Tvey ár eru liðin, síðani lívið hjá Pól Sundskarð bleiv kollvelt. Á einum túri í fjøllunum tann 13. oktober 2021 var Pól áhaldsin og kom sera illa fyri.

Í staðni fyri ítróttarlig brøgd og fjallatúrar eru pína, skurðviðgerðir og endurvenjing nú partar av lívinum.

Í eini vón at minka um pínuna, sum er størsta avbjóðingin júst nú, er Pól Sundskarð í hesum døgum staddur á einum endurvenjingarstaði, Montebello, sum liggur í Malaga í Spania.

- Eg verði ongantíð tann sami Pól, men tað týdningarmiklasta er, at eg eri á lívi, sigur Pól Sundskarð.