Milagros Domínguez, Geni Ramallo e Mary López entrevistaron no programa EN FEMININO a Meli Fandiño, ex locutora de Radio Pontevedra (Cadena SER) e unha das mulleres máis coñecidas no mundo radiofónico en Pontevedra e a súa zona de influencia. Profunda coñecedora do mundo da radio, aínda que hoxe está xa xubilada, rememorou os seus comezos e diferentes segredos relacionados co traballo nos medios de comunicación social. A entrevista resulta un documento moi interesante sobre todo polo protagonismoe a experiencia vital dunha pioneira no mundo da radio en Pontevedra.

Entrevista a Ángeles Pazos da Axencia de Doazón de sangueEntrevista a Ángeles Pazos da Axencia de Doazón de sangueEntrevista a Ángeles Pazos da Axencia de Doazón de sangue

Entrevista a Iago Treus por campo de fútbol Ponte SampaioEntrevista a Iago Treus por campo de fútbol Ponte Sampaio

RADIO NOVA emitiu no seu Boletín Informativo Local, momentos antes do informativo das 14 horas, unha información facilitada pola Presidencia da Xunta Xestora do Concello de Cerdedo-Cotobade no que nos informan de que recolléronse máis de 800 quilos de roupa para Cáritas nos distintos contedores colocados no termo municipal. Ademais, tamén anunciaron que a posta en servizo propio de mantemento e alumeado, asumido do que viña prestando o servizo en Cerdedo, permitirá ao novo Concello fusionado aforrar uns 40.000 euros. Cubela fala das vantaxes da fusión desde un punto de vista operativo e de aforro e eficiencia dos recursos.

RADIO NOVA emitiu no seu Boletín Informativo Local, momentos antes do informativo das 14 horas, unha información facilitada pola Alcaldía do Concello de Ponte Caldelas relativa á visita dun grupo de escolares do instituto á Área Arqueolóxica de Tourón onde tamén se recorda a vocación de conservación e posta en valor desta mostra única da arte rupestre. Na nota o Concello de Ponte Caldelas lémbralle á Xunta o seu deber de colaborar na súa conservación.

Outro dos protagonistas do programa REBOADA DE SONS, que dirixe Ángel Rodríguez Lale, foi Severino Pérez González, "Seve", da agrupación Ronda El Tenaco, de Arenas de San Pedro, en Ávila. Falaron das diferentes formas que ten o folclore castelán en función do lugar onde se practique e tamén do crisol de culturas que atesoura esta agrupación limítrofe entre as dúas castelas e Estremadura.

O director do programa REBOADA DE SONS, Ángel Rodríguez Lale, mantivo unha conversa con Beatriz Rebolledo Ramos, do grupo folclórico Zascandil, de Palencia, onde analizaron as similitudes e diferencias entre a forma organizativa das agrupacións folclóricas casteláns e as galegas. Tamén falaron da importancia do irmandamentos dos pobos a través da música.

Ángel Rodríguez Lale entrevistou no programa REBOADA DE SONS a Felipe Rea Otero, membro do grupo Celtas de Taboadelo, unha das agrupación que forman parte do Plan Cultural do Concello de Ponte Caldelas. Felipe Rea é un coñecido e premiado gaiteiro con quen Ángel Rodríguez Lale repasou a recente historia músico-folclórica da parroquia de Taboadelo (Ponte Caldelas) lembrando vellos grupos e tamén falando do carácter innovador que aplica el á gaita facendo actuacións acompañado dun piano.

Entrevistamos a Ricardo Olabegoya e a Carmen Galán, responsables de Motivarte, a empresa encargada de levar a cabo os obradoiros "Persoas Coidando Persoas" que desenrola en tódolos centros culturais e casas do pobo o Concello de Ponte Caldelas. Olabegoya e Galán incidiron no carácter aberto destes obradoiros que están especialmente adicado á muller na procura de axudar a descubrir as nosas propias fortalezas e debilidades. Os obradoiros tamén son abertos á asistencia de homes e teñen un carácter participativos e lúdico-formativos.

Mario Peso foi entrevistado por Alberto Rodríguez no programa MUNDO DEPORTIVO para falar sobre o curso de primeiros auxilios no deporte que se impartirá a partir de mañá mércores, en quendas de 21 a 22 horas e de 22 a 23 horas no Centro Cultural de Ponte Caldelas orientado, sobre todo, a aquelas persoas que habitualmente están no campo como monitores, persoal de mantemento ou adestradores para que coñezan o manexo do desfibrilador e da cánula de Guedel. O curso xa ten as prazas cubertas e é gratuito.