Cambados Zona Centro organiza ás segundas Xornadas de Exaltación da Zamburiña, nas que participan un total de 11 establecementos hostaleiros da localidade. O obxectivo é potenciar este sector en pleno outono -como se fai no Grove dende hai tempo coa centolla, ao tempo que se enxalza un dos produtos do mar máis típicos de Cambados, como é a volandeira, que pertence á familia da zamburiña.

As xornadas celébranse dende o venres 29 de novembro ata o domingo 8 de decembro -inclúen polo tanto a ponte festiva da Constitución- e participan un total de 11 establecementos, que son os seguintes:

A dous piñeiros, Restaurante reboredo

Á casa de Miguel, Lume de Leña

Ribeira de Fefiñáns, Vagoviños

A Taberna do Trasno, Pandemonium

Parador de cambados, Cafeteria Thelma

Tapería Ventos.

Cada un deles realizará unha preparación distinta da volandeira, e serviraa a un prezo único de cinco euros a porción. En caso de que o consumidor tamén queira tomar unha botella de albariño recomendado o prezo total é de 12 euros.

Estas segundas xornadas de exaltación dá Zamburiña preséntanse esta tarde non porto de Tragove, e en AROUSA PONTEVEDRA DIA A DIA Juan Rey, presidente de Cambados Zona Centro, avanzábanos os detalles do evento.

Para incentivar os consumidores en cada establecemento hai unhas tarxetas-guía, cun guía que sitúa os 11 locais participantes e os seus respectivos pratos.

Os accesos ó Hospital do Salnés melloraranse coa construcción dun vial perimetral no tramo comprendido entre o hospital e a estrada de Baión.

Trátase dun camiño que decorre paralelo a autovía e que na actualidade resulta case intransitable. Será cedido polo Ministerio de Fomento para incorporar á rede viaria do Hospital do Salnés.

Así se acordou no encontro de traballo que esta mañá mantiveron o Presidente da Deputación, Rafael Louzán, e os alcaldes de Vilagarcía e Vilanova, Tomás Fole e Gonzalo Durán, con técnicos de Fomento para avanzar nas xestións de mellora dos accesos ó centro comarcal.

Trala reunión, realizaron un percorrido pola zona en cuestión para comprobar in situ as actuacións a realizar e comprobar o estado das obras de explanación do terreo do novo aparcadoiro provisional.

Dábanos máis detalle de todo elo o Presidente da Deputación Rafael Louzán nunhas declaracións ante os medios que recollíamos en AROUSA PONTEVEDRA DIA A DIA.

A asociación AMENCER de afectados por parálise cerebral e enfermidades afíns organizan este sábado 30 a terceira edición das xornadas XOGAMOS TODOS COMUNICACIO E ALGO MAIS.

Será en Pontevedra, na Casa Azul, dende as 9 da mañá e prolongaranse durante todo o día ata as 8 da tarde.

Relatorios, obradoiros e proxeccións cinematográficas integran estas xornadas.

O prezo de inscripción é de 5 € os relatorios e 5 € cada obradoiro

O pago farase por medio do número de conta:

2080-5406-87-3040118214 de NovaCaixaGalicia.

É imprescindible a inscrición xa que as

prazas son limitadas.

A participación nos obradoiros farase por rigura orde de inscrición. Prazo

máximo de inscrición ata o xoves 28 de Novembro.

Sobre todo elo falabamos en AROUSA PONTEVEDRA DIA A DIA con

Rosana Sanchez, coordinadora técnica dos centros de día do colectivo Amencer e organizadora das xornadas.

O Centro de Información á Muller (CIM) do Salnés, con motivo do Día Internacional pola eliminación da Violencia de Xénero, instalou unha mesas informativas nos concellos que atende, Cambados, Meis e Ribadumia, na procura de asesorar ás mulleres respecto dos seus problemas e concienciar ás maltratadas para que dén o paso de denunciar a súa situación antes de que se agrave.

As responsables do CIM levan atendido preto de 1.900 consultas no que vai de ano 2013, das cales contabilízanse 37 casos de mulleres que sufriron malos tratos e que precisaron tanto apoio xurídico como atención psicolóxica. Neste aspecto o CIM detecta un repunte da conflicitividade en parellas mozas, así como nas familias con falta de recursos por mor da crise económica, que nalgúns casos deriva en consumo excesivo de alcol, e en rifas con abusos e malos tratos.

Na estatística da área xurídica sobresaen as 291 consultas rexistradas en dereito civil, relativas a herencias, sucesións e nacionalidade, ademais das 200 solicitudes de xustiza gratuita por falta de recursos económicos.

Na área de atención psicolóxica existe unha elevada demanda de atención por problemas familiares (126) e por problemas de parella (62). A situación emocional detectada foi de ansiedade en 80 casos, seguida da tristeza en 54 consultas, estrés en 41, angustia en 39 e bloqueo emocional en 15 casos. A maioría das persoas que refiren problemas psicolóxicos aceptan un seguemento do seu caso.

A mesa informativa do CIM permaneceu instalada de 11 a 13 horas na praza do Concello de Cambados e igualmente en horario de mañá nos municipios de Meis e Ribadumia, ofrecendo folletos explicativos da igualdade de dereitos e dos problemas relativos á violencia machista que afecta a centos de parellas. No que vai deste ano rexistráronse 45 vítimas de violencia de xénero en toda España, mentres que en Galicia houbo dúas.

A campaña deste 25N segue insistindo nun aspecto fundamental do problema, como é o da protección das maltratadas en todos os ámbitos da súa deteriorada relación, dende o apoio psicolóxico ata o cambio de réxime económico matrimonial.

En AROUSA PONTEVEDRA DIA A DIA FALABAMOS con Mariña Varela, directora do CIM.

A alcaldesa de Sanxenxo, Catalina González, asegura que non demitirá a consecuencia da sua imputación por prevaricación e tráfico de influencias nas investigacións abertas polo xulgado de Cambados que instrue o caso das supostas irregulariedades en varios expedientes urbanísticos da localidade, e que afectan ós chaléts de Dorrón, ubicados ó carón do cemiterio, a un edificio da rúa Progreso, á reforma da vivienda do aparellador municipal e a zona residencial en Bascuas.

Catalina González compareceu esta mañá ante os medios para confirmar que no urbanismo de Sanxenxo non existen irregulariedade e amosar a súa disposición a colaborar coa xusticia na súa declaración que terá que prestar ante o xuiz o vindeiro venres ás 9 da mañá.

Dixo non ter nada que ocultar, pero tamén se amosou disposta a chegar

ás ultimas consecuencias despois de que todo se resolva.

Tamén asegurou sentirse respaldada polo seu partido, ante o que puso o seu cargo a disposición, e tamén polo resto do equipo de goberno.

A imputación por prevaricación e tráfico de influencias, parte da denuncia de tres particulares nun entorno que, Catalina González calificou “de xente molesta” porque quedou apartada da xerencia de urbanismo do concello.

Neste sentido amosouse sorprendida de

que non estea imputado como testigo nin imputado Francisco Villaverde, concelleiro no momento en que se otorgou a licencia da zona residencial de Dorrón.

En AROUSA PONTEVEDRA DIA A DIA recollemos a rolda de prensa íntegra de Catalina González e que podes descargar e escoitar.

Monte Lobeira ten dende hoxe un novo atractivo turístico.

Trátase dun novo miradoiro, máis accesible e próximo que a propia cruz de Lobeira, e denominado Miradoiro da Raiña Dona Urraca por estar constatado históricamente a súa presencia neste enclave.

Está situado no acceso á escalinata que sube ata a cima do monte e permite gozar dunhas espectaculares vistas sobre a ría de Arousa sen necesidade de subir cen escaleiras.

O novo miradoiro forma parte dos traballos de acondiciomento e mellora promovidos pola Mancomunidade so Salnés e financiados con fondos europeos por un importe de 80.000 euros.

Ademais do novo miradoiro, reparáronse as escaleiras e instalouse unha varanda ata a cruz, colocáronse bancos, paneis explicativos nos que se recrea o antigo castelo de Lobeira e limpáronse cinco hectáreas de terreo.

Desde a mancomunidade queren potenciar este enclave como reclamo turístico e como zona de lecer así como rescatar os vestixios arqueolóxicos que sexa posible. A principios do 2014 está previsto que a Deputación de Pontevedra inicie as escavacións no lugar.

O presidente da Mancomunidade do Salnés, Gonzalo Durán, visitaba esta mañá a zona para comprobar a conclusión das actuacións e nos contaba os detalles en AROUSA PONTEVEDRA DIA A DIA nesta conversa con Alba Piñeiro.

O presidente da Xunta, Alberto Núñez Feijóo, celebrou esta mañá en Ribadumia o XXV aniversario da empresa Kiwi Atlántico.

Estivo acompañado pola Conselleira do Medio Rural e do Mar, Rosa Quintana, polo presidente da Deputación, Rafael Louzán, e por diferentes alcaldes dos municipios do Salnés.

Tras unha visita ás instalacións da fábrica,

Núñez Feijoo avanzou a posta en marcha dun paquete lexislativo relativo á política agraria. Nas medidas incluirase a aprobación dunha lei de montes e unha normativa contra incendios con sancións económicas para os incendiarios que mesmo podería supoñer a perda dos seu patrimonio.

Asimesmo presidente da Xunta destacou a importancia do sector do agro en tempos de crise e os beneficios económicos e para a saúde do consumo de kiwi.

O BNG presenta unha enmenda á totalidade ós orzamentos da Xunta para o ano que ven, na que estan incluidas diferentes iniciativas e demandas para a comarca do Salnés.

A defensa da sanidade e ensino públicos, a demanda de 6 millóns de euros máis na partida para a ampliación do Hospital do Salnés e a loita contra o paro son algunhas das propostas que nos comentaba en AROUSA PONTEVEDRA DIA A DIA a deputada do BNG pola comarca do Salnés Montserrat Prado.

Os touroperadores alemáns que estes días visitaron a comarca do Salnés, convidados pola Mancomunidade do Salnés, venderán en Alemaña as potencialidades turísticas da comarca.

Tras unha estadía de tres días visitando os diferentes municipios do Salnés, os profesionais do sector turístico xermano quedaron gratamente sorprendidos pola paisaxe da nosa comarca, a gastronomía a cultura e o trato humano.

Os 4 touroperadores remataron no Grove a súa estadía cunha reunión de traballo celebrada no Obradoiro de Emprego de Hostalería de A Lanzada, con representantes políticos e socias da comarca.

Estiveron presentes o Presidente da Mancomunidade de O Salnés, Gonzalo Durán, e os alcaldes de O Grove, Miguel Pérez, Sanxenxo, Catalina González, Ribadumia, Salomé Peña e Meaño, Lourdes Ucha.

En representación das asociacións, encontrábanse o CETS (Consorcio de Empresarios Turísticos de Sanxenxo) AHITUVI (Asociación de hosteleros e iniciativas turísticas de Vilagarcia), EMGROBES ( Asociación de empresarios de o Grove de bens e servizos), A Asociación de Hostelería de O Grove e a Asociación de comerciantes Cambados Zona Centro.

Trala conclusión do encontro en AROUSA PONTEVEDRA DIA A DIA falabamos sobre todo elo co presidente da Mancomunidade do Salnés, Gonzalo Durán, nesta entrevista de Alba Piñeiro.

A Consellería de Medio Rural mellorará 5 kilómetros de vias rurais nos concellos que integran a Mancomunidade do Ulla-Umia -Caldas, Valga, Pontecesures, Portas e Moraña- cun investimento de máis de 318 mil euros.

As obras, que se integran no Plan Marco de mellora de camiños de titularidade municipal 2013/14, permitirán executar traballos de recuperación de vías rurais de comunicación e acceso a fincas e explotacións.

Os traballos iniciaranse na primavera de 2014 para estar rematados antes do 30 de xuño.

Nestes momentos o proxecto está en fase de información ós concellos, que serán os que contraten as empresas que executarán as actuacións.

As cifras en detalle por concellos son: Caldas de Reis investirá 48.727,91 euros para a pavimentación do entorno do cemiterio desta localidade.

Catoira destinará 39.553,09 euros para a mellora da pista de Baral, Gondar, Portocanles e Vila de Suso.

Cuntis levará a cabo a reforma de camiños rurais no lugar da Sobreira por un importe de 59.822,40.

En Moraña, destinaranse 43.953,86 euros para a pavimentación de o vial situado entre os lugares de San Martiño e Pallota.

En Portas investiranse 46.102,94 euros para o asfaltado de camiños en Romai-Vello e Tarrio.

Pontecesures, pola súa banda, levará a cabo obras de ampliación e mellora dos camiños de Rúa Forneiras, Souto, Fontaíña e Condide por un total de 37.776,84 euros.

Finalmente, o concello de Valga investirá 42.389,33 euros para a mellora dos camiños de Desabanda e Lavadoiro e Casal do Irigo e O Forno.

En total, 4,8 quilómetros de actuación nesta comarca.

As obras deste Plan Marco foron presentadas esta mañá na sede da Mancomunidade do Ulla-Umia en Portas polo delegado Territorial da Xunta en Pontevedra, José Manuel Cores Tourís, acompañado do presidente da Mancomunidade e alcalde de Portas, Roberto Vázquez, e o Xefe de Infraestructuras da Xunta, Julian Alvira.

Con eles falabamos en directo en AROUSA PONTEVEDRA DIA A DIA nesta entrevista de Alba Piñeiro.