ՖՐԱՆՍԱ Հայաստանի դրօշը ծածանած է Փարիզի քաղաքապետարանի շէնքին վրայ:

ՖՐԱՆՍԱ Հայաստանին ու Արցախին զօրակցութեան երեկոյթ Ծերակոյտին մէջ Հայաստանին ու Արցախին իր զօրակցութիւնը ամէն առիթով արտայայտող Ֆրանսայի Ծերակոյտին մէջ Երեքշաբթի, Սեպտեմբեր 20-ի երեկոյեան, Լեռնային Ղարաբաղի տեղեկատուական խումբի նախագահ, ծերակուտական Պրիւնօ Ռըթեյոյի եւ դեսպանուհի Յասմիկ Տոլմաջեանի հրաւիրած շուրջ հարիւր առանձնաշնորհեալներու ներկայութեան տեղի ունեցաւ Տիգրան Եկաւեանի եւ Էրիք Տենեսէի համահեղինակութեամբ նոր լոյս տեսած «Սեւ մատեան»-ի ներկայացումը, որ Արցախի նուիրուած հատոր մըն է։

Իրան՝ Ազերպայճանին.– «Հայ-իրանական սահմանը կը համարենք հաղորդակցութեան պատմական ուղի, որ պէտք է անփոփոխ մնայ»

Յանդուգն ձայն մը եւս հնչած է։ Այս անգամ՝ իր արդարամիտ ու հայամէտ դիրքորոշումներով ծանօթ ֆրանսացի եւրոերեսփոխան Ֆրանսուա-Զաւիէ

Պելամիի ձայնն է։ Ան, Սեպտեմբեր 13-ին, Եւրոպական խորհրդարանի՝ քուէրկութեանց նիստէն առաջ (ֆրանսական ժամով 13-ին) ունեցած է հետեւեալ

ելոյթը, որ արժանացած է դահլիճին բուռն ծափարութեան։

Համացանցի վրայ կը գործէ «Կիւլպէնկեան»-ի Հայերէն-Անգլերէն կայքէջը

Արեւմտահայերէն լեզուի եւ մշակոյթի կենսունակութիւնը կը կազմէ Գալուստ Կիւլպէնկեան հիմնարկութեան Հայկական

բաժանմունքի գործունէութեան կորիզը։ Մեր կայքէջը պարտի արտացոլել այս մօտեցումը, ներկայացնելով հայերէնը

որպէս ստեղծագործութեան, արհեստավարժ գործունէութեան եւ հաղորդակցութեան լեզու։ Ամիսներու

պատրաստութենէ ետք, մեր երկլեզու կայքէջը արդէն թողարկուած է՝ ՀԱՅԵՐԷՆ ԿԱՅՔԷՋ

Հայերէն կայքէջի պատրաստութեան համար աշխատեցանք եւ դիմեցինք ծրագրաւորողներու, տառանկարողներու,

թարգմանիչներու, խմբագիրներու եւ պատկերազարդողներու։ Մեր նպատակն էր ունենալ հայերէն կայքէջ մը որ չի

զիջիր անգլերէնին եւ ունի նոյն առաւելութիւններն ու յատկանիշերը։

Կը յուսանք որ մեր կայքէջի հայերէն տարբերակը ունենայ բազմաթիւ այցելուներ։

Գալուստ Կիւլպէնկեան Հիմնարկութեան

Հայկական Համայնքներու Բաժանմունք ■

Մահ՝ Անգլիոյ թագուհի Էլիզապէթ Բ.ի

Հինգշաբթի, Սեպտեմբեր 8-ին, Սկովտիոյ Պալմորալ դղեակին մէջ, 96 տարեկանին իր մահկանացուն կնքեց Անգլիոյ թագուհի Էլիզապէթ Բ.։

Ան, ամէնէն երկար ժամանակ գահակալած միապետերէն էր՝ 70 տարի։ Զինք պիտի փոխարինէ 73-ամեայ որդին՝ իշխան Շառլ, որ այսուհետեւ կը ստանայ

«Արքայ Շառլ Գ.» տիտղոսը։ Երկրին մէջ 10-օրեայ սուգ հռչակուած է։

ՓԱՐԻԶ

Ֆրանսայի Հայոց թեմի տարեկան փառատօնը հետզհետէ իր տեղը կը գրաւէ համայնքի կեանքին մէջ Կիրակի, Սեպտեմբեր 4-ին տեղի ունեցաւ Ֆրանսայի Հայոց թեմի հինգերորդ փառատօնը, Փարիզի Ս. Յովհաննէս-Մկրտիչ մայր տաճարի Ժան-Կուժոն փողոցին մէջ։ Փարիզահայութեան կեանքին մէջ՝ տարիներու ընթացքին հետզհետէ իր տեղը գրաւած այս նախաձեռնութիւնը տարուէ-տարի իր տարածքով ալ կ՚ընդարձակուի, գրաւելով գրեթէ ամբողջ փողոցը։