ՖՐԱՆՍԱ–ՕՎԵՐՆԵԸ–ՌՈՆ ԱԼՓԻ ՇՐՋԱՆ

Արցախի սենեկային նուագախումբի հրաշալի ելոյթը Սեպտեմբեր 2-ին, Արցախի անկախութեան 31-րդ տարեդրաձին առիթով, Օվերնեը–Ռոն Ալփի Շրջանային խորհուրդին կողմէ հրաւիրուած Արցախի սենեկային նուագախումբը ելոյթ ունեցաւ Լիոնէն ոչ հեռու, «ԹՈՒՄՕ» կեդրոնին մօտ գտնուող կանաչապատ վայրին մէջ, բազմահարիւր երաժշտասէրներու մասնակցութեամբ։ Ներկայ էին Շրջանային խորհուրդի նախագահ եւ հանդիսութեան նախաձեռնող Լօռան Վոքիէ, Հայաստանի դեսպանուհի Յասմիկ Տոլմաջեան, Ֆրանսայի մէջ Արցախի ներկայացուցիչ Յովհաննէս Գէորգեան, Արցախի Տարածքային կառավարման եւ ենթակառոյցներու նախարար Հայկ Խանումեան, Արցախի Կրթութեան, գիտութեան, մշակոյթի եւ մարզանքի նախարար Անահիտ Յակոբեան, Ֆրանսայի խորհրդարանի երեսփոխաններ, քաղաքապետեր, ֆրանսահայ համայնքի ներկայացուցիչներ։

ԹՈՒՐՔԻԱ

1600 տարուան պատմութիւն ունեցող հայկական եկեղեցին ոչնչացման եզրին է Թուրքիոյ խորհրդարանի երեսփոխան Կարօ Փայան այս օրերուն Վանի նահանգին մէջ ծանօթացած է հայկական եկեղեցիներու, վանքերու եւ պատմական ու կրօնական այլ յուշարձաններու վիճակին:

ՍՈՒՐԻԱ

Կարդինալ Գրիգոր-Պետրոս ԺԵ. Աղաճանեանի կիսանդրիի բացում Քեսապի մէջ Օգոստոս 28-ին, Քեսապի կաթողիկէ Հայոց Ս. Միքայէլ եկեղեցւոյ շրջափակին մէջ տեղի ունեցած է կարդինալ Գրիգոր-Պետրոս ԺԵ. Աղաճանեանի յիշատակը յաւերժացնող կիսանդրիին բացումը` Քեսապի շրջանին Սուրիոյ վերամիաւորման համար երջանկայիշատակ կարդինալին կատարած մեծ միջնորդութեան 83-ամեակին: Այս առիթով պատարագ մատուցած է Պէյրութի հայ կաթողիկէ պատրիարքական թեմի օգնական Գէորգ եպիսկ. Ասատուրեան:

Գերապայծառ Ասատուրեան այս առիթով արտասանած իր քարոզին մէջ նշած է, որ Գրիգոր-Պետրոս ԺԵ. կաթողիկոս-պատրիարքը մեծ եւ կարեւոր դերակատարութիւն ունեցած է Քեսապը եւ անոր շրջակայ գիւղերը սուրիական գերիշխանութեան վերադարձնելու իմաստով` Սուրիայէն բռնախլուելէ եւ 1939-ին Թուրքիոյ միացուելէ ետք: Կարդինալ Աղաճանեան նաեւ պաշտպանած է սուրիական իրաւունքները Ալեքսանտրէթի նահանգին հարցով: Այսքանով չբաւարարուելով՝ ան նաեւ պաշտպանած է ընդհանրապէս պաղեստինեան եւ արաբական դատերը:

Գիտաժողով – Արաբական ծոցի երկիրներու Հայերը

ՀԱՅԿԱԶԵԱՆ ՀԱՄԱԼՍԱՐԱՆ ՀԱՅԿԱԿԱՆ ՍՓԻՒՌՔԻ ՈՒՍՈՒՄՆԱՍԻՐՈՒԹԵԱՆ ԿԵԴՐՈՆ

Գիտաժողով

Արաբական ծոցի երկիրներու Հայերը

(Արաբական Միացեալ Էմիրութիւններ, Եմէն, Պահրէյն, Սաուտ. Արաբիա, Քաթար, Քուէյթ, Օման)

Հայկազեան համալսարանի Հայկական սփիւռքի ուսումնասիրութեան կեդրոնը Երկուշաբթի, 12 եւ Երեքշաբթի, 13 Դեկտեմբեր 2022-ին պիտի կայացնէ Միջին Արեւելքի հայօճախներուն նուիրուած իր եօթներորդ եւ վերջին գիտաժողովը:

Գիտաժողովը պիտի կայանայ անձամբ ներկայութեամբ եւ/կամ հեռահաղորդակցութեամբ:

Թուրքերը կը պատրաստուին հայկական եկեղեցին արուեստի կեդրոնի վերածելու Ըստ «Էրմէնի Հապեր»-ի՝ Թուրքիոյ Իզմիր նահանգի Մենեմէն քաղաքը գտնուող կիսաքանդ հայկական Սուրբ Սարգիս եկեղեցին պիտի վերանորոգուի։

Այս հարցին անդրադարձած է Մենեէնի քաղաքապետի պաշտօնակատար Այտըն Փեհլիվան, նշելով որ եկեղեցին պիտի վերանորոգուի եւ պիտի օգտագործուի որպէս «Մշակոյթի ու գիտութեան կեդրոն»:

Փեհլիվանի համաձայն՝ եկեղեցին մինչեւ 1922 օգտագործուած է Հայերու կողմէ: Հետագային սրբատեղին անուշադրութեան մատնուած է եւ տարիներու ընթացքին կորսնցուցած՝ իր նախկին տեսքը:

“Վերականգնողական աշխատանքներու աւարտին կը նախատեսենք կառոյցը մեր ժողովուրդին ծառայութեան յանձնել՝ որպէս արուեստի ու գիտութեան կեդրոն”,– ըսած է քաղաքապետի պաշտօնակատարը: 

Նշենք, թէ Մենեմeնի Սուրբ Սարգիս հայկական եկեղեցին լքուելէն ետք, Թուրքերու կողմէ որոշ ժամանակով օգտագործուած է իբրեւ զինուորական պահեստ, ապա՝ ախոռ։

15-ամեայ դաշնակահարուհի Լիւսի Իշխանեան՝ միջազգային մրցոյթի դափնեկիր Երեւանի Չայքովսքի երաժշտական դպրոցի աշակերտուհի Լիւսի Իշխանեան «Music and Stars Awards» միջազգային մրցոյթին ոսկէ մետալի արժանացած է։ Նշենք, որ այս մրցոյթին կը մասնակցէին տաղանդաւոր  երիտասարդներ՝ աշխարհի տարբեր երկիրներէն:

Լիւսի Իշխանեան 4 տարեկանէն սկսած է երաժշտութիւն սորվիլ. ան այժմ 15 տարեկան է։ Շնորհալի Հայուհին վերջերս London International Music Competition մրցոյթին ալ շահած է երկրորդ մրցանակը։

ԱՆՀԵԹԵԹՈՒԹԻՒՆ

Աթաթիւրքի նկարով դպրոցական պայուսակներ՝ Երեւանի խանութներուն մէջ Անհաւատալի, բայց՝ իրա՛ւ...

ԳԵՐՄԱՆԻԱ

«Հովեր» երգչախումբի հրաշալի համերգը՝ Միւնիխի մէջ Երեւանի սենեկային երաժշտութեան ազգային կեդրոնի «Հովեր» երգչախումբը

Յուլիս 29-ին, հովանաւորութեամբ՝ Հայաստանի Կրթութեան, գիտութեան, մշակոյթի եւ մարզանքի նախարարութեան, Գերմանիոյ Միւնիխ քաղաքին մէջ ունեցած է հրաշալի ելոյթ մը, նուիրուած՝ Հայաստանի եւ Գերմանիոյ միջեւ դիւանագիտական յարաբերութիւններու հաստատման 30-ամեակին: Համերգի կազմակերպման աջակցած է EUROPAMUSICALE (European Cultural Foundation) եւրոպական մշակութային հիմնադրամը։ Լուրը կը հաղորդէ Հայաստանի դեսպան Վիկտոր Ենգիբարեան, Դիմագիրքի իր էջով։

«Նոր Յառաջ»-1767-ի ձայնագրեալ լրահոսը 30 Յուլիս 2022