قررت أكون إنسان

هذي الحلقه رح تفهمك الوعي اللي ممكن تمر فيه لما تبدا رحلة التشافي

كيف أنك ممكن تخلق معاناة جديدة أول ماتبدا توعى في أنك مليان مخلفات ومحتاج تبدا ترتبها وتغيرها

بس اللي يصير أننا نطلع من معاناة لمعاناة جديدة بأسم التشافي و الوعي لما نبدا نرفض أننا لسى ماتغيرنا ولشى نشعر بأمور مزعجة ولسى تجينا أفكار سلبية ومزعجه

و بكذا نخلق مقاومة من غير مانستوعب ونعيد انتاج نفس المعاناة القديمه ونفس الوعي القديم اللي أساسا كنا هربانين منه

رح تفهم من هذي الحلقه كيف أن تقبلك للحالة اللي أنت فيها أيا ما كانت ضروري جدا واحيانا مافي شيء تسوية غير أنك تبدا تستسلم لما في داخلك الأن

هذي الحلقه رح تفهمك ليش أحيانا أحنا محتاجين نرجع بالزمن للماضي عشان نتعامل مع شعور وقتها كبتناه وماقدرنا نتعامل معاه , أو شئ صدقناه عن أنفسنا !

مرات كثير المشاعر القديمه تكون خامله جواته مستنيه بس موقف أو حدث عشان تنفجر وانت مو مستوعب أنه الشي اللي فيك مره قديم

أغلبنا يرفض أنه ينبش في الأشياء القديمه مو من باب القوة والتفاؤل والمضي للأمام

بس من شعور الخوف من أنه يواجه المشاعر القديمه أو يتخطاها

رح تفهم من هذي الحلقه كيف أن هذي المشاعر

أحيانا محتاجه أنك ترجع لها عشان تفهمها

تعيشها من جديد وبعدها تسمح لها أنها ترحل

من خلال الاحساس فيها بشكل كامل وادراك

المعتقد اللي صدقته عن نفسك

من بعد هذي المواقف!

هذي الحلقه رح تاخذك رحلة تحس فيها بمشاعرك وأنت متألم

لما يصير معك حدث مؤلم في حياتك

وكيف أن تعاملك مع هذا الحدث المؤلم ممكن يخلق لك معاناة من بعد تجربة هذا الألم

سواء كان خسرت وظيفه مصدر دخلك او تركك شخص او حصل بسببك ضرر او او صارلك فضيحه او فقد او مرض اوفشل او حصل شي صادم لاحد من احبابك او اولادك

!وغيرها كثير من الأحداث اللي لابد أنها تقع طالما أنت عايش

بس الشي اللي بيفرق بين شخص وشخص هو كيف شخص قرر يتعامل مع هذا الألم

.......