Í þætti dagsins eru líflegar pallborðsumræður þar sem fulltrúar stjórnmálaflokka á þingi takast á um málefni sveitarfélaga. Pallborðsumræðurnar áttu sér stað á Fjármálaráðstefnu sveitarfélaganna 2025 í síðustu viku og vöktu þær mikla lukku meðal þeirra tæplega 500 gesta sem saman voru komnir á ráðstefnuna.

Hvað gerist þegar sveitarfélög hafa samþykkt að sameinast? Ólafur Þór Ólafsson ræðir um sameiningarferlið en hann hefur tekið þátt tveimur sameiningum bæði sem kjörinn fulltrúi og sveitarstjóri. 

Hvað gerist þegar sveitarfélög hafa áhuga á að fara í sameiningarviðræður? Hvernig virkar ferlið? Ólafur Þór Ólafsson ræðir um sameiningaviðræður en hann hefur tekið þátt í slíkum viðræðum bæði sem kjörinn fulltrúi og sveitarstjóri.

Gestur ráðhússinns að þessu sinni er hann Jóhannes Bjarki Urbancic Tómasson, sérfræðingur í úrgangsmálum hjá Umhverfis- og orkustofnun. Umræðuefni þáttarins er nýuppfærð handbók um úrgangsstjórnun sveitarfélaga og er m.a. farið yfir helstu skyldur sveitarfélaga í úrgangsmálum, gjaldtöku sveitarfélaga vegna úrgangsþjónustu og hvernig má nýta ný útboðssniðmát.

Gestur Ráðhússins í þessum þætti er Björgvin Sigurðsson, sérfræðingur í stafræna teymi Sambandsins. Fjallað er um Stafræna samstarf sveitarfélaganna, mikilvægi þess að vera með stafrænu málin í lagi, árangurinn sem hefur náðst hingað til, gerfigreind og verkefnin framundan.

Gestur Ráðhússins er Hjördís Eva Þórðardóttir verkefnastjóri farsældar barna hjá Sambandi sveitarfélaga á Suðurnesjum. Í þættinum verður fjallað um stofnun og tilgang farsældarráða landshluta í þágu farsældar barna.

Gestur Ráðhússins er Jón Kristófer Arnarson, garðyrkjustjóri Múlaþings og er rætt við hann um verkefnið Viljandi villt sem gengur út á það að leyfa villtum gróðri að spretta á vel völdum grænum svæðum til að styðja við líffræðilega fjölbreytni, draga úr losun gróðurhúsalofttegunda og jafnvel spara pening.

Gestur Ráðhússins er Ólafur Bergur Ólafsson, forstöðumaður vinnuskóla Reykjanesbæjar, þar sem fjallað er um þau miklu tækifæri er felast í þátttöku ungmenna í vinnuskólum. 

Í þetta skiptið ræða Bryndís Gunnlaugsdóttir og Finnur Ricart Andrason eitt heitasta málið í samráðsgátt stjórnvalda um þessar mundir – áform um að afnema undanþágu rafveitna frá fasteignamati. Þetta hljómar kannski frekar tæknilegt, en áhrifin gætu orðið veruleg fyrir sveitarfélög víða um land til aukinna tekna og eins og útfærslan er núna gæti þetta aukið tekjur allra sveitarfélaga. Spurningunum sem velt er upp í þættinum eru m.a. hvað liggur að baki þessu frumvarpi, hvaða áhrif gæti það haft á fjárhag sveitarfélaga og hvað ættu kjörnir fulltrúar og starfsfólk sveitarfélaga að skoða til að meta hagsmuni síns sveitarfélags?

Í þessum þætti er rætt við Frey Eyjólfsson, verkefnastjóra fræðslu og kynningarmála hjá Sorpu um stöðu úrgangsmála hjá sveitarfélögum landsins. Farið er yfir þær breytingar sem hafa orðið á undanförnum árum á flokkunarkerfi landsins í kjölfar þess að hringrásarlögin tóku gildi um áramótin 2023, hvaða árangur hefur náðst og hvaða áskoranir sveitarfélögin standa nú frammi fyrir í því að stuðla að hringrásarhagkerfi.