Tanto o presidente da Deputación coma o vicepresidente da Xunta incidiron na importancia deste servizo, que dá cobertura a entre o 60 e o 70% da poboación da provincia (exceptuando os municipios de Vigo e Pontevedra que contan co seu propio parque), e no que traballan preto de 100 persoas.

O concello de Vilanova organiza un ano mais a campaña de recollida de alimentos e xoguetes para familias do concello que carecen de recursos e están sendo atendidas polos servicios sociais da localidade. O pasado ano beneficiaronse desta campaña 33 familias que grazas a esta axuda de alimentos e xoguetes pudieron disfrutar un pouco mais do nadal. Este ano o numero de familias que serán atendidas descendeu levemente pero ainda así dende o concello mostran a sua preocupación ante esta situación. Ademais desta campaña, a escola infantil municipal tamen pon en marcha a Operación Kilo na que durante a vindeira semana cada día estará destinado a unha serie de productos que mais se necesitan.

Por outra banda, tamen hai comerciantes de Vilanova que axudan a estas familias ofrecendo os seus servicios a cambio de alimentos e xoguetes, como e o caso de Merchi Pintos, dona dun Salon de beleza, que fai tratamientos de hixiene facial a cambio destes productos.

Asimesmo, o vindeiro día 21 de decembro celebrarase unha marcha solidaria "Operación Kilo-Metro" que saira dende o pabellón municipal as 5.30 da tarde. Todo aquel que participe entrara nun sorteo no que poderan gañar alimentos e xoguetes.

A Concelleira de Xuventude de Vilanova, Nuria Morgade, daba todos os detalles esta maña nunha rolda de prensa que recollemos en AROUSA PONTEVEDRA DIA A DIA. Se queres, descarga e escóitaa.

Os viños espumosos elaborados con albariño volven cobrar relevancia por segundo ano consecutivo nestas festas de nadal.

E para demostrar o ven que maridan con productos da nosa gastronomía, este domingo día 8 celébranse no Salón José Peña de Cambados as “II Xornadas de Exaltación de Espumosos Rías Baixas”, que son de asistencia de balde pero previa inscripción no concello de Cambados ou ben nas adegas participantes.

Un total de 5 adegas da zona do Salnés e da subzona do Condado estarán presentes neste evento que dará comezo ás 12 do mediodía con catas e degustacións de ostra.

80 mil botellas dos espumosos elaborados con albariño saen este nadal ó mercado procedentes en gran parte das adegas que este domingo estarán presentes no salón José Peña de Cambados: Pablo Padín de Meaño, Mar de Frades de Meis, Adegas Eidosela e As Laxas de Arbo e Cotorredondo de As Neves.

O alcalde de Cambados, Luis Aragunde, e o presidente do Consello Regulador da D.O Rías Baixas, Juan Gil de Araujo presentaron este mediodía as xornadas que se celebrarán o domingo en Cambados.

Con Juan Gil de Araujo e coa representante da adega Mar de Frades falabamos en AROUSA PONTEVEDRA DIA A DIA.

A mancomunidade do Salnés contará para o ano que ven cun orzamento de preto de 2,5 millóns de euros, que se incrementa nun 5% con respecto ó ano pasado e que será maior tendo en conta as subvencións que procedan doutras administracións.

A entidade supramunicipal seguirá apostando pola prestación conxunta de servicios como sistema de eficiencia no gasto público, mesmo ampliando os principais servicios básicos.

Neste sentido, a mancomunidade manterá os servicios básicos de bacheo de estradas, uso da motoniveladora para mantemento de camiños e pistas, que seguirá rotando por todolos concellos do Salnés, servicio de limpeza dos marxes dos viais, e subministros de auga e recollida de resíduos sólidos urbanos nos concellos de Vilanova, Meis e Cambados.

Precisamente, polo incremento do canon de SOGAMA, o presidente da Mancomunidade, Gonzalo Durán, está na procura de alternativas que permitan abaratar custes, como poderían ser a planta experimental de Touro e promover a compostaxe no rural.

Tamén se seguirá promovendo o comercio e o turismo cara o exterior, establecéndose por primeira vez unha partida orzamentaria destinada para esta finalidade.

Dentro deste apartado, a entidade comarcal asinará un convenio coa Axencia Galega de Turismo e porá en marcha un proxecto de promoción do turismo gastronómico, financiado polo Grupo de Acción Costeira, baixo a denominación “Producto da Ría de Arousa: un referente mundial”.

De todo elo, falabamos en AROUSA PONTEVEDRA DIA A DIA con Gonzalo Durán, presidente da Mancomunidade do Salnés, nesta entrevista de Alba Piñeiro.

A Plataforma contra a subida do IBI en Vilagarcía tentará unha última negociación co alcalde Tomás Fole antes da manifestación convocada para o próximo día 13.

Será na reunión aberta ós veciños que se celebrará mañá no Auditorio coa presencia de Tomás Fole e do Concelleiro de Independentes Benito Perez Dorgambide.

Na reunión tamén estarán representantes dos sindicatos e das diferentes asociacións que nas últimas semanas se sumaron ás demandas da Plataforma.

O colectivo cidadá pretende que Tomás Fole asuma a rebaixa do coeficiente no que se basa o imposto do 0,60 ó 0,52 e que se estableza unha reducción para as persoas que non perciban o salario mínimo interprofesional. Asimesmo, solicitan unha diminución do 5% para os que teñan os recibos domiciliados.

A Plataforma estima que a subida suporá un sobrecuste de entre 50 e 115 euros a cada familia e que o concello percibirá 1 millón de euros máis en concepto do tributo.

De momento, a Plataforma mantén a convocatoria da manifestación para o próximo día 13 ás 8 da tarde fronte ó concello, contando con permiso para realizar un percorrido reivindicativo polas ruas se así o deciden no decurso da protesta.

Todo elo nolo contaba en AROUSA PONTEVEDRA DIA A DIA o portavoz da Plataforma, José Luis Lorenzo, nesta entrevista que podes descargar e volver a escoitar.

O BNG de Sanxenxo solicita a convocatoria dun pleno extraordinario para tratar de forma monográfica a presunta trama de corrupción urbanística que está a ser investigada polo xulgado de Cambados.

Trala declaración ante o xuiz da alcaldesa, Catalina González, o pasado venres, a formación nacionalista segue pedindo a sua demisión por considerar que a sua situación empeorou ó manterse todolos cargos que pesan sobre ela: prevaricación, soborno e tráfico de influencias.

Cargos que, entende o BNG, son incompatibles co posto que ocupa e danan a imaxe do concello.

E paralelamente, o BNG tamén presenta iniciativas no Parlamento Galego solicitando o cese da secretaria xeral de Urbanismo da Xunta, Encarnación Rivas, imputada tamén na investigación xudicial aberta.

Asimesmo, o BNG pide que ó presidente da Xunta, Nuñez Feijo, explique no Parlamento o seu parecer sobre o feito de que unha alcaldesa do PP se manteña ó frente do Concello de Sanxenxo cando está imputada por presuntas irregularidades urbanísticas.

Son os datos que esta mañá ofrecían en rolda de prensa en Sanxenxo o portavoz local da formación, David Otero, e a deputada Montserrat Prado.

Con eles falabamos en AROUSA PONTEVEDRA DIA A DIA nesta entrevista de Alba Piñeiro.

Vilanova xa respira ambiente de Nadal. A vindera semana o concello procederá ó prendido do arbol ubicado este ano na praza de O Castro e se ultiman tamén os preparativos da Festa de Fin de Ano que o concello celebrará o día 31 para todolos veciños.

Así nolo decía esta mañá en AROUSA PONTEVEDRA DIA A DIA o alcalde Gonzalo Durán, que tamén nos decía que agarda que a principios de ano poidan comezar as obras de ampliación da ponte do Terrón, que contará cun carril bici. O concello agarda polo proxecto que está a elaborar a Concellería de Medio Ambiente e Infraestructuras. Agárdase que as obras poidan comezar a principios de ano.

Asimesmo, Gonzalo Durán amosábase satisfeito pola rebaixa de persoal na plantilla do concello, que se realizou

reconstruindo servicios a medida que se ían producindo xubilacións. A plantilla baixa por primeira vez en moitos anos dos 100 traballadores.

Unha curtametraxe documental sobre o cultivo da ameixa de Carril achegará ó público o arraigado e á vez ainda descoñecido oficio.

Trátase do film “Feito a man. Historia dunha profesión” co que a Agrupación de Parquistas de Carril pretende poñer en valor o cultivo da ameixa como un dos recursos socioeconómicos máis importantes de Galicia.

O documental grabouse durante 6 días inspirado nun estudio sobre a historia da ameixa de Carril no que colaboraron expertos da Universidade de Santiago que aportaron o seu punto de vista científico neste traballo.

A curtametraxe poderase ver próximamente na páxina web da agrupación e tamén nos medios de comunicación audiovisuais.

O film proxectouse por primeira vez esta mañá na sede da Agrupación de Parquistas e o presidente do colectivo, José Luis Villanueva, nos contaba en AROUSA PONTEVEDRA DIA A DIA os pormenores da iniciativa.

A concellería de Traballo e Benestar de Vilagarcía contará cuns orzamentos de 1 millón 680 mil euros destinados a acción social e escolas infantís.

A responsable do departamento, Elena Suárez, presentou esta mañá as contas da súa área, destacando o aumento dun 14% nas partidas de acción social, igualdade, atención ós dependentes, fomento e cultura.

Tamén se incrementan as subvencións municipais para ONGS como Cruz Bermella e Cáritas.

Nolo contaba en AROUSA PONTEVEDRA DIA A DIA a concelleira de Traballo e Benestar de Vilagarcía, Elena Suárez, coa que falaba Alba Piñeiro.

As declaracións da alcaldesa de Sanxenxo, Catalina González, atribuindo ó entorno de Sanxenxo Agrupación Liberal as denuncias que orixinaron a investigación xudicial sobre presuntas irregulariedades urbanísticas non sentaron nada ben no seno da agrupación que dirixe Gonzalo Pita.

Gonzalo Pita considera que as declaracións da alcaldesa son impropias dun cargo que representa a todos os veciños, polo que exixe unha rectificación inmediata por parte de Catalina González.

De non ser así, esta tarde decidirán as iniciativas a seguir.

Nolo decía nesta conversa en AROUSA PONTEVEDRA DIA A DIA...