O alcalde de Vilanova e presidente da Mancomunidade do Salnés, Gonzalo Durán facía balance das actuacións realizadas no 2013, tanto a nivel municipal como dentro da Mancomunidade do Salnés..

A saída de Volta Ciclista a España dende Vilanova e o seu paso polo Salnés, a ampliación da senda do litoral e as melloras no colexio de Tremoedo son algúns dos asuntos destacados por Gonzalo Durán.

Escoitamos en AROUSA PONTEVEDRA DIA A DIA o que decía Gonzalo Durán nesa rolda de prensa, que recollían os micrófonos de AROUSA SI RADIO.

O Concello de Vilanova porá en marcha o vindeiro ano un ambicioso proxecto de remodelación do campo de futbol do Terrón e o seu entorno.

A primeira fase suporá a renovación dos vestiarios e as obras comezarán en 2014 cun presuposto de 300.000 euros.

A segunda fase incluirá a construcción dunha piscina municipal e a terceira a creación dun balneario, actuacións para as que o concello todavía esta na procura de financiación, pero que con toda probabilidade os investimentos necesarios procederán da Deputación de Pontevedra.

Son datos que aportaba esta mañá en rolda de prensa o alcalde de Vilanova, Gonzalo Durán, que tamén avanzaba a reanudación dos traballos de mellora da seguridade vial na estrada de Baión, en Serantes, e un plan de asfaltado no vial en San Miguel e en Caleiro por un importe de 40.000 euros...

En AROUSA PONTEVEDRA DIA A DIA recollimos as declaracións de Gonzalo Durán.

Unha cadela de terapia do refuxio de Cambados, chamada Mimi, salvou a súa cuidadora de acollida, a veciña de Pontevedra Dora Pampin, das consecuencias dun ictus, poñendo sobre aviso da situación á familia cos seus ladridos.

A cadela tamén lle está a ser de gran axuda na sua recuperación.

Escoita a súa historia nesta conversa coa nosa compañeira Alba Piñeiro en AROUSA PONTEVEDRA DIA A DIA..

AVANZA A TRAMITACIÓN DO PROCESO DE CONCENTRACIÓN PARCELARIA EN LOIS E MONTES DE RIBADUMIA.

A alcaldesa de Ribadumia, Salomé Peña e o delegado territorial da Xunta, Jose Manuel Cores Tourís xunto con técnicos da administración presentaron esta mañá o último expediente da concentración parcelaria que se esta a levar a cabo en Lois e en Montes de Ribadumia.

O documento será publicado no DOG e estará exposto ó público nas casas de cultura da localidade para que todos os veciños afectados poidan comprobar a nova situación dos seus terreos e se as súas alegacións foron aceptadas ou non.

A partir dese momento, os propietaros terán dous meses para presentar as súas novas alegacións e reclamacións se as houbera.

En todo caso tanto o Concello de Ribadumia como a Xunta agardan que no primero trimestre do vindeiro ano esten rematados os traballos e se proceda coa adxudicación provisional dos terreos para que os veciños de Ribadumia poidan comenzar a traballar e cultivar as súas fincas.

Con este proceso de concentración parcelaria prevese mellorar a rede de camiños e os accesos ás fincas asi como as fincas de reemplazo que beneficiarán as explotacións agricolas.

En AROUSA PONTEVEDRA DIA A DIA recollemos as declaracións da alcaldesa de Ribadumia, Salome Peña e o delegado territorial da Xunta, Jose Manuel Cores Tourís.

O BNG reclama unha moratoria, de alomenos un quinquenio, que evite a implantación de grandes áreas comerciais de xeito xeneralizado, para evitar que se siga prexudicando ós pequenos comercios.

Para o BNG é posible outro modelo de comercio en Galicia, tal como decía esta mañá en Vilagarcía a deputada nacionalista Montserrat Prado.

O BNG comeza así no Salnés unha campaña de defensa do comercio local e en contra da instalación masiva de grandes áreas comerciais nos concellos galegos. Unha proposta que os nacionalistas levarán ó Parlamento co fin de pedir unha moratoria autonómica que free a aplicación da lexislación a nivel estatal. Nesta proposta o BNG tamén reivindica unha regulación dos horarios comerciais e o establecemento de liñas de crédito prioritarias para o comercio de proximidade.

O Partido Popular do Salnés celebrará en Vilanova a súa cea de Nadal. Será mañá, ás 21.30 horas no pavillón municipal, e está prevista a asistencia de 1.300 persoas coa presencia de altos cargos do PP, como o presidente da Xunta.

Unha celebración que levantou as críticas do PSOE de Vilanova pola utilización de medios e operarios do concello na preparación do pabillón nun evento político.

En contestación, o alcalde de Vilanova, Gonzalo Durán, aseguraba esta mañá que "é algo totalmente normal cando se vai celebrar un evento, sexa do PP, dos grupos da oposición, ou de calquera outro colectivo que solicite unhas instalacións municipais,".

Os socialistas califican de "grave" a utilización de maquinaria e persoal municipal, que "se converteu nun hábito no concello de Vilanova de Arousa, xa que recentemente denunciaron o mesmo, pero nunha festa privada dun furancho de Baión". Lamentan este tipo de actuacións, xa que aseguran que "se están a utilizar medios persoais e económicos de todos os vilanoveses para facer unha cea partidista, polo que o alcalde, Gonzalo Durán, debería dar unha explicación, sobre todo por gastar o diñeiro nestas cousas mentres ten o concello empeñado ata límites insostibles". Tamén reclaman explicacións sobre o gasto que vai supoñer a utilización do pavillón "sen pagar ningún tipo de aluguer ás arcas do Concello". No próximo pleno teñen previsto presentar unha batería de preguntas sobre "este asunto.

O Salón José Peña de Cambados acolle esta fin de semana as Xornadas de Degustación e Maridaxe das Aguardentes e Licores Tradicionais de Galicia, que se celebran por vez primeira en Cambados.

O obxetivo é promocionar o sector e achegar ó consumidor todas as potencialidades que ofrecen estes licores de calidade que se producen no país.

As actividades organizadas polo consello regulador, coa colaboración do Concello de Cambados, desenvolveránse en horario de sábado tarde e domingo pola mañá. O público asistente poderá participar nesta novidosa actividade que incluirá unha cata comentada destes destilados e mais un showcooking a cargo dos prestixiosos cociñeiros do Grupo Nove: Yayo Daporta –sábado- e Antonio Botana –domingo-. Ambos emplearán en distintas elaboracións os cinco produtos amparados polo consello regulador, así como outros con denominación de orixe como a DOP Queixo de Tetilla e IXP Mel de Galicia.

As Xornadas de Degustación foron presentadas esta mañá no Salón José Peña de Cambados polo presidente do Consello Regulador, José Antonio Feijoo, que nos comentaba en AROUSA PONTEVEDRA DIA A DIA os detalles do evento.

A asociación de comerciantes Cambados Zona Centro celebrará o Nadal cun programa de actividades infantís, como a despedida do ano unha vez máis con lacasitos, un sorteo de 1.100 euros en vales-compra, e unha iniciativa solidaria de recollida de xoguetes..

Nolo contaba en AROUSA PONTEVEDRA DIA A DIA, Juan Rey, presidente de Zona Centro de Cambados.

Descarga e escoita a entrevista se queres saber os detalles.

OS BOLECHAS VOLVEN ESTE NADAL A VILAGARCÍA CA ESTREA DO SEU NOVO ESPECTÁCULO "OS BOLECHAS CANTAN CON LADY VINA".

Os Bolechas abren a súa xira de nadal e presentarán o seu novo espectáculo no auditorio de Vilagarcía, onde xa é un clásico das navidades dos vilagarciáns máis pequenos.

Será o vindeiro domingo 22 de decembro ás 18:30 da tarde e as entradas xa se poden adquirir a través da páxina de Servinova www.servinova.com a un prezo de 12 euros.

Ademáis, os Bolechas tamén darán un preestreno pechado da súa nova función o sabado 21 ás 12:30 do mediodía para todos os nenos que participen na cabalgata do día de Reis.

Será un espectáculo totalmente diferente e renovado xa que os Bolechas non serán bonecos corpóreos como é habitual nas súas actuacións, senón que esta vez serán monicreques manipulados por persoas que tamén se poderán ver enriba do escenario.

Nesta ocasión, os Bolechas queren participar nun festival da canción pero a malvada Lady Vina non lles deixa porque son pequenos, polo que terán que argallar algo para poder intervir. Trátase polo tanto dunha representación musical dos temas do disco "Os Bolechas fan unha banda", que se poderá mercar o mesmo día da función no Auditorio municipal, onde se dispondrá un posto de venda para quen queira adquirir merchandising destes divertidos bonecos, que ademáis terán un desconto con cada entrada mercada.

Tete Rocamonde, responsable de comunicación de Bolanda, productora do espectáculo, dábanos todos os detalles nunha conversa con Alba Piñeiro en AROUSA PONTEVEDRA DIA A DIA.

O I Maratón de Cociña Solidaria destinará menús de nadal a beneficio de cáritas.

O Centro Comercial Arousa acollerá o día 19, na segunda planta, o primeiro Maratón de Cociña Solidaria en beneficio de Cáritas.

Durante 10 horas seguidas, as duas promotoras desta iniciativa, Maribel Fernández Varela e María Eugenia Longa,

cociñarán con termomix unha serie de menús de nadal para donar posteriormente a Cáritas.

Elaborarán 40 empanadas, 20 roscos de reis, 30 rolos de turrón e 20 rolos de polo recheo entre outras receitas.

As dúas promotoras da iniciativa reclaman tamén a colaboración cidadá para axudar a preparar os pratos.

Os ingredientes foron donados polo centro comercial arousa e, a maiores, tamén se realiza unha recollida de alimentos e productos non perecedoiros.

Se queres saber máis detalles desta iniciativa solidaria, descarga e descoita a entrevista que lles facíamos en AROUSA PONTEVEDRA DIA A DIA..