O Tribunal Superior de Xustiza de Galiza rectifica unha sentenza firme de hai 5 anos pola que obrigaba a Endesa a separar 2km das vivendas de Paradela os muíños de dous parques eólico. Neste espazo falamos cos veciños afectados.

A Asociación de apicultores de Galiza alerta do estado no que se atopa este oficio e anima a participar no curso de iniciación á apicultura on-line que ten lugar ata finais de mes.

Neste espazo Cerna destacamos as novas ambientais máis sobresaíntes da última semana.

É unha das Unidades de Xestión Forestal que, próximas á súa posta en funcionamento, viron truncadas as súas expectativas tras o cambio de goberno e, por tanto, de criterios sobre a xestión conxunta do monte. A responsable desta comunidade de montes relata a experiencia, agora frustrada.

A Universidade de Vigo vén de lanzar unha "Guía para os propietarios dos terreos eólicos" co gallo de asesoralos na negociación coas empresas eólicas que pretenden situar os seus parques nos montes galegos.

A pesar de ser un recurso económico, social e ambiental moi importante en Galiza (23% do territorio galego), o monte comunal galego non está a ser suficientemente aproveitado para a creación de emprego. A investigadora Mar Pérez Fra analiza o porqué e propón medidas.

Entre as diversas reivindicacións expresas recentemente no Día Mundial do Medio Ambiente destacamos a que tivo lugar en Muros baixo o título "Coas nosas Rías non se xoga", a favor da pesca e o marisqueo tradicional e en contra do modelo de acuicultura industial que quere impulsar a Xunta.

Repaso das novas ambientais máis sobresaíntes da semana.

Marga Miguens e Pepe Salvadores achegan a Cerna dúas novas especies de flora e fauna de Galiza.

ADEGA Ferrolterra fixo un percurso ao redor da ría de Ferrol indicando os puntos negros ou contaminantes, ademais dos recheos que están a prexudicar a calidade ambiental e os recursos pesqueiros da ría de Ferrol. Mais os expertos coinciden en que estas alteracións ambientais poden ter solución se hai vontade de solucionalas.