un posible cese.

O director foi expedientado pola súa decisión de suspender as clases o pasado 16 de setembro, día do inicio do curso escolar, alegando a imposibilidade de elaborar o calendario debido á falta de profesores.

Pola súa banda, Alfonso Malvido prefire de momento gardar silencio co fin de non enturbar o procedemento aberto contra el e á espera de solicitar asesoramento legal.

Todo elo ocorre cando a comunidade escolar do IES da Illa xa agardaba que o curso transcorrera dentro da normalidade despois das mobilizacións en contra dos recortes de profesorado que se solucionou coa chegada dun novo profesor o mesmo día en que tiñan que comezar as clases.

Nolo decía o vocal da ANPA Vicente Barbosa con quen falamos esta mañá en AROUSA PONTEVEDRA DIA A DIA.