Праца-Ваца

Выпуск пра працагалізм як пра складаную псіхічную і сацыяльную з’яву.

Дэкампазіцыя гэтай залежнасці, яе прычыны і галоўнае - як сябе падтрымліваць у гэтым месцы.

Гэта размова не толькі пра кар’еру, а пра пошук метанаратыву - гісторыі, якая тлумачыць, як усё гэта трымаецца разам.

Мы гаворым пра:

• Станаўленне ў менеджарскай ролі і канцэпт «дастаткова добрага менеджара»
• Памылкі, якія робяць кіраўніцтва невыносным
• Уладу, адказнасць і стомленасць
• Спалучэнне ў сабе некалькіх прафесійных ідэнтычнасцяў.

Шчырая, тонкая і вельмі чалавечая размова. Запрашаю паслухаць!

Гераіня:

• https://www.instagram.com/polev1k

📎Перадрукоўка, выкарыстанне матэрыялаў і цытат з гэтага выпуску - толькі з дазволу аўтаркі каналу.

Выпуск пра тое, якія дзіцяча-бацькоўскія сцэнары мы часта прагульваем на працах у камандах.

У чым там спакуса і небяспека.

Інна пакінула шматгадовую кар’еру ў Google, каб шукаць сябе. І знайшла - пасля таго, як перажыла рак.

Мы гаворым пра тое,

як можна губляць сябе ў карпарацыі

і як тлумачыць бацькам і ўсяму свету, чаму ты сыходзіш;

як хвароба змяняе кар’еру, стаўленне да працы і да жыцця;

як нарадзіўся прадукт, які дапамагае жанчынам вяртацца да сябе пасля лячэння.

Гэта размова пра жыццё і смерць, пра тое, што перажывае жанчына, хворая на рак.

Пра выпаленне і натхненне,

і пра тое, што кар’ерны шлях не заўсёды ідзе туды, куды мы яго планавалі -

але часам менавіта тут мы і становімся сабой.

Гераіня:

• https://www.linkedin.com/in/innashchepanska

📎Перадрукоўка, выкарыстанне матэрыялаў і цытат з гэтага выпуску - толькі з дазволу аўтаркі каналу.

Гэтая нябачная праца - нябачная не толькі для іншых, але часта і для саміх сябе.

Гэтая праца такая лёгкая для абясцэньвання, што да ўсвядомлення там нават і шанцу няма дакрануцца.

Гэта - эмацыйнае кантэйнаванне.

Да вас могуць ісці з рознымі пытаннямі, праблемамі, эмоцыямі.

І калі па самой сваёй сутнасці праблемы можна вырашыць, неяк паўплываць, то эмацыйны шлейф часта застаецца неапрацаваны і незаўважаны.

Выпуск пра тое, што адбываецца з намі, калі праца заканчваецца - раптоўна ці нават па ўласнай ініцыятыве. Чаму рэзкае звальненне можа стаць псіхалагічнай траўмай, і як неперапрацаванае "завяршэнне" ціхенька ператвараецца ў пракрастынацыю пошуку новай працы.

Размова з Антонам, які працуе ў прадуктовым стартапе.

Пра тое, як шукаць працу не праз водгукі, а самому грукацца ў пажаданыя дзверы. Пра вучобу на спецыяльнасці, пасадаў якой яшчэ не існавала ў краіне, і пра тое, якія людзі сапраўды «свае» ў стартапах.

Выпуск пра ініцыятыву, рызыку і выбар паміж стабільнасцю і развіццём.

Герой:

• https://antoniokov.com/
• https://www.instagram.com/antoniokov/

📎Перадрукоўка, выкарыстанне матэрыялаў і цытат з гэтага выпуску - толькі з дазволу аўтаркі каналу.

Размова з Марыяй, якая ў 20 гадоў эмігравала ў ЗША, а ў 25 пачала навучанне на клінічную фармацэўтку.

Сёння Маша працуе ў госпіталі і паралельна развівае ўласны бізнес разам з мужам у няпростай сферы 🙂

Гаворым пра розніцу ў падыходах да адукацыі, пра шляхі эмігрантаў у ЗША, пра пошук ідэнтычнасці і стварэнне свайго поля - далёка ад дому, але з беларускай культурай унутры.

Гераіня:

• https://www.instagram.com/astap60

📎Перадрукоўка, выкарыстанне матэрыялаў і цытат з гэтага выпуску - толькі з дазволу аўтаркі каналу.

Новы сезон "Праца-Ваца" адкрываецца размовай-дыскусіяй!

Мая блізкая сяброўка Яна спрабуе ўмясціць у адну біяграфію некалькі прафесій, талентаў і цікаўнасцяў. Мы гаворым пра феномен мультыпатэнцыяльнасці: Калі адначасова можаш быць дызайнеркай, маркетолагам, арганізатаркай - і пры гэтым адчуваць як свабоду, так і разгубленасць.

Гэта выпуск пра выбары, якія ніколі не бываюць канчатковымі, пра любоў да творчасці і пра тое, як навучыцца давяраць сабе, нават калі няма «адзінай працы мары».

Гераіня:

• https://www.instagram.com/ya.golubeva

Спасылкі:

• https://t.me/kadomsky - Блог Сяргея Кадомскага пра мульціпатэнцыялаў
• https://www.ted.com/talks/emilie_wapnick_why_some_of_us_don_t_have_one_true_calling - Ted Talks Эмілі Вапнік

📎Перадрукоўка, выкарыстанне матэрыялаў і цытат з гэтага выпуску - толькі з дазволу аўтаркі каналу.

Я пазнаёмілася з блогам Зоі ў далёкім 2018, калі яна была вядомая як "пернікавая фея"☺️

Сёння Зоя ўжо некалькі год як развіваецца і працуе ў галіне сэксалогіі, псіхалогіі і траўматэрапіі.

Размова атрымалася вельмі насычаная: пра тое, як у Беларусі працуе сэкс-асвета, чаму сэкс-шопы - хіба не лепшае месца для сэкс-адукацыі.

Пра падыход да адукацыі, блогінгу, сямейнага прадпрымальніцтва - купа натхнення і жыцця.

Запрашаю!

Гераіня:

• https://www.instagram.com/prishizojka

📎Перадрукоўка, выкарыстанне матэрыялаў і цытат з гэтага выпуску - толькі з дазволу аўтаркі каналу.