Ma ogtahay in codka ugu badan ee aad maqasho uu yahay midka maskaxdaada? Codkaa wuu kugu dhihi karaa inaad awooddo, ama wuu kaa dhaadhicin karaa inaadan ku filnayn. Qaybtan waxaan ku falanqeyneynaa sida codka gudaha ee nafteena uu u saameeyo nolosheena — kalsoonida, go’aamada, iyo xitaa sida aan u aragno nafteena. Ma la dagaalantaa mise waad la heshiisaa? Halkaan ayaa lagu ogaan doonaa.

Waqtiga waa hantida ugu qaalisan ee aan heysano, balse mararka qaar si sahlan ayaa loogu lumin karaa dadka, meelaha, iyo waxyaabaha aan qiimaha noo laheyn. Qaybtan waxaan uga hadleynaa sida loo ogaado waxa waqtigaaga ku dhacaya, iyo sida loo barto in la yiraahdo “Maya” marka loo baahdo. Waa qeyb kuu xasuusin doonta in noloshaadu u qalanto in si ula kac ah loo noolaado.

Podcast-ka “Maalin xun ma aha nolol xun” wuxuu diiradda saarayaa sidii aan u fahmi lahayn nolosha marka ay adkaato. Qof walba wuu leeyahay maalmo adag, balse waxaynu baran doonaa sida aan u fahmi karno, uga bogsan karno, ugana kori karno waayo-aragnimadaas. Waa meel aad isku garan karto, naftaada u naxariisan karto, oo aad dib u xasuusan karto in nolosha ay weli leedahay rajo iyo qurux, xitaa marka ay daruuro dusha kaa saaran yihiin.

Maalmahan, maskaxdaydu waxay la daalaa dhaceysaa fekrado badan — kuwo aan qarsan karo iyo kuwo aan garan la’ahay meel aan ku xiro. Barnaamijkan waxaan si daacadnimo leh ugu cabbirayaa fikirrada igu soo noqnoqda, dareenka aan qarino, iyo su’aalaha nololeed ee naga dhex guuxa. Haddii aad waligaa dareentay culays maskaxeed ama aad dooneyso meel aad codkaaga iyo fikirkaaga la wadaagto — waa kan meesha.

Small talks , big dreams . My other podcast for practicing English conversations.

“Ma rabtaa meel aad ku qorto fikradahaaga, casharrada aad barato, iyo waxyaabaha maskaxdaada soo mara? Qaybtan waxaan ku baran doonaa sida loo sameeyo beer dijitaal ah oo kuu gaar ah. Waa sahlan tahay, waana faa’iido badan!”.

Qeybtan waxaan kaga hadlayaa xanuunka iyo xiisaha hal-abuurka — meel u dhaxeysa rabitaanka abuurista iyo daalka jidheed iyo maskaxeed. Waa hadal daacad ah oo ku saabsan hamiga, hurdo la’aanta, iyo sida ay u adkaan karto in la fuliyo fikradaha marka tamartu dhammaato. Haddii aad mar uun is tiri “waxaan rabaa inaan abuuro, balse waan daalay,” qeybtaan adiga ayey kuu tahay.

Kani waa hordhaca barnaamijka qof kaan ahay — meel loogu talagalay qof walba oo doonaya inuu isku ogaado, u bogsado si qoto dheer, una horumaro si deggan. Qaybtan waxaan idiinku sharxayaa cidda aan ahay, sababta aan u bilaabay podcast-kan, iyo waxaad ka filan kartaan cutubyada soo socda.