Actualidade local e comarcal deste luns 23 de maio de 2022. Empezamos a semana con tempo inestable entre as altas e as baixas presións.

Segundo as previsións, os ceos permanecerán parcialmente cubertos con chuvias intermitentes que irán indo a menos conforme avance a tarde.

As temperaturas máximas baixan ata os 18 graos mentres que as mínimas quedan nos 14.

Cara mañá todavía se agarda a presencia de precipitacións pero xa o mércores irase recuperando a influencia anticiclónica con predominio de tempo seco e soleado.

Actualidade local e comarcal deste xoves 19 de maio de 2022. Volven as altas presións nunha xornada de ceos despexados con temperaturas en ascenso que hoxe marcarán os 22 graos de máxima pero que xa o sábado se situarán sobre os 30 graos.

Segundo as previsións, o anticiclón comezará a perder forza durante a xornada do domingo para empezar a vindeira semana con tempo inestable e de novo probabilidades de chuvias.

Actualidade local e comarcal deste mércores 18 de maio de 2022. Xornada de transición cara as altas presións que segundo as previsións de meteogalicia nos deixarán ceos soleados e temperaturas en ascenso a partir de mañá.

De momento, hoxe quedamos entre nubes e claros con termómetros que marcan os 20 graos de máxima e os 13 de mínima.

Actualidade local e comarcal deste luns 16 de maio de 2022. Regresan as chuvias, alomenos durante a xornada de hoxe, a de mañá martes, festivo do Día das Letras Galegas, e tamén se agardan para o mércores pola mañá.

O motivo, unha borrasca que se adentra en Galicia no seu movemento polo Atlántico cara Irlanda que nos deixa para estes días alternancia de ceos cubertos con intervalos de nubes e claros.

As temperaturas baixan a máximas de 20 e mínimas de 13.

Actualidade local e comarcal deste xoves 12 de maio de 2022. Seguimos baixo a influencia das altas presións con ceos que deixaron atrás as néboas matinais para quedar pouco nubrados ou despexados. As temperaturas suben a máximas de 24 graos e mínimas de 14.

Segundo as previsións, o anticiclón continuará alomenos ata a fin de semana pero o domingo empecerá a cambiar o tempo co regreso das chuvias e baixada das temperaturas

Actualidade local e comarcal deste mércores 11 de maio de 2022. Xornada de ceos cubertos pola mañá que van abrindo conforme avanza a tarde. As temperaturas baixan ata máximas de 20 graos e mínimas de 9.

Os mapas de meteogalicia a influencia das altas presións alomenos ata a fin de semana, cando se agardan precipitacións durante o sábado.

Actualidade local e comarcal deste martes 10 de maio de 2022. Seguimos baixo a influencia das altas presións con ceos soleados e temperaturas máximas que chegarán aos 25 graos mentres que as mínimas quedan nos 8.

Segundo as previsións, os efectos do anticiclón continuarán durante toda a semana con termómetros en ascenso.

Actualidade local e comarcal deste venres 29 de abril de 2022. Colle forza o anticiclón nunha xornada de ceos despexados con temperaturas máximas en ascenso que chegarán aos 24 graos mentres que as mínimas quedan nos 10

Segundo as previsións, as altas presións prolongaranse durante a fin de semana con alternancia de nubes e claros e temperaturas que seguirán sendo normais para esta época do ano.

Actualidade local e comarcal deste xoves 28 de abril de 2022. Empeza a coller forza o anticiclón nunha xornada de ceos entre nubes e claros con temperaturas que se manteñen sen cambios entre os 9 de mínima e os 19 de máxima.

Segundo as previsións, as altas presións prolongaranse durante a fin de semana con alternancia de períodos de ceos con nubes e claros con outros pouco anubrados ou despexados. As temperaturas seguirán sendo normais para esta época do ano.

Actualidade local e comarcal deste mércores 27 de abril de 2022. Todavía se mantén o tempo inestable nunha xornada de ceos entre nubes e claros e chuvascos intermitentes con temperaturas que oscilan entre os 10 graos de mínima e os 18 de máxima.

Segundo as previsións, a partir de mañá xoves empezarán a reforzarse as altas presións que nos traerán días soleados e temperaturas máximas en ascenso