Шоир: Саломуддини Маъниддин

Худоё, маро дар ин моҳ ба рӯза ва шабзиндадорияш ёрӣ кун ва маро дар ин моҳ аз лағзишҳо ва гуноҳаш дур дор ва ба ман дар ин моҳ ҳамеша зикратро насиб кун, ба тавфиқат, эй роҳнамои гумроҳон!

Шоир: Саломуддини Маъниддин

Худоё, дар ин моҳ

маро барои наздик шудан ба нофармоният хор макун ва маро бо тозиёнаи хашмат мазан ва аз ончи сабаби хашми ту мешавад маро дур кун бо миннат ва атоҳоят, эй ниҳояти дилбастагии муштоқон!

Даҳуми моҳи Рамазони соли даҳуми беъсат уммулмӯъминин ҳазрати Хадиҷаи Кубро ҳамсару вафодору фидокори Расули Худо ҳазрати Муҳаммади Мустафо (с) баъд аз таҳаммули ранҷу сахтиҳои фаровон ба хусус баъд аз се сол муҳосираи золимонаи ҷоҳилонаи мушрикони Қурайш дар дарраи Абӯтолиб амӯ ва ҳомии содиқи Расули Худо (с) дори фониро тарк кард ва ба дидори маъбуди худ шитофт. Ин сол Расули Худо (с) ду ҳомии ҳуқуқӣ ва иқтисодӣ ва отифии худ ҳазрати Хадиҷа ва Абӯтолибро аз даст дод ва ин ғам чунон сангин буд, ки ин солро "Омул-ҳузн" номид. Салому дуруди Худованд бар ҳазрати Муҳаммади Мустафо ва ҳомиёну пайравони муҷоҳиду мухлиси он ҳазрат бод!

Худоё, ончи хайр саодати дину дунё ва охирати мо ҳаст барои мо ба баракати моҳи шарифи Рамазон моҳи нузулу баҳори Қуръон ва меҳмонии худат аз аҳли имон ва Расули Аъзамат (с) насиб гардон!

Худоё,

дар ин моҳ маро аз истиғфоркунандагон гардон

ва маро дар ин моҳ аз бандагони шоистаи фармонбарат гардон

дар ин моҳ маро аз авлиёи муқаррабат гардон

ба меҳрубоният, эй меҳрубонтарини меҳрубонон

Шеъри Рӯзааввалӣ

Рӯза гирифтам имсол

Барои аввалин бор

Саҳар падар садо кард

Шудам якдаъфа бедор

Ба ғайри рӯзадорӣ

Корҳои хубе доштам

Як гул додам ба модар

Дигар дар боғча коштам

Як сура ҳифз кардам

Дубора ҷон гирифтам

Вақте барои ифтор

Ду дона нон гирифтам

Вақти азон расида

Намозро бихонам

Хушҳолу меҳмони

Худои меҳрубонам

Модар мегӯяд: Асло

Ту ингуна набудӣ

Чӣ қадр ту хубӣ, эй кош

Ҳамеша рӯза будӣ

Рӯзаҳоятон қабул бошад, рӯзааввалиҳо!

Худованд ба шумо оромиш ато кунад!

Худоё,

дар ин моҳ маро бар анҷоми фармонат қавӣ кун

ва дар ин моҳ ба ман ширинии ёдатро бичашон

ва дар ин моҳ бо карамат маро барои адои шукрат ёрӣ кун

ва дар ин моҳ маро бо ҳифзу пӯшиши худат муҳофизат намо

эй бинотарини биноён!