Radio Occitania

Cossí far melhor conéisser lo país ? Es tot lo sens d’un obratge collectiu paregut en agost de 2022 a las edicions Cairn, lo « dictionnaire familier d’Occitanie ». A la clau d’articles tan nombroses coma divèrses abordant l’istòria, la geografia, lo patrimòni e lo cambiament climatic en cò nòstre. Catherine Bernié-Boissard, directritz de l’obratge, nos a explicat çò que la motivèt amb los autres autors a menar aquel trabalh.

Soutenez-nous sur Patreon et HelloAsso !

Claude Sicre (fòto Roshanak) es de retorn e a per mira un album sòlo. En esperant, sortís un EP de quatre títols lo 29 de junh amb mantuna collaboracion dont una amb Francis Cabrel o encara lo productor de hip hop Al’Tarba. A l’escota dels dits títols, òm se ditz que l’èx-Fabulous Trobadors a cambiat de tonalitat. Exit lo cantadís sautejant d’autres còps e plaça a la canta grèva e introspectiva. Avèm ensajat de descriptar l’umor e l’imaginari actual del Claudi Sicre, dins aquel preludi a son futur album sòlo.

Soutenez-nous sur Patreon et HelloAsso !

Dins la vida d’un artista, cada òbra es personala mas d’unas o son un pauc mai que d’autras. Es lo cas del novèl espectacle del cantaire roergat « Wally » titolat « Ma distinction ». L’inventaire de la cançon braca (valent a dire una cançon de 15 segondas en forma de galejada) e del palhasson inusable nos a acostumat a de cançons umoristicas eficaças mas sembla qu’entre Wally e Lilian Derruau (son nom a l’estat civil) n’i a un qu’a decidit de tornar prendre las causas en man.

Soutenez-nous sur Patreon et HelloAsso !

Fa 21 ans que nasquèt la companhiá associativa de dança Dan6T mercés a una chorma de joves originaris de Tarba. Son accion s’estructura a l’entorn de tres axes : la creacion, los corses e l’accion sociala. La dança ven atal un mejan d’expression e d’insercion sociala. Mena tanben un trabalh de terrenh al prèp dels collègis e licèus de l’encontrada. L’associacion pren una direccion novèla, que los 6 e 7 de mai, inaugura de locals pròpris sus Tarba que li permetràn de menar sas activitats sus una susfàcia de mai de 300 mètres carrats. N’avèm parlat amb un dels pilars de l’associacion, lo coregrafa Bouziane Bouteldja.

Soutenez-nous sur Patreon et HelloAsso !

Los espectators assidús de Viure al País sus France 3 lo coneisson coma lo successor del Maurici Andrieu. Oficièt a la presentacion e a la produccion de reportatges pel compte del magasine occitan de la cadena publica pendent una vintena d’annadas abans de daissar la plaça a Sirine Tijani e Marius Blenet. Dempuèi, Benaset Ros es tornat a sas primièras amors a saber l’espòrt mas tanben la musica a la quala consacra un blòg « écoute voir » e collabòra tanben a un mini format nomenat « pas en playback » produsit dins los estúdios de la Cepièra a Tolosa. Retorn sus un percors eclectic…

Soutenez-nous sur Patreon et HelloAsso !

Sus l’empont coma dins la vida, forman un brave parelh ! Parlam aquí de la musiciana mondina Muriel Erdody (ex-Boudu Les Cops) e de son partenari montalbanés Alexis Kowalczewski que forman doncas lo duò « Erdöwsky ». Entre cançon blues, world e fòlc aqueles dos mesclan los sons eissits de lors culturas d’origina (Euròpa de l’èst per l’essencial) e de lors experiéncias respectivas. Aquò sedusiguèt pro Emma Chauvet, directritz de la sala tolosana Le Bijou, que lor a mes la sala a disposicion per doas seradas a de reng los 28 e 29 d’abril. Sèm anats al rencontre d’aquel parelh mentre qu’acabavan de pausar lo material.

Soutenez-nous sur Patreon et HelloAsso !

Chris Taal (fotografia Anne Gidel) treva los cafès, emponts e salas de Tolosa dempuèi d’annadas. Jurista de formacion, venguèt poetessa de profession… Per ela, èsser se-meteis es pas un trabalh, es un art. Es tot lo sens de sa vida actuala tala coma la mena, e n’a fait un condensat dins un libre titolat « Ainsi vit la vie » (Atal viu la vida) disponible en linha o a compte d’autor. Avèm demandat a l’autora d’aquel obratge que va largament en-delà de la literatura del desvolopament personal de ne nos contar las condicions d’escritura.

Soutenez-nous sur Patreon et HelloAsso !

castel de FoisDins la mena dels personatges que daissèron una marca, aqueste n’a semenadas d’en pertot entre Bearn, Bigòrra e país de Foish. Vòli parlar del Gaston III de Foish-Bearn dit Gaston Febus, comte de Foish e sénher de Bearn. Fa partida d’aquelas personalitats que de monde se disputan, compte tengut de son eiretatge. Aquò comença amb sa quita biografia e son lòc de naissença. Se sembla segur que nasquèt lo 30 d’avril de 1331, d’unes dison que nasquèt a la tor Moncada d’Ortès mentre que d’autres dison que nasquèt al castel de Fois !

Clamenç nos en dit un boçin mai sus aquel occitan del jorn...

E se volètz tornar trapar la version escrita de la cronica, es disponibla sus Jornalet, la gaseta occitana d'informacion.

Credit imatge : Thérèse Gaigé, CC BY-SA 4.0, via Wikimedia Commons

Soutenez-nous sur Patreon et HelloAsso !

Anem al rencontre d’un artista del parçan. Basat a Tolosa, Maxime Pouyanne es cineasta de formacion (realisator e montaire) mas consacra subretot son temps a la fotografia. Coma pels realisators que l’agradan, (de la mena de Tim Burton al qual a consacrat son memòri de fin d’estudis) l’agrada de crear un ambient, un univèrs particular e d’insistir sus l’agach dels modèls que fa pausar. 

Soutenez-nous sur Patreon et HelloAsso !

Michel Roquebert es un jornalista e istorian mòrt en 2020.

Aquel girondin d’origina aurà contribuit, animat per sa sola passion, a rompre lo silenci a l’entorn de l’istòria bassòla al sègle XIII. Dempuèi son òbra massissa « l’epopèia catara » (cinc tòmes ; 28 ans de trabalh) a un libròt cò-escrit amb Georges Serrus en cò de Loubatières en passant per son istòria dels catars publicada en cò de Perrin…

Clamenç nos en dit un boçin mai sus aquel occitan del jorn...

E se volètz tornar trapar la version escrita de la cronica, sera leu disponibla sus Jornalet, la gaseta occitana d'informacions.

Imatge : H. Zell, CC BY-SA 3.0, via Wikimedia Commons

Soutenez-nous sur Patreon et HelloAsso !