Escoita este espazo para enterarte do que aconteceu nesta semana no eido medioambiental do país.

Unha sentenza do Tribunal Europeo determina que o polen derivado de cultivos transxénicos que apareza en produtos non modificados, obriga a que estes últimos deban pasar o control e a supervisión para a comercialización dun organismo modificado.

O zoólogo Felipe Bárcena describe as características propias do garrano como especie única no mundo e que merece de maior recoñecemento e protección do que actualmente ten. Tamén dá a súa opinión sobre a obrigatoriedade de identificar con microchip os garranos ou de reconvertilos a explotacións en extensivo.

O novo decreto sobre identificación dos cabalos salvaxes e regulación de usos dos pastos comúns entre os propietarios dos garranos e os comuneiros ou propietarios das terras crea enfrontamentos entre ambas partes. Neste espazo escoitarás ás dúas partes afectadas.

Trátase do aproveitamento de Gas Natural-Unión Fenosa "Edrada-Santo Estevo" na bacía do río Sil. Cunha concesión de 1951 preténdese construír unha central de ciclo reversible cunha potencia de máis de 760 Mw e cuxo impacto na zona pode ser determinante para a estabilidade das especies e o desenvolvemento turístico do LIC Canón do Sil.

Coñece as novas máis sobresaíntes dos últimos días en materia de medio ambiente e ecoloxía en Galiza.

A Fundación Félix Rodríguez de la Fuente está en pleno lanzamento dunha campaña que pretende promocionar a marca da sostibilidade "Consuma Naturalidad" que pretende ser a marchamo dos produtos procedentes de espazos de Rede Natura.

Asociacións de veciños, comunidades de montes e grupos sociais e ambientalistas de Cotobade xúntanse nunha plataforma para defender os usos tradicionais do Val do Lérez e do Almofrei fronte dúas canteiras de pedra que están en trámitación para ubicarse na zona.

ADEGA denuncia por segundo ano consecutivo os recortes que fai a Xunta na lexislación ambiental a través da Lei de Acompañamento dos Orzamentos. Desta volta, a Xunta elimina a Avaliación ambiental estratéxica para os proxectos sectoriais (piscifactorías, parques eólicos, etc.), a avaliación de efectos ambientais e toda a lexislación galega contra o ruído.

É o título dun concurso de ideas que promove ADEGA dentro da Semana Europea da Prevención de Residuos que se celebra estes días. A idea gañadora será premiada cun kit de compostaxe.