comezamos o mes de xullo coas novas de carácter ambiental máis destacadas dos últimos días.

Xulia Marqués fixo un extraordinario traballo de recollida da toponimia do concello lugués de Trabada. A través do seu traballo recoñecemos a inmensa variedade de topónimos que usamos e que nos din como somos. En moitas ocasións, utilizamos como referente as plantas, os animais e os elementos máis cotidianos.

O escritor e filólogo Gonzalo Navaza explica algunhas das causas da desaparición en Galiza dos nomes de lugar, a pesar de ser un territorio cunha ampla riqueza toponímica.

ADEGA presenta alegacións ao novo planeamento de xestión da bacía fluvial Miño-Sil no período de exposición pública. Malia a facer unha valoración xeral positiva, resalta a ausencia dun rexeitamento claro fronte a instalación de novos aproveitamentos hidroeléctricos.

MariñaPatrimonio e ADEGA veñen de denunciar na Fiscalía Xeral ao Conselleiro de Cultura, Roberto Varela, por suposta deixadez de funcións en canto á protección do xacemento galaico-romano e castrexo da Atalaia, no concello de Cervo.

Coñece as novas desta semana que fan referencia ao medio ambiente e a ecoloxía de Galiza.

O Consello Europeo insta ás Administracións públicas a prestar especial atención e apoio ás persoas electrosensibles. Neste espazo falamos cunha persoa que sufre esta doenza, aínda non recoñecida como tal no Estado español.

A Organización Mundial da Saúde (OMS) e a Axencia Internacional de Investigación do Cancro (IARC) recoñecen por primeira vez os riscos na saúde humana do uso dos sistemas de conexión inalámbrica WIFI e dos teléfonos móbiles.

O Tribunal Superior de Xustiza de Galiza rectifica unha sentenza firme de hai 5 anos pola que obrigaba a Endesa a separar 2km das vivendas de Paradela os muíños de dous parques eólico. Neste espazo falamos cos veciños afectados.

A Asociación de apicultores de Galiza alerta do estado no que se atopa este oficio e anima a participar no curso de iniciación á apicultura on-line que ten lugar ata finais de mes.