As obras de demolición e reconstrucción da ponte sobre o río Armenteira, en Ribadumia, que une ás parroquias de Sisán e Barrantes comezan despoís de varios meses de retraso.

O aplazamento foi debido a que por esta ponte pasa unha tubería de abastece de auga a toda a comarca do Salnés, polo que se tivo que esperar ó remate do verán para que baixara o consumo da auga e se poidera dar paso a demolición.

Esta previsto que estas obras, realizadas cun presuposto de 236.000 euros, financiado pola Xunta de Galicia, estean rematadas a principios do ano que ven.

Trátase dunha ponte moi transitada polos veciños que tras este corte da vía teñen que dar un amplo rodeo pola localidade para chegar ó seu destino.

A estructura desta ponte estaba moi deteriorada polo que esta remodelación, suporá a dotación dunha boa cimentación que aguante o tránsito de vehículos e o cauce da auga nas crecidas do río. Ademáis, a ponte contará con máis luz xa que se elevará a súa altura de 10 a 20 metros polo que se poderá pasear por debaixo do vial cando a o cauce do río este baixo.

Tamén habilitaranse dous carris e unha senda peonil que formará parte do futuro paseo dende a ponte de Barrantes ata a desembocadura do río Umia.

Todo elo, no lo contaban en conversa con Alba Piñeiro para AROUSA PONTEVEDRA DIA A DIA a Alcaldesa de Ribadumia, Salome Peña, acompañada polo director da obra, Francisco Alonso, e o Delegado Territorial da Xunta en Pontevedra , Jose Manuel Cores Tourís, que esta mañá visitaron "in situ" o estado das obras.

A Plataforma de Afectados polas preferentes do Salnés realizaron este mediodía a súa octava retirada coordinada de fondos.

Nesta ocasión foi no Grove, na sucursal da praza de Arriba.

Os afectados polas preferentes siguen na súa loita para recuperar os seus aforros e o vindeiro martes día 5 os representantes de todalas plataformas galegas farán entrega ó goberno da Xunta en Santiago das 30.000 sinaturas recollidas contra o que consideran expolio e roubo das preferentes.

E o mesmo farán o venres día 8 en Madrid.

De todo elo falabamos en AROUSA PONTEVEDRA DIA A DIA con Ramón Otero, portavoz da Plataforma de Afectados polas Preferentes do Salnés.

A Mancomunidade do Salnés pon en marcha a partir de novembro o segundo Plan de Emprego de Formación para promover a inserción laboral de 100 persoas. Para elo contan cun orzamento máximo de 120 mil euros.

A entidade comarcal está seleccionando os candidatos para que a partir de novembro reciban a formación en diferentes profesións. No primeiro Plan de Emprego de Formación, realizado o ano pasado, conseguiuse a inserción laboral do 38% dos alumnos inscritos, sobre todo na ocupación de comercial, o que leva que neste novo curso formativo se aposte por seguir promocionando esta actividade.

Así o explicaban esta mañá o presidente da Mancomunidade do Salnés, Gonzalo Durán, e o xerente, Ramón Ginarte, que tamén facían referencias a outros asuntos de interés municipal de Vilanova, entre eles o estado dos cemiterios municipais cara a celebración da festividade de Defuntos.

O presidente da Deputación de Pontevedra, Rafael Louzán, destacou hoxe, no curso dunha visita xirada á empresa Tune Eureka SA, de Vilagarcía, que esta firma “aporta un gran valor engadido ao Salnés e a Galicia”. A institución provincial concedeu a esta empresa 1 técnico superior en Enxenería industrial mecánica dentro do seu Plan de Prácticas Laborais en empresas do sector privado, que onte foi aprobado. A Deputación correrá con todos os costes, salarios, etc. deste traballador por espazo dun ano.

Na comarca de O Salnés son 49 as empresas que se beneficiarán, perante un ano, de 56 bolseiros, xoves titulados universitarios sin experiencia laboral previa, que traballarán nas anteditas firmas financiados pola Deputación.

Eureka inviste 2,5 millóns na súa ampliación

Tune Eureka ocupa unha parcela de 30.000 m² (6.000 m² cubertos) no Polígono Industrial de Bamio, en Vilagarcía. Constrúe diversa maquinaria e equipos mecánicos, de alta especialización, que exporta no 95% da súa producción a Noruega, Alemania e Inglaterra. O 5% restante vai para o mercado nacional ainda que, como dixo o seu director xeral, Manuel García, “é un mercado con moi baixa demanda dos nosos productos pois aquí non se desenvolven empresas de petróleo, papel, etc”.

En AROUSA PONTEVEDRA DIA A DIA recollimos as declaracións de Rafael Louzán nesta visita á empresa Tune Eureka de Bamio.

En Vilaxoán ultiman a cita gastronómica déaste domingo día 3 conmemorando San Martiño coa "Festa do porquiño á brasa". O evento está organizado polo Club de Remo Vilaxoán co fin de recadar fondos para as súas actuacións e o mantemento dos seus equipos deportivos. Tamén conta coa colaboración do Concello de Vilagarcía e do Fogar do Espeto, de Moraña, que se encarga de asar o principal ingrediente do menú festivo, que inclúe empanada, porquiño, pan e sobremesa ao prezo de 12 euros.

Son vos pormenores dá VI Edición dá Festa do Porquiño á Brasa que se presentou esta mañá non salón de plenos do concello de Vilagarcía coa presenza do presidente do Club de Remo Vilaxoán organizador do evento, Feliciano Suárez, e ou concelleiro de Turismo e Promoción Económica, Manuel Tarrio.

Vos detalles nolos contou en AROUSA PONTEVEDRA DIA A DIA Feliciano Suárez, presidente do Club de Remo de Vilaxoan.

O edificio da Estación Marítima de Vilanova de Arousa, creado hai ano e medio, recibiu esta mañá a primeira comprobación do estado da madeira acetilada coa que se construiu a infraestructura.

Trátase da primeira construcción que se realiza en España con este novidoso material, a través dun tratamento que permite unha maior durabilidade nos acabados e tamén fronte ó ataque de fongos, o que permite alcanzar unha vida útil duns 60 anos, con revisións cada 5.

Ademáis o tratamento non incorpora biocidas e a madeira empregada procede de plantacións cunha xestión certificada.

Para comprobar o estado da madeira neste primeiro ano e medio dende a súa construcción, os arquitectos que elaboraron o proxecto e os técnicos da empresa constructora achegáronse esta mañá o Edificio Portuario, acompañados polo presidente de Portos de Galicia José Juan Durán.

Tanto técnicos como arquitectos consideraron que a madeira se encontra en perfecto estado co paso deste ano e medio e que se manterá sen necesidade de ningunha actuación ata dentro de 5 anos.

En AROUSA PONTEVEDRA DIA A DIA recollemos as declaracións do xefe de Area do CIS MADEIRA, Manuel Touza, e o presidente de Portos de Galicia José Juan Durán.

O colectivo de artistas emerxentes Ikifindik organiza para este venres día 1 en Vilagarcía diferentes actividades de participación cidadá baixo a denominación de “Peter's Room”, en colaboración con dous establecementos hosteleiros de Vilagarcía: a Goleta e o Bianco.

En ambos lugares desenvolveranse ó longo da tarde de 17:30 a 23:00 horas actividades como concertos, cócteles, talleres de manualidades e decoración e proxección de curtametraxes entre outras actividades.

As compoñentes deste colectivo, que agrupa xa a 14 integrantes, Alicia Nogueira e Cristina Velasco, presentaron esta mañá no Auditorio de Vilagarcía a segunda edición desta iniciativa, acompañadas pola Concelleira de Cultura, Rocio Llovo.

O ESPECTACULO "DEZ" DA COMPAÑÍA NOVA GALEGA DE DANZA CHEGA Ó AUDITORIO DE VILAGARCÍA O VINDEIRO SÁBADO 2 DE NOVEMBRO AS NOVE DA NOITE.

Tras dez anos de traxectoria, a compañia Nova Galega de Danza presenta o seu novo espectáculo de baile e danza no que se recollen ás mellores pezas que representaron durante estes anos na procura de reinvéntarse, collendo anacos do pasado e xuntandoós de diferentes maneiras para que todo resulte novidoso.

"DEZ", que así se chama o espectáculo, conta cun elenco de 14 persoas sobre o escenario, no que 7 son bailaríns e os outros 7 son músicos que amenizan en directo esta función, que neste caso, conta cunha nova incorporación na parte musical como é a do músico Germán Diaz que introduce a zanfona e as caixas de música nas melodías de "DEZ".

A dirección artística do espectáculo é de Jaime Pablo Díaz, fundador e coreógrafo da compañía, e a dirección musical corre ó cargo de Pedro Lamas, compositor dalgunhas das pezas que se representan.

Ademaís da actuación en Vilagarcía o vindeiro sábado, a compañía ten previsto ofrecer o seu espectáculo este venres no programa "LUAR", e dúas funcións máis en Galicia, concretamente en Narón e en Ourense onde se pechará esta xira.

O prezo das entradas é de 5 euros e xa se poden adquirir no Auditorio de Vilagarcía e na web www.servinova.com.

Todo ilo, no lo contaba a Concellera de Cultura, Rocío LLovo para AROUSA PONTEVEDRA DIA A DIA nunha conversa con Alba Piñeiro na que tamen se falou da visita ó mercado das flores que abriu esta mañá as súas portas.

As exportacións do Albariño creceron máis dun 25% durante a campaña 2012-2013. Máis de cinco millóns de litros de albariño comercializáronse en case 60 países diferentes. Tamén creceu notablemente o valor das exportacións, ata alcanzar os 26,3 millóns de euros.

Por mercados, EE.UU. segue sendo o principal cliente da denominación. Alí vendéronse 2,5 millóns de litros. Séguenlle Reino Unido e Alemaña, que adquiren 3 e 1,6 millóns de litros respectivamente.

Con todos estes datos a D.O Rias Baixas presentou esta mañá en Cambados, na sala José Peña, o programa de actividades que a Ruta do Viño desenvolverá o domingo, 10 de novembro con motivo da celebración do Día Europeo do Enoturismo. O presidente da Ruta, Juan Gil de Araujo, e o alcalde de Cambados, Luis Aragunde, presentaron as actividades destinadas a que os visitantes poidan experimentar algunha das múltiples posibilidades que ofrece esta Ruta do Viño. Visitas a viñedos e paisaxes do territorio ou catas comentadas serán algún dos atractivos desta xornada especial, que se celebra de forma pararela na rede de cidades europeas asociadas a RECEVIN.

Ademais, ese día tamén se celebrará a segunda edición do Concurso Afeccionado de Catadores, que reunirá no salón José Peña de Cambados a máis de 200 persoas.

Todo elo nolo contaban en AROUSA PONTEVEDRA DIA A DIA o presidente da D.O Rías Baixas, Juan Gil de Araujo, e o alcalde de Cambados, Luis Aragunde.

Dia de mobilizacións dos Emigrantes Retornados do Salnés e do Ulla Umia en Vilagarcía e en Madrid.

Os primeiros, a Plataforma do Salnés, congregou esta mañá na capital de Arousa a uns 300 afectados polas sancións da Axencia Tributaria nunha concentración realizada ante a delegación de Facenda, que se simultaneou con concentracións en todalas oficinas da Axencia Tributaria en Galicia.

Paralelamente, en Madrid, 1.500 emigrantes retornados, entre eles os integrantes da Asociación do Ulla-Umia e das Plataformas do Morrazo e da Estrada, manifestábanse dende a Porta do Sol ata o Congreso nunha mobilización convocada pola Federación Española de Emigrantes Retornados.

Dous escenarios diferentes pero un mesmo obxectivo.. que se revoquen os expedientes sancionadores emitidos pola Axencia Tributaria ós pensionistas e

que se modifique a lei para garantir igualdade de trato aos emigrantes retornados.

En AROUSA PONTEVEDRA DIA A DIA démolles voz a uns e a outros falando en Vilagarcía con Xosé Lois Leiros, portavoz da Plataforma do Salnés e en Madrid con Maruchi Alvarez, da representación trasladada a Madrid.